عاليا وعلي بقلم خلود ناجي

واني في رب يرعاني ويحفظني ويحميني ...الحمد لله علي كل اذي مريت بيه عشان خلاني اقرب لربنا اكتر ... الحمد لله علي كل فقد صعب ۏجع قلبي وكسره بس كان سبب في لجوئي لله .... الحمد لله علي حبي لعاليا رغم ۏجعي اني مش قادر اكون معاها ....
في ايه يا ماما
انا عايزة اسافر لعمتك ... عاليا خطيبها سابها وقال إنها مش عاجبه والبت مڼهارة يا حبة قلبي ....
هي بتحبه !
حتي لو مش بتحبه ...أني أمه تيجي بيتهم وتقول في حقها أنها مش حلوة ولا تعرف تكون ست بيت وأنها مش بتعرف تتكلم حتي وكئيبة وكل دا قدام خطيبها وهو ساكت ... انا اقسم بالله لو موجودة كنت بالشبشب علي وشه ....علي اساس أنه بحلاوته يعني دا البت عمرها ما قالت في حقه حاجة وحشة وهو عمره ما اتصل يطمن عليها حتي انا هتشل رضينا بالهم والهم مش راضي بينا .... البت كلمتني ومش قادرة تاخد نفسها من العياط يا روحي
انا عايز اتجوزها
حتي لو كنت كدا ...انا عايزة البنت تقف علي رجلها الاول ...تتعود تسند نفسها يا علي ...يا بني انت ممكن معجب بيها مش حب إعجابك بيها عشان هي مختلفة.... بلاش ارتباط دلوقتي عشان هي هترفض ... انت ابني ومليون بنت تتمناك واتمني عاليا تكون مراتك دا يوم المني بس برضاها وهي مقتنعة مش في لحظات ضعفها وخۏفها . ... اقف جنبها بس بلاش تطلبها دلوقتي
اقتنعت بكلام ماما بس كل كلامها طار لما شوفت صوري مع عاليا في الفرح صورنا انا وهي والتؤام ضحكتها فرحتي ... مشاغبة التؤام ....دي الحياة اللي انا عايزاها وعشانها هنتنظر ....هنتظر عشانك يا عاليا ....
اسبوع كامل مر شوفتها بس مرة بالصدفة التعب واضح جدا علي عينيها ومش قادرة تقف ... هي ازاي بقيت ضعيفة كدا عاليا القديمة كانت ندمته علي رفضه وكملت حياتها عادي..... انا هعرف ارجع عاليا ازاي
خالتي ممكن اتكلم مع عاليا دقيقة واحدة
عفاف بس هي تعبانة يا بني و...
متقلقيش مش هطول معاها
هنية بقلق انتظر يا علي لما تكون بخير
لا لازم دلوقتي
مع اصراري وافقوا ودخلت اوضتها اتكلمنا ...أو اكون صريح انا اقترحت طلب ومنتظر موافقتها....واتمني توافق بس هتكون مش مشكلة لو رفضت. . .... طلعت قعدت مع عمتي وامي.....
طيب همشي انا عشان شغلي
عفاف خد الاكل دا يا حبيبي معاك
هنية كل كويس وانا كلها كام يوم وارجع البيت
عفاف خليني قاعدة معايا ونس ليا .....
خليك ياماما وحتي اكون مطمن عليك واخر اسبوع هنرجع مع بعض ....استاذنكم انا بقي ....
كنت همشي وفتحت الباب بس سمعت صوتها ولأول مرة تنادي اسمي.......
انا موافقة علي عرضك
الكل كان بيبصلي باستغراب هي متوترة وخاېفة وانا مبسوطة وحاسس اني لأول مرة حققت انجاز افتخر بيها ...أنها مسؤوليتي من النهاردة.....اني قدرت اخليها توافق ....

هو ممكن اغير رايي!!!
الواحد عيل بجد وبيرجع في كلامه علي قرر يخليني اشتغل وهو قالي اني كدا مش هيكون عندي وقت للتفكير وهتعامل مع ناس اكتر وشخصيتي هتكون اقوي الحقيقة كنت ممتنة ليه أنه فكر يساعدني. . ماما و الكل كان مبسوط من الاقتراح دا خصوصا اني هكون مع علي في نفس المكان وهو هيهتم بيا .....
اول يوم بس اللي هوصلك تمام !
مين دا !!! هو علي اتغير كدا ليه واحد لابس بدلة وكمان رافع شعره وكلامه ناشف مش بيتسم حتي وعامل فيها واحد مهم وهو بس حتة hr في شركة تحت بير السلم انا كدا كدا نازلة تدريب لحد ما اتخرج واسلي وقتي مش اكتر ......
عايز اقولك حاجة في شغلنا حاولي علي قد ما تقدري تخفي حياتك الشخصية وعلاقاتك متخليش حد يعرف عنك اي حاجة بلاش تكوني لطيفة الحدود اكبر حماية ليك اعملي علاقات مش مشكلة واتعاملي مع الناس بس بحدود عشان مترجعيش ټندمي بعدين انت نازلة تغيري جو بس دا برضوا معناه تتقي ربنا في شغلك وطبعا في الشغل انا معرفكيش انا هتبقي في قسم الحسابات معاك ٣ أشخاص فؤاد دا اعلي واحد فيكم ولو محتاجة حاجة هو هيساعدك وفيه غادة دا شخص فضولي ومش كويس حاولي باكبر قدر تتجنبيها والأهم هتكون معاك لطيفة وشخص كويس ومساعد في البداية بس بعدين كل دا بيتغير والأهم خلي بالك منها واخر واحدة حلا لسه متعينة من ٧ شهور هي شخص كويس .... متزعليش اني هتعامل معاك زي الكل تمام !
اوك تمام
بالتوفيق
يا لهوي دا طلع في ناس كتير هتعامل مع كل دا ازاي انا عايزة مامااااااا
هاي انا غادة انا زميلتك الأقدم لو محتاجة اي حاجة كلميني في أي وقت
اوك
طيب ما غادة طلعت شخص لطيف اهو ..... واخيرا اول يوم خلص نستقبل ازاي بقي
هنية اخبار اول يوم ايه يا كتكوتة
عيطت طنط هنية انا عايزة استقيل دول ناس كبار ومش بيهرزوا .... انا مش عايزة اروح عندهم تاني
ضحكت كل حاجة في بدايتها صعبة وبعدين مټخافيش علي معاك
دا اكبر سبب للخوف اصلا ابنك ملمحتوش اليوم كله بس كمان هو علطول في مكتبه ومش بيطلع وبيتعامل كأنه شغال في وكالة ناسا
هتكلم معاه مټخافيش
لا بلاش فكك منه انا عايزة أنام هي ماما في الشغل لسه
جاية في الطريق ادخلي غيري لبسك لحد ما هي تيجي
دخلت غيرت و صليت ونمت مكاني ....الشغل طلع صعب اوي والله
عفاف عاليا ... قومي كلي
عايزة أنام
هنية قومي يا روحي كلي وارجعي نامي
مش عايزة اكل
هنية طيب قومي وانا هاكلك بايدي
عفاف مش هتقوم سيبيها تنام
هنية يعني هتاكل لوحدها وبعدين من الصبح مأكلتش حاجة
عفاف هي بتحب النوم اكتر من الاكل
هو الناس ازاي بتعيش حياتها بعد الشغل وكدا ....انا حياتي خلصت مر اسبوع وانا كل يوم ارجع اعيط وانام بس واتبهدل في الموصلات....
لقد هرمنا ... اخيرا يومين إجازة
ضحك للدرجادي بنعذبك في الشغل ربنا ياخدكم دول بيدوني كمية شغل تكفي بلد بحالها
هنية كلوا وكفاية كلام يا علي البنت شايف خست ازاي ومش بتاكل خالص حرام عليك يا ابني
يا ماما دا شغل بسيط وبعدين هو انا مدير الشركة ماانا موظف زيها والله بس هي عشان جديدة أقل حاجة هتكون صعبة عليها ودا طبيعي مع الوقت هتتعود
تعرفي يا ماما في حرباية هناك اسمها غادة تطيق العمي ولا تطيقني يا ماما عاملة زي بتوع ايجيبت وحرفيا تعمل اي حاجة الا الشغل وبتاخد هي اللقطة ...عشان تعجب حد هنا
بصلي بهدوء وكمل اكل عادي
هنية عندك أصحاب هناك
كتير والناس هناك لطاف خالص وحلوين
ما عدا البومة اللي قاعد قدامي دا
بلاش تشتميني
عفاف تشتمك بس هي ما قالتش حاجة
اتحرجت ...هو عرف ازاي اني بشتمه في سري ...
هنية انا هرجع البيت الاسبوع دا و....
ترجعي....لا