صغيرة علمتني الحب بقلم إسراء إبراهيم

تيجي انت وبعدين نتجوز ازاي حضرتك مش شايف الفرق الكبير بيني وبينك .. دا حضرتك لو اتجوزت تخلف قدي وكمان انا بقولك عمو
احمد مقدرش يمسك نفسه من الضحك وقال بثقة
فرق السن دا مش مقياس فيه كتير بيتجوزوا بفروق اكتر من دي كمان وبعدين ايه المشكلة اربيكي انا عندي
بصتله فرح وهي منزعجة فكمل احمد كلامه
متبصليش كدا انا قولتلك انك بتكوني قمرين لما بتكشري مش هتحمل انا كدا
فرح اتجاهلت

كلام احمد اللي وترها وبصت لامها باهتمام وقالت
ماما حضرتك موافقة ع التخاريف اللي عمو احمد بيقول عليها دي وحضرتك يا عمو شريف ايه رايك
احمد بهدوء فرح اسمعي كويس احنا لازم نتجوز علشان اقدر اقف لعمك بالمرصاد لاننا لو متجوزناش هيجوزك ابنه ڠصب عننا كلنا لكن لو اتجوزنا مش هيقدر يكلمك ابدا ولا يغصبك ع حاجة خلاص يعني انا بعمل دا علشان احميكي واقف جنبك انما من غير جواز انا هتدخل بصفتي ايه فهمتي
فرح بدأت تقتنع واحدة بواحدة بكلامه فاتنهدت بقلة حيلة وقالت خلاص ماشي موافقة وامري لله
احمد فرح وقال ف نفسه وهو باصص ليها هتجوزك علشان بحبك بحبك اوي يا فرح
فرح بضيق بس انا عندي شرط واحد
احمد ضحك وقال بهزار ااه هتتشرطي من اولها اتفضلي يا ستي ايه شرطك
فرح بتوتر يكون مجرد كتب كتاب علشان وبس وملكش اي حكم عليا واعمل اللي انا عايزاه
احمد بجدية الكلام دا سابق لوقته نكتب الكتاب دلوقتي وبعد كدا ربنا يسهل
وبالفعل تم كتب الكتاب وكانت فرح متضايقة اوي مش حابة فكرة انها تتجوز في السن دا علشان كدا حست انها مش طايقة احمد رغم انها كانت بترتاح ليه وعشان كدا دخلت هي الاوضة اللي خصصها احمد ليها ولمامتها دخلت بعد كتب الكتاب علطول ونامت علطول
تاني يوم خرجت فرح من اوضتها و الكل كان بيفطر فقالت باحراج صباح الخير
احمد بابتسامة صباح الهنا يا قمري تعالي افطري
بصتله فرح بضيق وقالت لا مش عايزة شكرا
احمد بسرعة وهو بيقوم لا شكرا ايه ومش عايزة ايه دا بيتك وبيت جوزك خلاص يعني تعملي هنا كل اللي انتي عايزاه زي بيتكم بالظبط
بصتله فرح بانزعاج فقال اقصد يعني بيتك تعالي افطري معانا مامتك قاعدة معانا اهه
قالت فرح بضيق لا انا هروح انام تاني
وفعلا فرح بقت تهرب من كل حاجة بتحصل بالنوم وفي مرة كانت قاعدة في اوضتها والباب خبط فقالت ادخل
واول دخل لقيته احمد فقالت بضيق
لالا اخرج بسرعة
احمد باستغراب ليه انتي قولتلي ادخل في الاول
فرح بتوتر لا ميصحش تدخل اوضتي.. تدخل ع اساس ايه انت
احمد كان لسه هيقولها علي اساس اني جوزك.. بس سحبها لانها بتضايق من الكلمة دي فقال بتردد
فرح ايه رايك نخرج نغير جو شوية
فرح بضيق هخرج مع مين ما انت مش عندك اخوات بناات
احمد باستغراب تخرجي معايا طبعا
فرح بتوتر لا مش هينفع اكيد
احمد باصرار ينفع يا فرح صدقيني تعالي بس انتي محتاجة تغيري جو
فرح برفض مش عايزة اخرج معاك انا
احمد بهدوء طب تعالي بس نقعد برا ف اي مكان عايز اتكلم معاكي ف كلام مهم يلا اجهزي انا هنتظرك برا
وبالفعل لبست فرح وخرجت و أخدها احمد وركبوا العربية وطول الطريق فرح منطفتش بحرف لحد ما وصلوا لكافيه هادي وقعدت فرح وكان باين ع وشها الحزن
احمد بهدوء واصرار انه يعرف فرح