عاليا وعلي بقلم خلود ناجي

يا طنط بالله لا ...انا تعودت عليك وعلي اكلك وبعدين اشتكي لمين في غيابك....
هنية هرجع أسبوع بس عشان اشوف اختي وولادها وابن اختي خطب هروح اباركله
طيب ما يروح علي وانت خليك
عفاف عاليا خالتك ضروري تروح
يوووه بقي ...طيب هترجعي أمتي
أن شاء الله اسبوع بس وهرجع
انا بحب ماما بس محتاجة طنط هنية اكتر هي فاهمة انا دايما عايزة اقول ايه دايما موجودة جنبي بكلامها ودعمها وحبها الكبير ليا ... هي حنينة ودايما حبها ظاهر في كلامها قبل أفعالها.... عشان كدا دايما انا محتاجة طنط هنية ....
علي وجود ماما في حياة عاليا مهم جدا ماما بتحب عاليا جدا من زمان ودايما بتقول انها بتشوف نفسها فيها انا بخاف علي عاليا من اي حد يضايقها عارف اني في ناس بتضايقها في الشغل وناس بتستغل طيببتها وعفويتها وكل دا انا شايفاه بس لازم هي تتعامل مع الناس بحرية وتتاذي وبعدها تاخد حذرها لازم تجرب كل حاجة لوحدها وانا هفضل موجود معاها بس مش هظهر غير لما هي متعرفش تواجه لوحدها انا مش عايز تفضل ضعيفة وتتخبي وتفضل عدم المواجهة انا عايزة أنها تقف في وش اي حد يفكر يضايقها وتطلب حقها بنفسه ....انا عايز عاليا ترجع تثق في نفسها تاني وأنها تبطل ترمي علي نفسها اللوم لكل مرة اتعرضت لرفض من حد
استاذة عاليا هو دا وقت الاكل !
هو اصلي.... انا جعانة
مش مشكلتي يا استاذة الاكل ليه وقت معين ومش تسيبي شغلك عشان الاكل ... انا هكتفي بتحذير دلوقتي المرة الجاي هاخد إجراء
غادة معلش يا مستر علي اصلها جديدة وانا هعلمها حاضر
بيزعقلي قدام الكل والله العظيم لاقول لأمه
طيب بټعيطي ليه !
يا طنط هنية زعقلي قدام الكل ... واتكلم معايا بطريقة وحشة وبعدين الكل بياكل اشمعني انا ....هو عامل نفسه المدير هنا وانا اقسم بالله لو مسكته هرنه علقة ...
ضحكت خلاص حقك عليا
اللي مضايقني اني فكرته عرض عليا الشغل عشان يساعدني...لا طلع عرضه عليا عشان يعملي تروما جديدة .... ابنك مچنون رسمي بالشغل ... ابنك والله العظيم في الشغل يخوف ....لما ترجعي البيت تضربيه قدامي
ضحكت حاضر ... كفاية عياط بقي وانا هعملك كيكة حلوة اول ما ارجع
هتيجي أمتي بقي وحشتيني
وانت كمان يا نور عنيا بس ناوية اقعد اسبوع تاني
يعني هتحمل قرف الشغل وابنك اسبوع تاني من غير ما اشوفك
متزعليش لما ارجع هعملك كل حاجة تفرحك
ارجعي بس البيت عندنا وانا هفرح اوي ....هقفل عشان ابنك هيزعقلي عشان قاعدة في الحمام
ضحكت ليه !
متخبية من ابنك عشان اكلمك براحتي.... يالهوي دا بيرن ...طيب سلام
كنت فين يا استاذة عاليا !
كنت في الحمام
طيب ركزي علي شغلك يا استاذة مش معني انك متدربة اننا هنسمح بتقصير استاذة غادة اتمني اني بخبرتك تعرفي تعلمي وتدربي الأستاذة عاليا كويس
غادة طبعا يا مستر ودا شرف ليا كلام حضرتك وثقتك فيا
ياأخي حسبي الله فيك غادة ايه اللي هتدربي دي هتكرهني في عيشتي ربنا ياخدك انت وهي هي معجبة بيه وقاعدة تتدلع وطبعا هتربيني عشان تثبتله أنها هتدربني صح .... ربنا ياخدهم كلهم....والله لاقول لطنط هنية
غادة عاليا هبعتلك ورق شهر ٤ اقفليه
نعم يا اختي .... تقفيل شهر ايه يا قادرة !!!
حلا اهدي وبلاش تنفعلي
تقفيل شهر !!!! انا مكملتش شهر وبتدرب ودي بتقول تقفيل شهر
حلا مستر فؤاد موجود وهيساعدك وانا برضوا بس غادة هتتعصب عليك كتير وكمان هتحاول تبين انك فاشلة وتقلل منك والعيب فيك ودا الطبيعي بتاعها بس اياك تنفعلي عليها ....
انا هسيب الشغل
اهدي تعالي نطلع برا نغير جو ونشوف باقي الحوارات دي
فؤاد استاذة عاليا طولي بالك وغادة رغم أسلوبها الحاد وقلة ذوقها بس شاطرة فعلا
علي عارف اني ممكن برميها حرفيا في الڼار بس غادة اصعب واحدة في الشغل في التعامل وكون اني ليها سلطة علي عاليا دا هيخلي عاليا ضعيفة قدامها وواثق اني غادة هتتعب عاليا وتوصلها لمرحلة صعبة ومش بعيد عاليا تستقيل بس انا واثق اني عاليا لو عاندت هتكمل في الشغل وتثبت أنها اشطر... لازم عاليا تتخلص من هشاشتها النفسية وتتقبل أن الناس ظالمة فعلا ومؤذية بدون سبب وان الشخص مهما كان كويس السلطة قادرة تغيره الا ناس بسيطة فعلا ..... وأنها تكون في مشاكل الشغل دا هيخليها تواجه تحديات ومشاكل جديدة....الأهم أنها تبني شخصيتها لوحدها ....
علي استاذة عاليا...
لما ترجع البيت بس ... اصبر عليا
نعم يا مستر علي اتفضل
بعتذر اني عليت صوتي النهاردة
مش مشكلة يا مستر
الشكوي الكتير وحشة ودا شي اتعلمته اتعلمت اني في كل شي صعب بنمر بيه في حاجات حلوة بتحصلنا .... رغم اني مش بنام كويس ولا اكل كويس واعصابي بتبوظ في المكان دا والتعامل مع ناس كتير بشكل مرهق بس التعامل مع ناس كتير برضوا بيفيدنا أننا نتعرف عليهم ويكون عندنا خبرة اكبر وانا الصراحة مش عايزة خبرة ولا حاجة انا عايزة اقعد جنب امي
خالتي ام جمال انا كنت طالبة كوباية نسكافيه حضرتك نسيتي
معلش يا استاذة هخلص شغلي واعمله
ابتسمت ولا يهمك
اتربيت اني اكون كويسة وطيية مع الكل اني بلاش اكون قليلة ذوق مع حد غلبان ختي لو اتعصب عليا ... دايما كل يوم بكون عامل حساب طنط ام جمال في الفطار اللي بشتريه وهي صحبتي فعلا ....
فؤاد ام جمال عايز كوباية قهوة ضروري
عنيا يا استاذ
استغربت أنها وافقت بسرعة وكمان عملت القهوة وطنشت طلبي ....لاحظت كتير أنها فعلا بتعمل للكل كل حاجة وانا لا ...غريبة ممكن مشغولة بس عادي هي متعشمة فيا بزيادة مش مشكلة .... اقول حاجة انا زعلانة بجد لاني مع الايام اتاكدت أنها بتتعمد تتجاهل طلباتي حتي لو عملتها بتكون تقضية واجب ومعاملتها معايا فيها تقليل مني ...مع اني بجد بعاملها كويس ممكن دا بس وسواس شيطان
غادة مستر علي في حاجة
علي انا بس في مشكلة في الحسابات عايز اتكلم فيها معاكم وكمان تقفيل الشهر خلص !
غادة ممكن تسأل الأستاذة عاليا هي المسؤولة
الكل بصلي وانا سكت .....
علي ام جمال عايز قهوة سادة انا وفؤاد و ....
غادة وانا يا مستر
حلا وانا نسكافيه
ام جمال تمام
علي بهدوء وأستاذة عاليا مش تعرفي الاول عايزة ايه قبل ما تمشي
ام جمال بتوتر طبعا يا استاذ علي
شاي بمعلقة سكر واحدة
مشيت ورجعنا للشغل وانا متضايقة من كل حاجة من تجاهل ام جمال وأسلوبها ومعاملة غادة الشهر اللي فات كله معايا وقلة ذوقها وتعبي النهاردة وقلة نومي وكل شوية هي تطلع أخطاء وتعمل نمرة عليا بدل ما تساعدني حقيقي اعصابي باظت
غادة انا شايفة اني عاليا خدت وقت كبير اوي في التقفيل وكمان بتغلط كتير اوي وغلطات عبيطة
بصلي بهدوء واتحرجت اكتر
فؤاد بهدوء بس انا راي غير