عاليا وعلي بقلم خلود ناجي

كدا التقفيل فعلا صعب والأخطاء اللي عملتها طبيعية جدا وخصوصا انها متدربة
حلا انا لاحظت دا فعلا
غادة بحدة لا دي اخطاء عبيطة وكمان التقفيل تافه ويخلص في يومين وكمان شهر كامل في تقفيل و....
استاذة غادة اسلوبك يتغير وطريقة كلامك تكون اهدا دا بعد اذنك....تاني شي دي متدربة يعني التقفيل مسؤول منك انت ... يومين بالظبط والتقفيل يكون جاهز وهستلمه منك يا استاذة غادة
غادة پصدمة بس دا صعب تقفيل الشهر دا صعب جدا
بس دا مكنش كلامك من شوية .... المتدرب عندنا بنديه تاسكات بسيطة بس مش تقفيل شهر كامل وحتي لو خد تدريب مش بيكون اعتمادنا الكلي عليه يا استاذة غادة ...دي اخطاء مستحيل متدرب يعملها مش حد عنده خبرة يا استاذة غادة
غادة بعصبية انا مش هتحاسب علي كسلها ولعب العيال بتاعها
لا يا استاذة انت بتتحاسبي علي تقصيرك أنت...أنت المسؤولة قدامي عن تقفيل الشهر دا ...
ام جمال اتفضلوا يا اساتذة
عاليا تسلم ايدك يا خالتي بس ... هو حضرتك حطيتي اكتر من معلقة سكر صح !
ام جمال اه أربعة.... اشربيه وخلاص
نظرات علي الغريبة ناحيتي ضايقتني وطريقة كلام ام جمال واللي ضايقني اكتر ضحكة غادة عليا .... حاولت اكتم غيظي .... انا مش عايزة اڼفجر في حد وربنا هيجازيني علي صبري ... علي رجع مكتبه وغادة اتعصبت عليا كالعادة وحقيقي انا قلة النوم تعب جسمي وامبارح قابلت كرم خطيبي .... ولأول مرة يتكلم معايا وبيفكر نرجع.... ودا شاغل تقكيري حقيقي ....انا مش عارفة اعمل ايه.....
غادة يا استاذة مشغولة بكلمك
نعم ...اتفضلي
غادة انا لأول مرة اتهزق بسببك وانا مش بحب كدا ولازم تساعديني في التقفيل
بعد اذنك تليفوني بيرن
كنت هطلع بس غادة مسكت أيدي وتليفوني وقع ....وام جمال وقعت كوباية نسكافيه سخنة عليا واتحرقت
ام جمال ما تفتحي ...انت مش بتشوفي
اياك تتكلمي معايا كدا تاني سامعة ولا اقسم بالله امسح بكرامتك الأرض سامعة.... انا بنت ناس ومتربية بس اعرف أقل ادبي واتعامل معاك كويس ....انا بكبر دماغي كتير وبعدي تعاملك قليل الذوق معايا وانك تطنشي طلباتي وتتريق عليا....بس خلاص جبت اخري منك ...انا عايزة كوباية شاي وتكون معلقة سكر ولو طلعت مش زي ماانا عايزة.... هشربهالك بس بطريقتي ...سامعة ..... وانت بقي يا استاذة غادة ...انت مجرد زميلة اقدم مني انما مش مديرتي ... اسلوبك وطريقة كلامك المعفنة دي هرد عليك بطريقة أعفن ... واقولك حاجة انا مش عايزة الشغل.... اني امسح كرامتك قبل ما اسيب الشغل دا بقي يرجع لتعاملك معايا ....فابعدي عن وشي الفترة دي .... تليفوني انكسر بسببك تاخديه وتغيري الاسكرينه وترجعيه النهاردة والا هضطر اعيد قلة ادبي اللي شوفتيها من وشي بس بصوت اعلي بقي .....
اڼفجرت في الكل ودخلت مكتب علي حتي دخلت مكتبه من غير ما اخبط وكان معاه زمايل.... عيطت ووقتها الكل بصله وطلعوا بهدوء....وقف قصادي
مالك يا بابا
عيطت كتير ... عيطت من كل حاجة ....ضغط الفترة الأخيرة كله طلع في عياطي.... عيطت علي ۏفاة بابا...وعلي تعامل خطيبي وانه سابني رغم انه مش فارق معايا....وبعيط اني علي سايباني اتعامل مع كل دا لوحدي
اشربي مية يابابا
ليه يا علي ... ليه هما وصلوني للمرحلة دي انا زعلانة اوي اني كنت قليلة ادب واتعاملت بطريقة وحشة كدا يا علي احنا عمرنا ما اتربينا كدا ولا حتي الرسول وصانا نتعامل كدا انا قلبي وجعني اوي وزعلانة من نفسي ... زعلانة من الكلام اللي قولتله والطريقة اللي اتعاملت بيها انا عايزة اعتذر و .....
اياك.... اياك تعتذري الاعتذار هيضيع حقك اسلوبك دا ما هو إلا انعكاس لطريقتها انا لاحظت تعاملها معاك من بدري وانتظرت ردة فعلك كتير انت عندك طاقة صبر وحلم كبير ودا حلو بس انا حذرتك من البداية قولتلك حطي حدود مع الكل من الاول كوني لطيفة بس حدودك محفوظة
ليه الكل بيحترمك رغم انك قاسې وشخص وحش مع الكل الكل هنا بيعمل اللي انت عايزاه رغم أنهم بيكرهوك بس محدش يقدر يقلل أدبه معاك...وانا لطيفة مع الكل و كويسة بس هنا بيعاملوني بتفاهة ويقللوا مني ....ليه طيب المحترم بيندموه علي أخلاقه
المحترم بيفضل محافظ علي أخلاقه بس يحط حدود كويس جدا جدا ...واللي يقل منه مرة هو يرد عليه رد قوي يخليه ميفكرش يعمل كدا تاني.... هنا في الشغل أو في الحياة عموما حدودك محفوظة وأسلوبك شديد وصريح مع الكل ...الكل هيحترمك... ومش اي حد يعرف حاجة عن حياتك ... كفاية عياط بقي ...
انا عيطت كتير !!
ساعة ونص كاملين بټعيطي..... خدي الشكولاتة دي
لا دي استاذة غادة جابتها مخصوص لمستر علي
ضحك لا يا ستي دا المدير اللي بعتها معاها مش هي وبعدين انا وانت واحد
يعني اخدها عادي
اه عادي. ... يلا ارجعي مكتبك واتجنبي الكل والأهم هنمشي مع بعض النهاردة عشان باين عليك التعب
عايزة اتكلم معاك في موضوع بعد الشغل
ماشي يابابا نتكلم
رجعت كملت شغلي وغادة لاحظت الشكولاتة في أيدي بس مش مهم.... الكل كان خاېف مني مش عارفة ليه هو صراحة عصبيتي كانت اوفر بس مش مشكلة المهم اني مرتاحة دلوقتي
اتفضلي ...عملتلك كوباية الليمون دي مخصوص عشان اعصابك تهدأ
هو علي دماغه تعبانة ليه ...يعني لما الكل يتكلم علينا دلوقتي هيرتاح
لقيته منتظرني في العربية ركبنا مع بعض ...
اي دا
شيبسي وشكولاتة و كريب
ياباشا تسلم ...المهم انا عايزة اخد شهر اجازات عشان الامتحانات
متقلقيش انا عامل حسابي اخر اسبوع دا شغلي ركزي في امتحانك وبعدها شوفي عايزة ترجعي ولا تسيبي الشغل
لا هرجع باذن الله انا استفدت من المكان ومستر فؤاد دا طيب اوي وشاطر وحلا عسل اوي وغادة شاطرة رغم انها بتحب تعمل نفسها حلوة قدام حد هنا
مين !
روح اسالها.... المهم كرم كلمني وعايز نرجع
سكت
علي بكلمك
سامعك يا حبيبي
تنحت شوية اعمل ايه مع كرم اوافق ولا لا
أنت عايزة ايه
مش عارفة حقيقي بس انا مبسوطة أنه رجع ندمان
مين قالك أنه ندمان
كفاية أنه رجع
عشان عارف انك منتظراه وهتتقبليه ولا كأنه عمل حاجة ....لو انت بتحبيه ارجعي يا عاليا
انا مش بحبه هو عادي
طيب شخص كويس
مش عارفة ...علي انا مكنتش بعرف اتكلم معاه بجد كلامنا كان عادي حرفيا عادي جدا انا معرفش اي حاجة عنه ولا هو برضوا اطول مكالمة بينا كانت ساعة وكانت عشان أنا وهو وماما بنتكلم في الوان الشقة وأمور خاص بالشقة .... يعني اقولك حاجة انا دلوقتي عشان قلقانة ومتوترة مستحيل كنت أكلمه هو
بس كلمتبني انا !!
لحظة إدراك غريبة ....ايه الضحك بتاعته دي .... هو قصده ايه !!!!
ضحكت لما هي سكتت اخر فترة هي قريبة مني رغم الخناق بينا