سكريبت بقلم ريم خالد

شويه اهه ..
بصيت عليه كنت اول مره أشوف ملامحه واضحة قدامي كان شاب وسيم وثقته في نفسه زيداه وسامه ..
_ هو أي اللي هيحصل بعد كدا ..!
أنتبهلي وهو بيقول براحه..
_ هنستني لحد ما يهدوا ويبعدوا عنيهم عنك شويه وبعدها ترجعي أسكندرية زي ما أنتي عايزه ..
_ طيب يعني دا هيأخد وقت أكيد ..!
_ أكيد هما مش هيستسلموا بالسهولة دي دا أحتمال يدخلوا يدوروا عليكي جوا البيوت ..
كنت لسه هرد لما كمل كلامه بثقة .
_ معادا بيتي طبعا ..
أبتسمت بسخرية من ثقته الزايده دقيقتين وسمعنا صوت شهقة حد من ورانا ..
_ واد يا عمر أنت جايب نسوان معاك البيت ..!
لفتله بخضة كان راجل كبير بيبصلي پصدمة أنا وهو قرب عمر منه وهو بيضحك ..
_ يعني شويه شقاوه كدا علي الماشي ..
بصله الراجل بعصبية مصتنعه وهو بيقوله..
_ أنت مشوفتش ربع ساعة ربايه جايب ليك لوحدك طب وأنا .!
_ عبد الرحمن ..!
لفينا كلنا لمصدر الصوت كانت جدة عمر وهي بتبص للراجل بعتاب وماسكه صينية عليها أكل في أيديها .
_ ما خلاص بقا يا حياة كنت بهزر مع الواد ..
بعد نص ساعة من محاولات جد عمر أنه يصالحها وهي مدياله ضهرها وعمر واخدها في حضنه..
_ متزعليش يا تيته اطلبي الطلاق وأنا معاكي .
كنت ببصلهم وبحاول أكتم ضحكتي قام جده وهو بيشده بعيد عنها وبيقوله بغيظ ..
_ متخليش الواد دا يوقع بينا دا واد حرباية ..
بصتله بعتاب قعد جنبها وهو بيوجهه كلامه ليا..
_ما تقولي أي حاجه بدل ما أنتي قاعدة كدا ..!
ضحكت وأنا بقولها ..
_ كان بيهزر معاه هو مهما لف هيلاقي في جمالك ..!
بصتله بدلع وهو بيبصلها بأبتسامة لحد ما قاطعنا صوت عمر وهو بيقولها ..
_ متصدقيش كلامهم دول بيلعبوا عليكي دا راجل ألعباني وخبيث ..
_ بس متقولش علي عبدو كدا ..!
رد جدو بخبث_ أركن علي جنب بقا ..
ضحكنا علي شكل عمر وهو بيبصلهم بغيظ بصلي عمر بعد ما هما قاموا وهي بيقولي بهزار ..
_ يعني شويه فكاهه كدا تفك الجو ..
ضحكت وأنا بهز رأسي شويه وطلعت الأوضة اللي جهزوهالي أول ما حطيت رأسي علي المخده حسيت بأمان مكنتش حساه في بيت جدو غمضت عيني وأنا بروح في النوم..
____________
بعد حوالي أسبوع وشويه كنت قاعدة في الجنينة علي الكراسي الموجوده وتيته حياة قاعدة جنبي بتعمل تريكوه وشويه تتكلم معايا كنت قاعدة متبعاها لحد ما سألتها بتوتر بسيط ..
_ممكن أسألك علي حاجه ..!
بصتلي ثانية وهي بتهز رأسها ورجعت بصت علي اللي في أيديها من تاني..
سألتها بترقب_ هو عمر ...
سكت وأنا بفرك في أيدي جامد سابت اللي في أيديها وهي بتقولي بخبث .
_ لا مش مرتبط ..
رفعت عيني ليها بسرعة كان بتبصلي بأبتسامة بصيت علي أيدي تاني وأنا بضحك بخجل..
_ أنا مكنش قصدي كدا ..
_ أومال كان قصدك أي ..
بصتلها وضحكت وأنا بقوم من مكاني ..
_ مش قصدي حاجه ..
جريت من قدامها كنت لسه هدخل من الباب خبطت في جسم عمر اللي مسكني بسرعة وهي بيقولي .
_ بتجري كدا ليه ..
بعدت عنه بتوتر وأنا بقوله ..
_ كويس أني لحقتك مفيش أخبار جديدة..
رفع اكتافه وهو بيقولي بهدوء .
_ لسه الحال زي ما هو رجالتهم في كل مكان ..
حطيت وشي في الأرض بأحباط كمل كلامه وهو بيقولي ..
_