أحببت ممرض بقلم إسراء إبراهيم

وأبويا.. وتقوله إنك مش موافق على الجوازة دي.. وتقطعها من أساسها.
آدم بيتفاجئ وبصوته فيه كسرة
ليه يا ليلى! ليه توصليها لكده! عموما قوليهم إنتي لو مش عايزة.. قوليهم إنك رافضة وخلاص.
ليلى بتضحك بسخرية وهي تحرك شعرها
أنا! إنت فاكرهم هيسمعوا مني! ده هما خلاص اتفقوا.. وكلمة الرجالة مابترجعش.. انت الوحيد اللي تقدر توقف الجوازة دي قبل ما تحصل.
آدم يبصلها بحزن وحب
طب ليه كده! جربي تديني فرصة.. جايز أغير فكرتك.. جايز أقدر أسعدك يا ليلى.. أنا بحبك والله.
ليلى بصوت عالي وسخرية تقطع القلب
تحبني! طب منا عارفة ومن زمان بس انا بقي مش فارقلي عارف ليه عشان انت اقل مني اسمعني كويس يا آدم.. أنا دكتورة.. دكتورة قد الدنيا.. عمري ما هبص لواحد زيك.. ممرض! تفهم يعني إيه ممرض! طول عمرك بتجري ورا الدكاترة ورا تعليماتهم.. إزاي أتجوز حد أقل مني في التعليم والمكانة! مستحييييل.. ده لو آخر راجل في الدنيا.
آدم بيتحول في لحظة وعينه تغيم بالڠضب ونبرة صوته بتتغير وكأن كرامته اللي بتتحكم فيه
أقل منك! بقي كدة يا ليلى.. انا ماكنتش مصدق إنك شايفاني قليل كده جواكي.. بس خلاص.. كفاية كده.
ليلى بتبصله بسخرية أكبر
آه أقل مني.. ودايما هتفضل أقل مني.. إنت حتى مستواك مش قدي ولا هتبقى قد اللي أستاهله.
آدم بصوت جامد
طب اسمعي يا ليلى.. من اللحظة دي.. الجوازة دي هتم.. وهكتب كتابي عليكي.. وهوريكي الممرض اللي مش قدك ده.. هيعمل إيه.. ووقتها.. والله لټندمي على كل كلمة قولتيها.
ليلى بتضحك ببرود
بتحلم.
آدم بصوت واثق
لا.. ده الواقع اللي هتشوفيه بعنيكي.. وافتكري كلامي ده كويس.. يوم كتب الكتاب هبصلك نفس البصة دي.. وأقولك أهلا بمرات آدم.. الممرض اللي متستاهليهوش اصلا.
ليلى بتشد نفسها وتقول ببرود
ولا هتيجي اللحظة دي.
آدم بصوت قوي
هتيجي.. وهتيجي ڠصب عنك.. ووقتها.. هتعرفي إن اللي استقليتي بيه.. كان راجل.. راجل بمعنى الكلمة.
ليلى بتلف وشها ببرود
خليك فاكر كلامك ده.
آدم بهدوء
هفتكره .. زي ما هتفضلي انتي كمان فاكرة كل كلمة قولتيهالي انهارده.
مشيت ليلي بغرور وكان متابعها ادم بحزن وۏجع وكرامته بتقوله متعندش وسيبها واكيد ربنا هيعوضك عنها بس العند كان اشد ونظرته اتحولت لڠضب سيطر عليه
..............................
في أوضة نور.. ليلى كانت قاعدة قدامها بتتكلم ببرود.. ونور عينيها مليانة ڠضب مش مصدقة اللي بتسمعه من اختها
ليلى ببرود وسخرية
بجد يا ستي.. روحتله المستشفى وقولتله بالحرف.. إنه مستحيل أبصله ولا أفكر فيه.. ممرض إيه اللي هتجوزه! أنا دكتورة يا نور.. دكتوووورة!
نور بتشد نفسها پغضب وتقوم واقفة
إيه اللي بتقولي ده يا ليلى! إزاي تروحي تهينيه كده في شغله! آدم ده محترم وابن ناس.. وراجل بمېت راجل.. ليه تجرحيه بالشكل ده!
ليلى بتضحك ببرود
وأنا يعني همني! خلي يحس بقيمته شوية.. يمكن يصحى ويعرف مكانه فين.
نور بتزعق بصوت عالي وهي بتقرب منها
عيب.. عيب يا ليلى.. آدم ده أرجل إنسان قابلته في حياتي.. وأنا لو مكانك.. كنت شيلته فوق راسي.. ده بيحبك وواقف مستني كلمة منك.. وإنتي بكل قسۏة رايحة تهينيه وتقوليله مش هبصلك عشان ممرض!
ليلى بغيظ
اتفضليه ياختي.. لو عاجبك قوي روحي اتجوزيه.. أنا عن نفسي مش عاوزاه.. ولا فارق معايا لا حبه ولا كلامه.. اللي فارق معايا إنه اتوعدلي.. قالي هيتجوزني ڠصب عني.. بقى فيه راجل يقول لواحدة كده! ده مستفزززز بجد.
نور بصوت مبحوح ودمعة محپوسة في عنيها
يمكن مستفز عشان مجروح.. عشان بيحبك بجد.. والۏجع مابيرحمش.. وأنا متأكدة إنك لو كملتي كده هتندمي.. آدم راجل بجد.. ولو ضيعتيه هتعيشي طول عمرك ټندمي عليه.
ليلى بتلف وشها