صغيرة علمتني الحب بقلم إسراء إبراهيم

وهي بتقول
ايوا مين اللي ع الباب
احمد بابتسامة من ورا الباب ده انا يا فرح

فرح باستغراب ايوا انت مين قول اسمك ما هو انا مش عارفة اميز صوتك
احمد ابتسم وقال احمد ابن عمو شريف يا فرح ممكن تفتحي
فتحت فرح وقالت بابتسامة ايوا كدا اقدر افتح الباب
ضحك احمد وقال بتلقائية معلش حقك عليا انا اللي غلطان كان لازم اوضح نفسي بس برافو عليكي مش بتفتحي لاي حد والسلام فعلا لازم تتأكدي من هوية اللي ع الباب الاول
فرح بثقة اها بابا علمني كدا مفتحش لحد غريب معرفهوش
احمد باحراج طب هو عمو محمود موجود مش كدا
فرح بابتسامة اه موجود جوا اتفضل ادخل وانا هناديه حالا
احمد برفض لا لا معلش مرة تانية مش هقدر ادخل ودا لاني مستعجل ومحتاج عمو محمود علشان رايحين مشوار كدا
فرح باستغراب ايه انتوا رايحين مشوار دلوقتي
احمد بتلقائية اه دلوقتي ليه دا مضايقك في حاجة
هنا جه محمود وقال بجدية تعالى يا احمد يا ابني اتفضل خمس دقايق وهكون جاهز ونمشي علطول بإذن الله تعالى ادخل بس
فرح باستغراب ايه دا بابا حضرتك هتنزل دلوقتي طب انا جهزت وانت وعدتني
هنا محمود ضړب ع راسه بتذكر وقال
اه صح انا نسيت خالص اني وعدتك اخرج انا وانتي علشان تشتري لبس جديد ليكي
فرح بزعل اه انت كل مرة تقول مشغول ورجعت وعدتني اننا هنخرج النهاردة متخلفش بوعدك بقا لاني مش هقبل بدا
محمود باحراج والله اسف يا فرح نسيت خالص معلش طب بصي هروح مشواري مع احمد لانه مهم ومينفعش يتأخر وبعدين اجي اخدك ماشي
بصتله فرح بحزن فقال احمد اللي متحملش يشوف نظرات الحزن ف عنيها
اا طب انا عندي اقتراح يا عمي فرح تيجي معانا نحضر المقابلة وبعد كدا تجبلها اللي هي عايزاه فرح بنت مؤدبة ومش صغيرة يعني ف انها تغلبك في المقابلة مش كدا يا فرح
فرح بسعادة الله هحضر مع بابا مقابلة شغل الله كان نفسي اشوف بابا في شغله من زمان اوي ماشي يا بابا موافقة ارجوك وافق ع اقتراح عمو احمد ارجوك ارجوك
محمود بتفكير انت شايف كدا يا احمد
احمد بثقة وهو بيبص لفرح طبعا يا عمي
محمود برضا تمام يا فرح يلا انتي جاهزة
فرح بحماس اه جاهزة هروح بس اجيب شنطتي واجي علطول
ولما جهزوا نزلوا سوا وركبوا عربية احمد
محمود كان بيفتح لبنته الكرسي الخلفي علشان تقعد فيه فقالت برجاء
معلش ممكن يا بابا اقعد انا قدام علشان خاطري
محمود باستغراب اشمعنا قدام ايه الفرق يعني بقي
فرح بصت لأبوها وضحكت وهي بتقول امممم ما حضرتك عارف بقا
ضحك محمود لانه فهم هي عايزة ايه وقال يا بنتي تتعلمي السواقة ايه انتي لسه صغيرة
فرح بصعبانية يا بابا مليون مرة اقولك انا مش صغيرة وبعدين يعني مين قال اني لما اتعلم هيجيلي عربية مثلا في التو واللحظة لا انا بحب اتعلم حاجات جديدة وحضرتك عارفني يعني حابة يكون عندي خلفية ف السواقة علشان لما اكبر واكون ف الجامعه كدا تجيبلي عربية مش كدا يا بابا
محمود بابتسامة كدا يا روح بابا ربنا يطول في عمري واجيبلك احلى عربية يا روح قلبي
فرح بسعادة حبيبي يا بابا .. ها يا عمو احمد حضرتك هتعلمني السواقة انا هقعد قدام مخصوص علشان كدا
احمد بابتسامة اوي اوي اتفضلي
وقال ف نفسه انا ليه