لين وعمر بقلم سمر علي

غيره أنا بحبه يا لين
ابتسمت _ما أنا عارفة إنك بتحبيه يعني هتكوني متجوزاه شفقه!
هديت تاني شوية _رحمة قومي وحاولي تستفادي من الوقت اللي قاعده معاكي اشبعي منه ياستي وفرحيه قبل مايمشي بدل مايمشي وهو قلقان عليكي
_حاضر
_شاطرة قومي بقي... سلام
قفلت معها واتنهدت
_أول مرة أعرف إنك عاقله!
بصيت ورايا لقيته واقف بيبتسم
لفيت عيني بضيق_والله أنا عاقله طول عمري إنك لسه مكتشف دي مشكلتك
جه قعد جمبي علي الكنبه_ بس واضح إن صاحبتك بتحبه فعلا كان صوت عييطها عالي
_اكيد هتحبه مش جوزها
_عادي ما أنا جوزك بتحبيني
سكت وبصتله شوية مش عارفة اتكلم أو أقول حاجه
ابتسم هو واتنهد وبعثر شعري _بهزر معاكي أنا هغير هدومي تكوني جهزتي العشاء
فضلت بصه عليه لحد ما اختفي من قدامي وسؤال واحد بيتردد فى عقلي
لو عمر كان مكان أحمد وأنا كنت مكان رحمة هحس بإيه
فات من عمري سنين وسنين
شفت كثير وقليل عاشقين
اللي بيشكي حاله لحاله
واللي بيبكي على مواله
أهل الحب صحيح مساكين صحيح مساكين
________________
كنت بحضر هدومي علشان اروح لماما لأنها تعبت فجاءة ولازم اكون جمبها
_لين! خلصتي
بصيت لصورته في المرايا وهو واقف قدام الباب
_ايوة
رديت ولفيت وشيلت الشنطة
_أنا هشيلها
قرب مني ومسك الشنطة ايده بقت فوق ايدي حسيت بنبضات قلبي بتزيد والدم اتجمع في وشي
اتنهدت وشلت إيدي وغمضت عيني لثواني بحاول أرجع لطبيعتي
بصيت من شباك العربية في طريقنا وأنا حاسه إنه في حاجه غريبة حاسة إني ناسية حاجه أو في حاجه لازم اعملها في حاجه ناقصه.. أنا مش فاهمه نفسي!!
_هتقعدي قد إيه هناك
بصيتله وبعدين بصيت لصوابعي
_مش عارفه
سكت شوية_لو حابه تفضلي فترة ممكن تقعدي
بصيتله بإستغراب_أنت مش عايزني أرجع
بص ناحيتي لثواني حسيت بنغزة في قلبي
_إحنا فات علي جوازنا ٥ شهور في ال٥ شهور دول معتقدش إني قدرت أعمل حاجه تسمحلي اقولك تعملي إيه أو متعمليش إيه صحيح أقدر لأني جوزك بس هبقي بستخدم الاسم دا ضدك وأنا دا آخر شئ ممكن أعمله
وقفنا قدام بيتنا
_يعني إيه
سألته بتوتر
بصلي بهدوء_يعني ممكن تعتبري الفترة اللي هتقعديها هنا فترة تاخدي فيها قرار لإما نكمل لإما..
سكت فبلعت ريقي بصعوبة وحركت رأسي بهدوء وفتحت الباب بعد ما اخدت الشنطة
قفلت الباب وبعدها دور العربية ومشي
وبعدين
____________
دخلت اوضتي بعد ما اطمنت علي ماما ونامت نمت علي السرير فتحت الموبايل بصيت في الساعه كانت قربت ١١ بصيت حواليا في الاوضه حسيت بحاجه غريبة حاجه منعاني أنام
فتحت الموبايل ودخلت على الواتس لقيت رساله منه وسط رسايل فتحتها بسرعه
اتعشى كويس.. تصبحي على خير
ابتسمت وفضلت اقرأ في الرسالة تاني وتالت مبقتش فاكرة قرأتها كام مرة!
وأنت من أهل الخير
بعتله وقفلت الموبايل واتنفست بعمق وأنا لسه ببتسم غمضت عيني شوفته قدامي وهو بيبتسم وهو بيحرك دماغه للجانب لما يكون مستغرب حاجه أو محتار عيونه اللي بتوسع لما يبقي متحمس أو حقق إنجاز ولو بسيط..
نمت وهو في بالي لأني مقدرتش افتح عيني وهو صورته فيها أو بمعنى أصح مكنتش عايزه..!
يا سلام ع القلب وتنهيده في وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها في عين العشاق
يا سلام يا سلام على حلوتها يا سلام يا سلام
___________
صحيت الصبح اعمل الفطار كنت بقلي البيض وافتكرته كل حاجه فجاءة بقت بتفكرني بيه!
_أنت بتعمل ايه
سألت باستغراب وانا شايفاه واقف قدام البوتجاز
_بحاول اعمل بيض
قال وهو مركز جامد وهو بيقلب البيض في الطبق
_أنت مسخنتش الزيت
سألته فبصلي بحيرة
اتنهدت_يعني تحط في المقلايه زيت وبعدين تحطها على الڼار شوية لما الزيت يسخن
حرك رأسه بنفي وبعدين ساب الطبق
وجاب المقلايه وشغل البوتجاز وبعدين مسك