رواية مربية احتلت كياني بقلم إسراء ابراهيم

وعمري
ابدا ما هسيب امانة امك ليا تتبهدل وتشتغل عشان تبقي مرتاحة
زهرة ابتسمت بحب وباست ايد ياسر وهي بتتكلم باقناع ربنا يخليك ليا يا حبيبي بس انا كدة مش هبقي مرتاحة وانا واخداك بعيد عن ماما نبيلة وعن فارس وحازم عشان خاطري يا بابا انا حابة اشتغل واستقل بحياتي واحس ان ليا كيان وبعدين اكيد هيبقي في زيارات برضه وهاجي اشوفكم علطول
ياسر اتنهد بقلة حيلة ورد علي زهرة بحنية ماشي يا زهرة اللي انتي شايفاه صح اعمليه انا واثق فيكي وعارف انك لا يمكن هتعملي اي حاجة غلط بس قوليلي الشغل ده ايه بقي وظروفه ايه
ابتسمت زهرة وردت بحماس وهي بتتعدل في قاعدتها انا هشتغل مربية اطفال لراجل كبير في السن شكله كدة اتجوز وهو كبير وخلف ومراته اټوفت وكاتب في الاعلان انه عاوزها مقيمة مع اولاده ومش شرط تكون متعلمة عشان كدة انا ما صدقت وكلمتهم واخدت معاد ادعيلي يا بابا الشغل ده يظبط معايا بجد هفرح اووي
ياسر ابتسم بحب وطبطب علي ايد زهرة بحنية ربنا ييسرلك الحال يا بنتي ويسعدك روحي يا زهرة يمكن يا بنتي ترتاحي وتلاقي سعادتك هناك
سرحت زهرة في كلام ابوها وغمضت عنيها وهي بتقول في سرها يارب يا بابا اهم حاجة ابعد عن فارس وحبه اللي بقي لعڼة بتطاردني
كانت واقفة زهرة قدام باب فيلا 6
فخمة وهي مترددة ومش عارفة اذا كان هو العنوان فعلا ولا خبطت واستنت شوية وبعدين الباب اتفتح وكانت رسمية وهي واحدة ست كبيرة وباين انها مديرة البيت
زهرة بابتسامة متوترة لو سمحتي هو ده بيت يونس الشيمي
الست بابتسامة ودودة ايوة يا بنتي انتي مين بقي وعاوزة ايه
زهرة بهدوء وهي بتفرك ايديها بتوتر انا كنت جاية عشان وظيفة المربية
فهمت رسمية وشاورت بايديها لزهرة تدخل وهي بتقولها بود اهلا بيكي يا بنتي اتفضلي ثواني هبلغ يونس بيه استنيه هنا
مشيت رسمية وزهرة كانت متوترة اووي وكانت بتبص حواليها بانبهار لحد ما سمعت صوت يونس من وراها
يونس بغموض وهو بيبص لزهرة بتقييم عجبك البيت مش كدة
زهرة اتخضت فلفت وشها وبصت ليونس واتوترت اكتر وردت بلجلجة ايوة ربنا يبارك جميل
يونس رفع حاجبه باستغراب وقعد واتكلم وهو بيحط رجل علي رجل لا صريحة احب الصراحة انا لو كنتي كدبتي ولا قولتي انه مش عاجبك كنت هطردك برة
زهرة بصت ليونس وكشرت باستغراب وسألته بتلقائية هو حضرتك صاحب الاعلان ووالد الاولاد
يونس بص لزهرة بغموض وبعدين رد بتلقائية ايوة انا ايه مش عاجبك مثلا
ردت زهرة بسرعة وهي بتبص ليونس بقلق لا يا فندم العفو بس انا مكنتش فاكرة كدة يعني كنت فاكراك اكبر من كدة بصراحة
رفع يونس حاجبه پصدمة وردد باستفسار وايه المشكلة اني طلعت صغير مش راجل عجوز يعني ثم انتي اللي خلاكي افتكرتي اني عجوز فعلا
ردت زهرة بقلة حيلة ويأس وهي بتبص ليونس عشان حضرتك قولت ان الوظيفة دوام كامل يعني هقيم مع الاولاد فازاي هقيم هنا وحضرتك موجود عشان كدة افتكرت انك راجل كبير يعني
يونس حس باهانة من كلام زهرة فرد بحدة وهو بيقوم يقف ده علي اساس ان جمالك ساحر وخاېفة علي نفسك لتفتنيني مثلا انتي هنا في شغل مش جاية تتجوزي يا انسة وبعدين من غير ما تتعبي نفسك انتي مرفودة من قبل ما تشتغلي
كشرت زهرة وبصت ليونس پغضب بس قبل ما ترد كانت اتدخلت رسمية اللي كانت متابعة الحوار كله يا يونس يابني البنية متقصدش