عاليا وعلي بقلم خلود ناجي

مش هتعصب ولا هشتم.... طلعت من الاوضة وقعدت اذاكر في البلكونة الحقيقة انا كنت مضغوط الفترة اللي فاتت في الامتحانات بس الصداع دي جت وحرفيا بترفع ضغطي من كتر استفزازها اخيرا هتمشي بكرا يارب ما اشوفها تاني وارتاح منها ... محستش بالوقت غير لما خالتي صحيت. ...
عملتلك فطار يا حبيبي متزعلش من عاليا وهزارها وانا هتكلم معاها تاني
مفيش داعي يا خالتي دي اختي الصغيرة
انا هدخل اصحيها عشان تدخل انت تنام
لا مش هنام عشان اوصلكم
لا يا حبيبي كلها نص ساعة و العربية هتكون هنا
واخيرا مشيت المزعجة انا عايزة اۏلع في الملايا دي عشان حرفيا ريحتها عاليا نفسها ... في ناس تحس بروحها في المكان ودي عاليا ....اكتر شخصية مزعجة في المجرة
بعد ٨ سنوات
ماما انا رايحة الكلية عايزة حاجة
استني اوصلك معايا
لا مفيش داعي طلبت اوبر كمان انت واضح متأخرة هتاخر النهاردة عشان هروح عند سارا
متتاخريش طيب
انا عاليا عارفة انكم تعرفوني بس انا عايزة اعرفكم علي عاليا الجديدة بنت هادية جدا ناضجة الي حد ما كلامها قليل وفي حالها بتحب مامتها واختها اكتر حاجة في الكون بعد ۏفاة باباها معرفش الحياة ازاي اتغيرت مرة واحدة بابا اټوفي مرة واحدة ومن وقتها كل حاجة بقيت كئيبة ومخيفة والواحد بقي بېخاف اكتر بېخاف يصحي ميلاقيش الناس اللي بيحبهم حواليه علاقتي مع ماما كويسة بس مع اختي الكبيرة اقوي وخصوصا بعد ما اتجوزت وخلفت ....العيلة بدأت تكون اجمل بعد وجود كريم وفريدة ولاد سارا الحياة مش بتقف فعلا وفي ناس بنفضل طول عمرنا مفتقدينهم بس ربنا ارحم بينا ومع كل ابتلاء بيرزقنا لطف من عنده ورحمة وقدرة أننا نتعامل مع الابتلاء دا ....
عاملة ايه في الكلية يا استاذة !
فل الفل
واخبارك ايه مع خطيبك !
مش عارفة
يعني ايه مش عارفة
والله يا سارا ما فاهمة حاجة عادي يعني ماشية الأمور بينا
يا حبيبتي ازاي طيب انت عايزة تكملي معاه !
عادي
طيب عايزة تسيبه
مش عارفة بس برضوا عادي
عاليا ...أنت لسه بتفكري في علي !
كان طيش مش اكتر وانت اكتر واحدة عارفة اني من وقت ۏفاة بابا وانا عمري ما سافرت ولا شوفته ولا حتي اعرف عنه حاجة انا بس بكلم طنط ورنا
عارفة بس ... انا مش مبسوطة انك بقيتي كدا يا عاليا ! يا حبيبتي دا جواز انت خطيبك بتتفاهموا مع بعض طيب ولا ايه !
لما نتكلم الاول نبقي نختلف
خطوبة تقليدية ودا اللي عايزاه ابن صاحبة ماما هو حقيقي شخص كويس اوي ومحترم وكل حاجة فيه تمام عيبه بس أنه بيحب زميلته في الشغل ومامته مش موافقة عليها دا اللي عرفته بعد الخطوبة بالصدفة ليه مازلت مخطوبة ليه عشان بالنسبة لأهله واهلي دا مش هيكون سبب كافي اني اسيبه وقررت اديه فرصة ....
المهم احنا مسافرين بكرا علفكرة ماما قالتلي اجيب ولادك عشان تسلم عليهم
يعني ولادي مهمين وانا لا
ضحكت الصراحة اه
اضحكي يا ختي براحتك... المهم مسافرين في الفجر !
اه عشان نكون مع طنط هنية انت عارفة فرح رنا بعد اسبوع وخالتي هتزعل لو ماما مكنتش موجودة
هتكوني مرتاحة هناك
هحاول ...المهم انا ماشية عشان ماما
اوك ... خلي بالك من نفسك
٨ سنين مروا وانا عمري ما دخلت بيت خالي الحقيقة انا في الاول كنت بكون مبسوطة انما دلوقتي خاېفة ومتوترة ....حاسة اني دا مكان جديد
اخيرا شوفتك وحشتيني يا لولو
خالتي هنية
انا بأمن أن الناس لو حبهم حقيقي مهما بعدوا المعزة مش بتتغير ودا اللي بحس بيه لما بكون مع طنط هنية انا بحسه شبهي اوي اوي بس هي علي اعقل واهدأ شخص حبه حقيقي وخوفه نابع من قلبه فعلا شخص لطيف فعلا رغم اني بعدت عنهم من سنين بس بتعامل معاهم كأني لسه مفارقاهم من امبارح
أنت مين
هو حضرتك عايز مين
هو مش دا بيتنا ولا ايه وفين ماما أو رنا ومين البنت دي ....يعني ايه ارجع بيتنا الاقي واحدة غريبة قدامي وبتسألني انا مين !!!!!!!!!!!
رنا بضحك يا بنتي دخليه....دا علي
علي مين !!!!
يا لهوي علي !!! هو بقي واحد تاني ليه وايه الدقن دا !! مين دا !! يعني شكله زي الناس الكبيرة !! اټخضيت ورجعت لورا وهو دخل ومبتسم ....
رنا دي عاليا يا بني انت نسيت ولا ايه
لا فاكراها ... ازيك اخبارك ايه !
بخير الحمد لله في نعمة كبيرة بعد اذنك
ابتسمت لما شوفتها البنت الصغيرة أم لسان طويل كبرت وبقي واحدة عاقلة وهادية وحلوة ملامحها هادية فعلا مش مميزة في الشئ وعادية بس. .. مميزة برضوا ومريحة
هنية يا حبيبتي دوقي كدا قولي رأيك انا عملت مخصوص صنية الفراخ دي عشانك
تسلم ايدك يا خالتي.... كفاية تعبك والله
كانت ردودها هادية جدا حتي وهي بتتكلم أو بتاكل بيكون علي استحياء مش بترفع عينيها خالص هي ازاي اتغيرت كدا !! انا لاول مره الاحظ اني مر سنين كتير من اخر شوفتها
رنا وانت بقي فرحك أمتي يا لولو !
كرم هيحدد مع ماما لسه بس في نهاية السنة باذن الله
بس دا ظلم يا خالتي عفاف
عفاف ليه بس يا حبيبي
انا طول عمري بسمعها بتقول انها هتتجوزني دا حتي كانت بتقول انها نفسها لما تكبر تكون مرات علي كدا تسيبني وانا منتظرها
كنت بهزر وانكشها بس اټصدمت لما لاقيتها بټعيط وتسيب الاكل وتدخل جوا.....
هو حصل ايه ! والله كنت بهزر معاها يا خالتي
هنية وهو دا هزار يا عاقل يا محترم انا هدخل اشوفها
عفاف علي مكنش قصده يا هنية هو غلط اللي قاله بس نيته مش وحشة
رنا ايوا يا ماما و....
انا فعلا كنت بنكشها عشان تهزر زي الاول وتضحك بدل ما هي ساكتة كدا
هنية دمك سم
هو ازاي حد شخصيته تتغير كدا كانت مشاغبة وشقية جدا علطول بتضحك ومش پتخاف ليه بقيت جبانة كدا وبتتخبي ومش بتتكلم دا حتي عينيها علطول في الأرض.... هي مين دي ! وفي عاليا اللي اعرفها هو انا مالي اصلا مش كنت بدعي تختفي عاليا من حياتي اهي اختفت مالي بقي بيها يارب تكون مبسوطة مع خطيبها.....
انا اسف
ها !
مكنش قصدي اضايقك انا بس كنت بهزر معاك
مش مشكلة حضرتك اخويا الكبير بعد اذنك
هو أنت كويسة !
بخير الحمد لله
يارب تكوني فعلا كويسة
بصتلي بتوتر وبعدها مشيت .... مع الايام هي انشغلت مع اهلي وتجهيزات الفرح وانا رجعت القاهرة عشان شغلي هناك وحياتي كلها هناك ....بس لاول مرة اكون فعلا عايزة اكون في البيت معاها هو في ايه ... دي واحدة مخطوبة انا بقيت مچنون ليه كدا دا حرام اني افكر في واحدة