سكريبت بقلم ريم خالد

و يخلق الله لنا إنسان لا نجد الأمان إلا بقربه
_أنتوا عايزين تقدموني قربان ليهم ..!
_ قربان اي وكلام فاضي أي... احنا بنوقف العداوة اللي بين العيلتين ..
_ وأنا مش موافقة ..
قام جدو وقف بعصبية وهو بيخبط بعصايته علي الأرض جامد أتكلم پغضب وهو بيبصلي..
_ أنا مش بأخد برأيك أنا بعرفك ..
_ يعني اي بتعرفني أنا مش موافقة جوزوه لواحدة تانية أنا لأ ..
لقيت اللي بيشدني من أيدي جامد وكان عمي قالي بټهديد وهو بيبصلي پغضب ..
_ بلاش كلام ملوش لازمه ودلع فاضي أحنا هنا اللي نقول تعملي أي ومتعمليش أي ..!
شديت أيدي من أيده جامد وأنا بقوله بعصبية ..
_ جوزه بنتك أنا مش هتجوزه أنت فاهم مش هتجوزه ..!
_ انا موافقة أتجوزه يا بابا المهم العيلة متتأذيش ..
بصينا لمصدر الصوت كانت بنته وهي بتبصلنا ببراءة ذئب وبتبصلي بكره رد عليها جدي بأستهزاء ..
_ مش مستنين موافقتك ياست الحسن والجمال هو اللي رفض يتجوزك عشان قاصر ..
رديت بغضب_ ماشاءالله عنده مبدأ ..
رد عمي بسخرية_ كفاية مسخرة يابت أنتي بقا وأعملي حسابك هتتجوزيه أنتهينا ..
_ هو أي شغل البلطجة دا هي البلد مفيهاش قانون ..!
كنت واقفة قصاد عمي بنبص لبعض پغضب وفجأه لقيت كفه نازل علي وشي أختل توازني ووقعت علي الارض من الصدمه..
_ أطلعي أوضتك ومش عايز أشوف وشك واللي قولناه هو اللي هيحصل برده ..
_ أتجوزه أنت طلاما عاجبك اوي كدا ..
قولتها بكره شديد وأنا بقوم من مكاني طلعت علي السلم وأنا سامعه صوته ورايا وهو بيزعق دخلت أوضتي وأنا بحط أيدي علي دماغي من كتر الضغط اللي انا حاسه بيه فجأه لقيت حد بيفتح الباب جامد.
_ أنتي ازاي تدخلي كدا أنتي أتجننتي ..!
قعدت بنت عمي جنبي وهي بتأخد نفسها وبتقولي بسخرية..
_براحه علي نفسك شويه وأهدي ..
بصتلها بزهق ومردتش عليها سكتت شويه وقالتلي .
_أنا عندي فكره تخليكي تمشي من هنا ..
سألتها بترقب _ فكرة أي.!
_ المهم عندك حد تروحيله في أسكندرية تقعدي عنده يومين لحد ما الجو يهدي ..
فكرت شويه وبعدها بصيتلها وأنا بقولها.
_أيوه عندي .. أي الفكرة ..!
أتعدلت في قعدتها وهي بتقولي الفكره بحماس بعد ما خلصت سألتها بسخرية ..
_ وأنتي هتستفادي أي بقا ..!
ردت بلهفة_ لما أنتي تهربي وميعرفوش يوصلولك مش هيبقي قدامهم حل تاني غير أنهم يجوزوني أنا ليه ..
_ وأنتي ھتموتي وتتجوزيه كدا ليه ياختي ..!
بصت قدامها وسرحت وهي بتقولي بخبث ..
_ أنا بعمل كل دا عشان عائلتي وعشان أحميهم طلاما أنتي رافضة ..
رديت بأستهزاء_ وأنا المفروض أصدق الهبل دا ..!
_ تصدقي ولا متصدقيش أنا بحاول أخلصك من حاجه أنتي رفضاها لاكن لو عايزه تتجوزيه براحت....
قاطعتها وأنا بقولها_ أشبعي بيه مش عايزاه أنا عايزه أمشي من هنا وخلاص ..
ردت بفرحة_ خلاص علي الساعة تمانية تكوني جاهزة أول ما تسمعي دوشه تجري ..
هزيت رأسي بعدم أقتناع وهي طلعت من الأوضة وهي بتجري بفرحة أتنهدت بتعب وأنا برمي نفسي علي السرير..
____________
علي الساعة تمانية قاعدة في أوضتي كنت مجهزة لبسي في شنتطتي ومستنية أي إشارة منها شويه وسمعت صوت صړيخ عالي طلعت من أوضتي وأنا مخضوضه لقيتهم كلهم بيجروا علي أوضتها وهي مستمره في الصړيخ ..
_ يخربيت علي يخربيت جنانك صرعتيني ..
دخلت شيلت شنتطتي وأنا بنزل علي السلم جري وببص ورايا خرجت برا البيت وأنا بجري