لين وعمر بقلم سمر علي

بالقفل بين قوسين أنا مش هاكلك
نفخت بضيق بعد ما افتكرت _وأنت عايز إيه الوقتي
_جعان
رفعت حواجبي _ماتروح تاكل
رفع صابع واحد وقبل مايتكلم قاطعته بضيق
_خلاص خلاص افتكرت
إبتسم وحط إيده على شعري وفركشه _شاطرة
زقيت إيده بإنزعاج_متعملش الحركة دي تاني أنا مش بنت أختك
قمت قبل مايتكلم وخرجت من الأوضة
_أنت بتعملي إيه كل دا
دخل المطبخ فحاولت اهدي
_بقلي بيض
قرب مني وبص في المقلاية وظهر علي وشه عبوس _ايه دا
_اومليت
سؤال تافه جدا يعني
_أنا عارف أكيد بس أنا مستحيل أكل الشئ دا
قال بقرف فبصتله بدهشة_شئ إذا كنت أنت مبتفهمش في الأكل فدي مشكلتك أنت إنما أنا بحب الشئ دا بدون أي أسف
هز رأسه بلامبالاة_ كلي اللي عايزاه بس أنا عايز بيض من العادي
بصتله بتحدي _ممكن تعمله لنفسك إذا عايز
سكت شوية وبعدين بصلي_طبعا دا بيض مش حاجه يعني!
_همم فعلا!
خرجت البيض في طبق وهديت الڼار وشاورتله علي البيض والمقلاية وخدت طبق الجبنة معايا وأنا خارجه علشان أجهز السفرة
رجعت تاني لقيته اخد بقية الأطباق ولمحته بطرف عيني بيكسر البيض في الطبق فخدت الأطباق وخرجت
قعدت علي السفرة وكنت هبدأ أكل افتكرت رقم ١ محدش ياكل لوحده..
اتنهدت وقعدت استناه شوية هو بيعمل ايه كل دا
_لين لين!
نادي بصوت عالي من المطبخ قمت بسرعه وجريت
_ايه في ايه
قربت منه بسرعه
_ألحقي بسرعه هي بتسود كدا ليه إيه دا إيه اللي طالع منها دا
بصيت في المقلاية وبعدته بسرعه وطفيت الڼار بصيتله وغمضت عيني
اتنهدت _طبعا طبعا لازم أعرف أنه الرجالة مينفعش تدخل المطبخ
_علي فكرة بقي في رجالة بتطبخ أحسن من الستات
_وللأسف أنت مش منهم!
سكت فرميت البيض في الژبالة
_ممكن نخرج بقي أنا جعانه
لفيت علشان أخرج
_لين
بصيتله بضيق _إيه تاني
_أنا مبعرفش أفطر من غير بيض
الموضوع مش سهل مش سهل خالص!
_لين جهزتي ولا لسه
اتنهدت لما سمعت صوته
_ايوة خلاص دقيقتين بس
بصيت علي نفسي آخر مرة في المرايا النهاردة أهلي عزمونا علي الغداء
_كل دا بتعملي إيه
فتحت الباب وخرجت من الاوضه لقيته واقف ساند ضهره علي الحيطة لاحظت عينه وهو بيبص علي كل جزء فيا
_مش ملاحظ إن في فرق يعني بعد كل الوقت دا
بصيتله بضيق _قصدك إيه إني مش حلوة
رفع حاجبه _أنا قلت مفيش فرق إنما أنت شايفه نفسك مش حلوة دي مشكلتك بقي!
بصيتله وهو خارج وغمضت عنيا
_اهدي اهدي ١٢٣٤٥
_اهو دا اللي كان ناقص اتجوز واحدة بتكلم نفسها
فتحت عيني وبصتله وزفرت پغضب
_هو ممكن متكلمش معايا لحد مانرجع من عند أهلي
خرجت وسيبته بسرعه قبل مايتكلم أنا عارفة إنه الحركة دي بتضايقه
_إيه أخباركم في الجواز ياولاد
ماما سألت فبصيتله وحاولت إبتسم
_الحمدلله ياماما
اتكلمنا شوية فى كذا موضوع لحد ماعمي ومراته حضروا كان كل حاجه ماشية بسلاسة وأنا وهو كنا بنحاول علي قد مانقدر نبيبن إننا مبسوطين
_بس متغيرتيش يالين بعد الجواز لسه زي ما أنت اهه
بصيت لمرات عمي ولاحظت نظرة عمى ليها أنا عارفة إنها مش بتحبني وإنها كانت معجبة بعمر وعايزاه لرنا بنتها
حسيت بإيد علي إيدي بصيت لعمر بعد ماشبك إيدينا كان بيبتسم
_لا ياطنط قصدك إيه لين كانت حلوة وزادت حلاوة بعد الجواز أنت مش شايفه ولا إيه!
_طبعا.. طبعا
سمعتهم بيتكلموا في حاجات كتير بس أنا كنت لسه بصاله وهو مبعدش إيده من ايدي كان نفسي إلتفت علشان أشوف وشها وهي بتتكلم بس مقدرتش أشيل عيني من عليه.. عمر كان زي المغناطيس في اللحظة دي!
أنت لو تسألني إيه أكتر حاجه جذابة شوفتها هقولك اقرأ أول كلمة..
مخيف جدا إزاي مشاعر الإنسان بتتغير زي سحابة صيف بتمر بسرعه ويجي بدالها سحابة
تانيه
_إحنا كدا بقالنا