صغيرة علمتني الحب بقلم إسراء إبراهيم

صغيرة علمتني الحب
اهلا وسهلا يا عمو شريف حضرتك نورتنا
مد شريف ايده علشان يسلم عليها
الله يسلمك يا حبيبتي انتي اكيد فرح مش كدا
فرح ببراءة اه يا عمو انا فرح .. بس اسفة مش بسلم معلش اعذرني
شريف باستغراب ليه يا بنتي هو انا مش عمك ولا حد غريب
فرح بابتسامة لا حضرتك مش غريب حضرتك صاحب بابا مش عمو اخو بابا علشان اقدر اسلم عليه اسفة والله
شريف باعجاب من تربية البنت
ولا يهمك يا حبيبتي انا مقدر دا وفخور بيكي جدا بس انتي لسه صغيرة يعني فعادي
فرح ابتسمت وردت بثقة
لا يا عمو انا خلاص مبقتش صغيرة انا دلوقتي عندي ١٦ سنة يعني اتحاسب على كل حاجة باعملها
احمد ابن شريف شاب ف اواخر العشرينات كان واقف ورا ابوه وشايف اللي بيحصل وعجبه موقف فرح هو كمان فابتسم لكنه معلقش وفرح راحت ناحية الباب التاني اللي جنب الشقة وقالت وهي بتفتحه
اتفضل يا عمو شريف من هنا.. اسفة مش هقدر ادخلك البيت هنا لان ببساطة بابا مش موجود ومفيش غيري انا وماما في البيت وميصحش علشان كدا فتحت اوضة الضيوف وانا هروح اكلم بابا يجي حالا ويقابل حضرتك عن اذن حضرتك.. خدوا راحتكم البيت بيتكم
شريف بص ع ابنه وقال باعجاب
والله برافو عليه محمود البنت متربية مية مرة انا من زمان مشوفتش بنات الأدب والأخلاق دي
احمد باعجاب معاك حق يا بابا البنت مش زي بنات اليومين دول خالص بس حضرتك مش شايف انها لسه صغيرة على تصرفاتها دي وتحس انها سابقة سنها
شريف بتأكيد دا صحيح البنت عاقلة ورزينة وسابقة سنها فعلا
وبعد شوية لقوها جايبة صينية فيها شاي وكيك وبتقول بابتسامة
اتفضلوا .. اتفضل يا عمو شريف الكيك دا بالبرتقان انا اللي عاملاه بنفسي هيعجبكم اوي
ابتسم احمد وقال امم الظاهر انك كمان شاطرة اوي في المطبخ
فرح بتلقائية اكيد انا الحمد لله بعرف اعمل كل حاجة انا بحب اساعد ماما ودا لانها بتتعب اوي علشانا فمن واجبي اني اساعدها
احمد باعجاب اكبر لا برافو عليكي يا فرح
فرح بخجل شكرا لحضرتك بس انت مين واسمك ايه لاني مش عارفاك
احمد بابتسامة انا احمد ابن عمو شريف يا فرح
فرح باهتمام اها اهلا بيك يا عمو احمد نورتنا
احمد بتلقائية وهو بيبتسم دا نورك يا جميلة
وهنا جه محمود ورحب بضيوفه
يا اهلا يا اهلا نورتنا يا شريف ازيك يا احمد والله فرحتوني بوجودكم انتم ليكم وحشة والله
شريف بسعادة وهو بيسلم علي محمود ازيك يا محمود معلش انت عارف ان الدنيا تلاهي وكل واحد مشغول في حاله بس اول ما حسيت اني فاضي شوية مكدبتش خبر وجيتلك علطول وحتى من غير معاد
محمود بفرحة وود تآنس وتنور والله يا شريف . فرح يا بنتي اطلبي من ماما تحضر الغدا يلا علشان نتغدى سوا
فرح بتلقائية حصل يا بابا وماما فعلا بتحضر الغدا بس انا قلت يتسلوا بالكيك بتاعي لحد ما الأكل يجهز
محمود بابتسامة طول عمرك صاحبة واجب يا حبيبتي.. دوقوا يا جماعة الكيك بتاع فرح بنتي هي اللي عاملاه بإيديها هيعجبكم اوي
احمد اخد قضمة وقال باعجاب امم فعلا لذيذ اوي تسلم ايديكي يا فرح
فرح ابتسمت برضا وقال بخجل شكرا لحضرتك
وخلص اليوم بعد ما شريف واحمد اتغدوا مع محمود وقضوا وقت معاه وروحوا
وتاني يوم باب البيت خبط
فراحت فرح علشان تفتح