لم يكن أخي بقلم إيمان شلبي

وحماها وكبرها ووقف معاها في كل دقيقه وكل ثانيه في حياتها!
ازاي قدرت تنسي انها لما بتتضايق بتروح تجري علي حضنه تحكيله وتشيله همها مع أنه مش مضطر
لاول مره في حياتها تحس انها مقهوره بالشكل ده لاول مره تحس انها هتفقد شيئ غالي عليها
لا مش هتسمحله يبعد عنها طب ازاي بس وهو كل حياتها !!!!
قعدت علي الكنبه وهي بتفكر ازاي تصالحه
ونست تماما طارق وكذبته نست كل حاجه واي حاجه هي المهم عندها دلوقتي انس
ثواني واتنفضت من مكانها وهي بتقول بلهفه
لقيتها
ومع أنها كانت عارفه انها كده بتخاطر بحياتها بس مش مهم المهم انس ميزعلش منها !
تحت كانت قاعده مامتها وام انس حاطين أيديهم علي خدهم وبيبصوا لانس اللي كان قاعد علي الكرسي اللي في وشهم بملامح خاليه من اي تعبير
اتنهد وهو بيسألهم بضيق
بتبصولي كده ليه
ام ساره بتوتر
ا انس يابني ا انت عارف ساره دبش و ومبتحسبش الكلام قبل ما يخرج من بوقها ب بس والله هي طيبه و..
انس وهو بيقاطعها باحترام
لو سمحتي يا امي متجبليش سيره الموضوع ده
وبص قدامه وهو بيقول بنبره حاده ممزوجه پألم
ساره كبرت وعقلت ومبقتش محتاجه وجودي ولا وجود حد في حياتها هي تقدر تقرر مع نفسها
بس يا انس يابني
انس بضيق
عن اذنكم انا داخل انام
دخل اوضته ورزع الباب وراه وهو حاسس پخنقه حاسس انه عايز يروح يضربها
عايز يروح يقولها انسي الكلام اللي قولتيه انا ابوكي واخوكي ڠصب عنك انا مسؤول منك ڠصب عنك حتي لو انتي مبقتيش عايزاني في حياتك
عايز يقولها مش من حقك تبعدي وقت ما تحبي وتقربي وقت ما تحبي مش من حقك تبعدي من الاساس !
قعد علي طرف السرير واتنهد وهو بيجز علي أسنانه بعصبيه وبيهبد علي السرير بكل قوته
مش من حقك مش من حقك تبعديني عنك ياساره
وحياتك انا ما عايزه ابعد انا اصلا بوق علي الفاضي!
اتنفض من مكانه لما الدولاب اتفتح مره واحده وخرجت منه ساره
وفوق رأسها هدوم لأنها كانت محشوره جوا الدولاب
رمش عينه بذهول
انتي جيتي هنا ازاي
عدلت هدومها بفخر
تعرف اسبايدر مان!
محسوبتك قلدته وطلعت علي السور ونطت في بلكونتك ولو اني كنت هاخدها علي رقبتي بس حصل خير
لف بظهره وربع أيده وهو بيسأل بجمود
وجايه ليه
ساره وهي بتفرك ايديها بتوتر
ع ع عشان
لف وقرب منها بأقصي سرعه ووقف قدامها وهو بيشاورلها علي الباب
برا
ساره بذهول
ا انت بتكرشني
انس ببرود
اه
الدموع لمعت في عينيها وهي بتقرب منه وبتمسك أيده تبوسها برقه وبتقول بهمس
انا اسفه
اټصدم من جرائتها قلبه دق بسرعه عروق رقبته ظهرت العرق اتكون فوق جبينه
مكانش قادر يحدد ليه هو حاسس بالإحساس ده!
مع انها مش لاول مره
معقوله
معقوله يكون بيحبها وهو مش عارف طب أمتي وازاي طب حتي لو حبها هل هي كمان هتكون بتحبه ولا ده مجرد اوهام في دماغه !
محسش بنفسه غير وهو بيضمها لحضنه وبيهمس بجمله خلت كل خليه تنتفض في جسمها من الصدمه
بحبك
قالك بحبك !
كانت نايمه علي رجل مامتها في
آخر الليل بتحكيلها اللي حصل واللي هي لحد اللحظه دي مش قادره تستوعبه!
متقدرش تنكر انها لاول مره تحس انها متوتره فرحانه
خاېفه مستغربه حيرانه
كان جواها الف شعور وشعور !
من وقت ما قالها بحبك بنبره صوته
العاشقه وهي مش في الدنيا
حاسه انها في دنيا تانيه خالص دنيا فيها هو وهي وبس
اتنهدت بحيره
قالي بحبك
وبعدين
شالت رأسها وقامت قعدت وبصت لمامتها وهي بتسألها
ماما انا ليه حاسه اني متوتره
مامتها نسمه وهي بتبتسم بخفه
يمكن يكون شعور متبادل
مستحيل !
وليه لا !
ضحكت بذهول
عشان انا وانس اخوات
نسمه بخبث
مش في الحقيقه
بس