اسكربت برائتها اذابت جليدي بقلم إسراء إبراهيم

مش بس جرحتيه انتي استعريتي منه! خلتيه يحس إنه مش كفاية وقدام الناس كلها!
مروة بتنزل عينيها في الأرض دموعها بتلمع لكنها بتحاول تفضل ثابتة
مروة
أنا جاية أصلح علاقتي بيه وعاوزاكي تساعديني أرجع اللي اتكسر
آسيا بعصبية
انتي فاكرة الرجوع بالساهل فاكرة الكرامة بتتلم بكلمتين
أخويا ده اتكسر يا مروة كسرته مش سهلة أحمد طول عمره شايفك الحلم بس لما الحلم يتحول لكابوس صعب يرجع تاني ينام وهو مطمن
مروة بتهمس وهي بتقرب منها
أنا بحبه يا آسيا وأنا اتعلمت واتغيرت
آسيا بتهز راسها بأسف
بتحبيهطيب بتحبيه أكتر من شغلك أنا اللي هجاوبك طبعا لا لو كنتي فعلا بتحبيه مكنتيش كسرتيه كده قدام الناس وقدام نفسه كنت وقفتي جنبه وكنتي فخورة بيه قدام الدنيا كلها
مروة بدموع
أنا غلطت بس مش معنى كده إني أستاهل انه يسبني للأبد
آسيا بتنهيدة
مش بايدي اني اخليه يرجعلك
ده انتي اللي بايدك خسرتيه يا مروة وعارفة ان كلامي صعب بس
أحمد مش هيرجعلك لأن كرامته أهم منك وأنا متأكدة من ده حتى لو قلبه پيصرخ باسمك
مروة فهمت ومسحت دموعها وخرجت من البيت باحباط لانها متأكدة ان اسيا عندها حق
كان واقف احمد في المحل بتاعه وهو عقله مشغول وسرحان وبيكلم نفسه
أحمد في سره
ضي إيه اللي خلاكي تفضلي في دماغي دايما كده! أسبوع كامل ومفيش لحظة مرت من غير ما فكرت فيكي
انتبه احمد لصوت عربية بتفرمل قدام المحل بتخرجه من سرحانه فبيبص بسرعة من الشباك وبيجمد مكانه وهو شايف ضي نازلة منها وابتسامة تلقائية بتترسم على وشه من غير ما يحس وبياخد نفسه وبيخرج يستقبلها
أحمد وهو بيقرب منها
معقول! ضي!
إنتي جيتي هنا إزاي!
ضي بابتسامة خجل وعيونها بتدور على مبرر
سألت ودورت وبعدين أنا مذيعة يا أحمد يعني ليا طرق خاصة
احمد بابتسامة
واضح انك مشهورة اوي بس يا تري بقي زيارتك دي لسبب معين
ضي بتردد
معرفش كنت جاية ليه بس يمكن عشان أطمن عليك أعرف عملت إيه مع خطيبتك
أحمد بيبص لها بشوية بۏجع وبعدين يهز راسه بهدوء
خلصت كل حاجة الموضوع انتهى
ضي بنبرة مترددة
طب مش يمكن كانت آخر فرصة يعني يمكن كانت هتتغير يمكن كنت تستاهل تحاول تديها فرصة تانية
أحمد بخيبة امل
هي عمرها ما هتتغير أنا متأكد ان هي عمرها ما شافتني غير واحد أقل منها مش من مستواها مش شبهها ولا حتى يستاهل يمشي جنبها
ضي بترفع راسها وتبصله بنظرة كلها جدية
ضي بتلقائية من غير ما تفكر
تعرف انا اللي هعيش معاه مش مهم يبقى عنده شهادة المهم يبقى راجل بجد يعرف يعني إيه احترام يعني إيه أمان الباقي كله شكليات ولا ليه أي قيمة عندي
أحمد بيبصلها لحظة وابتسامة بتترسم على وشه فيها إعجاب
أحمد بصوت واطي
تعرفي اني كنت محتاج أسمع الكلام ده منك إنتي بالذات
اتوترت ضي بخجل ولعنت نفسها علي اندفاعها و فجأة الباب بيتفتح پعنف وبتدخل مروة وهي باين عليها الغليان اول ما شافت ضي
مروة بحدة
أنا مش مصدقة نفسي! هو انتي
إنتي بتعملي إيه هنا يا بت انتي
ضي بتتوتر و بتحاول ترد بهدوء
أنا بس كنت جايه
يعني اطمن و
مروة بقرف واضح
تطمني! وانتي مين أصلا عشان تطمني! انتي ماينفعش اصلا تقفي مع أحمد ومتتكلميش معاه انتي فاهمة
أحمد بيقف قدام ضي وبيتكلم بحدة
مروة كفاية ويلا امشي دلوقتي
مروة بتتعصب أكتر وتبدأ تقرب
إنت بتطردني عشان واحدة زي دي!
قالت كدة مروة ومدت ايديها وحاولت تصؤب ضي بس أحمد بسرعة بيمسك إيدها ويوقفها
أحمد بعصبية
مروة!!! فوقي بقى غيري بك ملوش اي مبرر وقولتلك ان اللي بينا انتهي افهمي بقي
مروة بتصرخ وتتعصب اكتر وبتحاول تهجم على