لين وعمر بقلم سمر علي

الزيت
وفجاءة بص ناحيتي_قد ايه
مسكت إبتسامتي وجاوبته_شوية صغيرين خالص
هو راسه وحطه بتردد وبصلي تاني فهزيت رأسي ابتسم ووقف جمبي شوية وبعدها بصلي فحركت راسي تاني
بصيتله وهو بينزل البيض في المقلاية شوفت نظراته وهو فرحان وهو بيعمله صح
_المفروض اقلبه صح
_ايوة
شوفته وهو بيحاول يقلبه بس اتقطع منه وهو بيتقلب فاتنهد بضيق بس بعد ماخلص خرجه في الطبق وطفي الڼار
مسك الطبق وابتسم بوسع_ايه رائيك
بصيت في عيونه وأنا شايفه لمعتهم_جميل
_هو ايه اللي جميل دا حتي اتقطع خرجت من أفكاري وبصتله بانتباه
_المهم الطعم
قلت وخرجت معاه لحد السفرة
_طيب ممكن تدوقيه
قال بحماس فقربت مني الطبق والعيش وبدأت أكل
أول مادخل بوقي بصتله _عمر أنت حطيت ملح
هز رأسه_ايوة اللي في العلبة البيضا
بلعت اللقمة بصعوبة وبصتله
_ايه حلو
ابتسمت وصقفتله وبعدين قربت منه الطبق وهو بيبتسم
_مبروك أنت من الرجاله الأقلة اللي عملوا البيض بالسكر
_لين لين
بصيت لماما لما خرجت من أفكاري علي صوتها
_البيض اتحرق يابنتي
بصيت للمقلاية قدامي وقفلت الڼار لما لاحظت إن لون البيض بقي أسود
وأنا خذني الحب لقيتني بحب
لقيتني بحب وأذوب في الحب
وأذوب في الحب وصبح وليل وليل على بابه..
____________
عدي ٤ أيام وأنا لسه عند أهلي ماما بقت أحسن أخيرا
عمر ماتصلش بيا غير مرتين وكل يوم بليل بيكتفي بالرسالة المعتادة
اتعشى كويس تصبحي على خير
معقوله مبيفكرش فيا زي ماهو في تفكيري دايما معقوله يكون اكتشف إنه مبيحبنيش وكفايه محاولات معقوله زهق أو مل!
_لين أنت عامله إيه مع عمر
بصيت لماما وبعدها لبابا _الحمدلله ياماما بخير
ماما ابتسمت _الله يصلح مابينكم بجد عمر شاب كويس جدا
ابتسمت وهزيت راسي بهدوء
_مش قلتلك قبل الجواز إنه طالما كويس وبيحبها يبقي هيخليها تحبه اكيد
بابا قال فجاءة لماما
_معاك حق أهم حاجه المعامله الكويس والحب
بصيت بينهم بحيرة _بيحبني
بابا بصلي وهز رأسه _ايوة اول ما عمر أتقدم أنا فاكر إني رفضته قلت بلاش اشغل دماغك في آخر سنة في الجامعه ووقتها صالح باباه زعل اوي مني
بابا ضحك وبعدين كمل_بس رجع أتقدم بعدها بسنة وحسيت إنه شاب محترم وكمان شاريكي والحمدلله إنه كان اختيار صح ولا ايه
سأل في آخر كلامه فهزيت راسي بتوتر _اه طبعا يابابا
يعني ايه يعني هو متجوزنيش علشان والده يعني هو كان عايزني عمر بيحبني!!
ابتسمت لمجرد التفكير في إنه بيحبني إنه يكون عايزني لشخصي مش مجرد واحده باباه شافها مناسبة ليه فوافق عليها إحساس إنك تكون مرغوب وإن شخص عايزك أنت دا أجمل إحساس ممكن حد يحسه..
سمعت صوت الموبايل في إيدي فتحته لقيت رساله منه
مكنتش عايز أقولك بس البيت من غيرك بقي واسع اوي علي فكرة
ابتسمت وقمت دخلت اوضتي وقفلت الباب
كتبتله قصدك إنه من غيري أحسن
قعدت علي السرير بستناه يبعت رد وأنا قلبي بيدق بسرعه
أنا مقولتش كدا أنا قلت إنه واسع
فضلت أقرأ في الرسالة ومردتش مر دقيقتين ولقيته بعت رساله تانيه
هتيجي
ابتسمت ومحستش بنفسي غير وأنا ببعتله
هاجي
يا اللي ظلمتوا الحب وقلتوا وعدتوا عليه
قلتوا عليه مش عارف إيه
العيب فيكم يا في حبايبكم
أما الحب أما الحب يا روحي عليه يا روحي عليه
في الدنيا ما فيش أبدا أبدا أحلى من الحب
نتعب نغلب نشتكي منه لكن بنحب
في الدنيا ما فيش أبدا أبدا أحلى من الحب..
___________
فتحت باب البيت ودخلت وقفلته
فتحت النور وبصيت حواليا اشتقت لكل مكان فيه
بصيت للسفرة وابتسمت مشيت ناحية الكنبة اللي كنا بنقعد عليها قدام التلفزيون ونتكلم
دخلت الأوضة بس مش الكبيرة الصغيرة.. اللي كان عمر بينام فيها
قربت من السرير وقعدت عليه غمضت عيني وأنا ريحته محاوطاني..
ساعات بتمني لو
يكون في سحر أو شئ يخلينا نجمع ريحة الناس
اللي بنحبها ونحتفظ بيها وكل مانشتقلهم تكون معنا فمنحسش بغيابهم
_إيه قررتي تغيري وتنامي أنت في الاوضة دي
سمعت صوت عمر فرفعت نظري ناحيته
بصيت لملامحه وللحظة عرفت إنه مش بس البيت اللي وحشني لا في حد تاني كان هو الۏحشة اللي حسيت بيها وأنا بعيد
وقفت وقربت منه لحد مابقيت قدامه
_رجعت ليه
بصيت لعيونه_كان لازم أرجع
_يعني رجعتي علشان لازم مش علشان عايزه
لاحظت الحزن في صوته نزلت بعيني لإيده ومديت ايدي ناحيتها صوابعنا اتلامست في اشتباك
بصيت لعيونه تاني_ أنت كنت عايز ايه
سكت شوية وهو بيبص بين عينيا وكان في كلام تاني بيتقال عيونا في عالم تاني بتتكلم وسابقانا بخطوات
_أنا عايزك عاوزة!
ابتسمت وأنا حاسة بدفا بيحاوطني من إيده وعينه من وجوده كله
_وأنا عاوزة ياعمر..أنا عاوزة
يا اللي مليت من الحب حياتي أهدي حياتي إليك
يا اللي مليت من الحب حياتي أهدي حياتي إليك
روحي قلبي عقلي حبي كلي ملك إيديك
صوتك نظراتك همساتك شيء مش معقول
شيء شيء خلى الدنيا
زهور على طول وشموع على طول
________________
فتحت الباب وبصيت علي الصالة كان لسه قاعد بيشتغل بصيت للساعه اللي علي الحيطة ١٢
اتنهدت بضيق وخرجت عدي وقت طويل جدا وهو علي الحال دا
_عمر!!
_همم
همهم من غير مايبص ناحيتي فكتفت ايدي بإنزعاج أكتر
_عمر!!!
بصلي أخيرا _إيه في إيه
لاحظت التعب علي وشه فقربت منه ولفيت عيني واتنهدت
قفلت الملف اللي قدامه وبدأت أجمع الورق
_هو ممكن كفاية شغل بقي
مسك إيدي وحاول يمنعني _لين مش هينفع ورايا شغل مهم ولازم اخلصه
بصتله بضيق_أنت كدا هتخلص أنت
زفر بغضب_يعني مهتمه أوي
رفعت حاجبي بإستفهام_قصدك إيه
بص الناحية التانيه_مفيش
فضلت واقفه مكاني شوية بحاول أفهم الموقف هو بقاله أسبوع كدا مبيقعدش معايا زي الأول ومبقتش يجيب سيرة الخطط أو الخطوات..
قام واخد الملفات معاه علشان يدخل الأوضة
مسكت إيده_ أنت بتحبني
بصلي پصدمه ظاهرة علي وشه
_إيه!
حاولت أعيد السؤال تاني_بتحبني
غمض عينه واتنهد بقوة وبعدين فتحهم _ايوة
ابتسمت _ايوة إيه
بص حواليه وبعدين بصلي_أنت عايزه ايه
_أنا بحبك
_وإيه يعن... إيه
حركت كتفي بلامبالاة ومسكت ايده التانيه في إيدي ورجعت قلت
_أنا بحبك ياعمر
بصيت لوشه ولاحظت التعبير آت الكتير اللي ظهرت عليه
صډمه..استفهام.. حيرة....حب !
شد علي إيدي وفجاءة لقتني بين ايديه الاتنين ودماغي علي كتفه
شدني لحضنه جامد
اتنهدت بقوة كأن كان في حمل كبير كنت شايلاه وأخيرا خلصت منه
حطيت إيدي حواليه ونمت على كتفه وسمعته ىيهمس في ودني
_ بحبك
ابتسمت وقربت منه أكتر _عارفة
ضړبني بخفه فضحكت
_ وأنا كمان بحبك
الله يا حبيبي على حبك الله الله
ما بقول شي في حبك غير الله الله الله
من كثر الحب لقيتني بحب
لقيتني بحب وأذوب في الحب
وأذوب في الحب وصبح وليل وليل على بابه
كقطعتا أحجية كان مقدر لنا اللقاء
كتؤاما روح كان مقدر لنا البقاء
كأنت وأنا كان مقدر لنا الحب
سمر_علي