لين وعمر بقلم سمر علي

شهر ونص في أول خطوتين بس إيه رائيك نبدأ في الجديد
رفعت عيني من علي الاكل وهزيت رأسي بهدوء
قام ورجع وفي إيده ورقة
_بصي ياستي وماسيدك إلا أنا رقم ٣ نحكي لبعض علي الحاجات اللي بتحصل في يومنا
اتنهدت_أنا مبخرجش علشان يحصل معايا حاجه احكيها
هز رأسه بنفي _لا أنت ممكن تحكيلي عايزة تعملي إيه أو نفسك نغير إيه.. وممكن تحكيلي أي مواصفات الشخص اللي كان نفسك تتحوزيه مثلا
بصيتله لثواني_مش حاجه غريبة إني أحكي لجوزي علي المواصفات اللي بحبها في أي راجل
_إيه الغريب في كدا مش يمكن تلاقي فيا الصفات دي بس أنت مش واخدة بالك علي فكرة أنا مفيش مني اتنين علي الكوكب دا!
ابتسمت بخفه_اكيد لأنك مش من الكوكب دا أصلا
_أنا حاسس بإهانة بس مش قادر أحدد مكانها
هزيت راسي شمال ويمين وبعدين بصيتله لما لقيته سكت
كان بيبصلي بتساؤل فبصيتله بعدم فهم
_إيه رائيك نبدأ من الوقتي
قال بحماس زي الأطفال ولمعة في عينه خلتني اسأل إزاي ممكن النجوم تسيب السماء وتسكن في عين شخص!
طول عمري بخاف من الحب وسيرة الحب
وظلم الحب لكل اصحابه
وأعرف حكايات مليانة آهات
ودموع وأنين
والعاشقين ذابوا ما تابوا ذابوا ما تابوا
____________
_لين لين اصحى عندي اجتماع مهم يابنتي وعايز أفطر
بصيتله وأنا مش قادرة أفتح عيني
حاولت أقوم بس رجعت نمت تاني وحسيت إن دماغي تقيلة
_أنت كويسة
هزيت رأسي بنفي_ مش عارفة حاسه إني مش قاد..
عطست في وسط الكلام
_ياساتر
حسيت بإيده علي دماغي وبعدها اتحركت علي خدي فملت عليها.. أنا بعمل إيه
_أنت حرارتك عالية كدا ليه
حسيت عيني بتقفل لوحدها
_لين أنا هاروح الشغل ساعه واحده وهارجع علي طول ماشي
هزيت راسي بهدوء ورفعت الغطاء عليا هو إزاي في حرارة وانا حاسة إني متلجة
_لين أنا رجعت!
سمعت صوته وأنا علي السرير بس مقدرتش أتحرك
_أنت حاسة بإيه
فتحت عيني لما سمعت الصوت قدامي
بصيتله وهو قاعد علي ركبته قدام السرير
_مش عارفة
اتنهد_طيب ممكن تقومي معايا علشان تغسلي وشك وايدك
حاولت اقوم بس مقدرتش
_هاتي إيدك
بصيت لإيده وبصيتله هز إيده علشان أمسكها
مسكتها فشدني وبعدها سندني علشان اقوم
كنت حاسة بإيده علي وسطي والتانية لسه ماسكة إيدي
بعد ماغسلت وشي وايدي رجعني تاني للسرير وخرج
نمت تاني بس سمعت صوت خطواته في الاوضه وبعدها لف وشي بإيده وفي حاجه باردة لمست دماغي
_لازم تحطي كمادات علشان الحرارة وأنا جبت دوا وأنا جاي بس لازم تاكلي حاجه الأول
مقدرتش أرد فغمضت عيني ونمت
_لين لين.. أنا زهقت من كتر ماقلت إسمك وصحيتك النهارده
حسيت بإيده علي دماغي تاني بعد ماشال الكمادة
مسح علي شعري بهدوء وحسيت إني هنام تاني
_لا اصحي كدا لازم تاكلي
فتحت عيني لقيته اتحرك وشال صينيه وعليها طبق
بصلي ورجع بص للأكل وحطه تاني مكانه واتنهد قرب مني ومسك ايدي وحط ايده ورا ضهري علشان اقوم وبعدها عدل المخدة ورايا
رجع جاب الأكل تاني بصيت فيه وبصيتله بقرف
_لا متفكريش ترفضي لأني أنا اللي عملتها بعد ساعه ونص في المطبخ مع الحجة علي التلفون علشان تشرحلي طريقة عمل شوربة المړضي دي
مد المعلقة قدامي اتنهدت أنا مش قادرة اجادل
خلصت اكل وكنت هرجع أنام
_لا استني خدي الدوا
قام جاب الدوا والمايه واعطهولي
رجعت نمت تاني وقبل ما أنام سمعت صوته
_رغم إنك وأنت هادية كدا شئ جميل بس..وحشني جنانك
________________
فتحت عيني لقيت ضلمة فقمت مديت إيدي اجيب الموبايل وشفت الساعه
ياااه دا اليوم خلص كل دا نايمة
قمت فتحت الباب وخرجت
_لين !
سمعت صوته وبعدين لقيته قدامي خارج من الاوضه التانية
_أنت إيه اللي قايمك عايزة حاجه
جعتي أنا صحيتك تاكلي تاني مكلتيش غير حاجه بسيطة هاروح اجبلك
الغدا
لف بس مسكت إيده_