سكريبت ريم بقلم ريم خالد

مكنتيش تعبانة كان هيبقي ليا تصرف تاني..
قال كدا وخرج رزع الباب وراه خلي ريم اتنفضت في قعدتها قرب من أهلها وهو بيقولهم بهدوء..
_ أنا ملاحظ انها عدوانية وعصبية اوي..!
ردت مامتها بحزن_ دا حقيقي..
رد عليها بهدوء وهو بيقولها_يبقي لازم تغيروا المعاملة معاها يبقي التعامل معاها ببرود عشان تفوق من اللي هي فيه هي في صدمة وعايز اللي يفوقها منها هو دا اللي خلاني عرفت أتكلم معاها رغم عصبيتها..
أتكلمت مامتها وهي بتضحك_ أنت دكتور نفسي ولا ظابط..
ضحك عمر وهو بيرد_ والدتي دكتورة نفسية وبأخد رأيها في الحالات اللي زي ريم..
أتكلم باباها وهو بيضحك..
_ خلاص يبقي نتعامل ببرود مش صعبة..
ضحكوا وعمر مشي راح عند مامته وبيحكيلها علي ريم...
قاطعته بخبث_ شيفاك مهتم بريم زيادة عن اللزوم..
رد عليها بتوتر_لي بتقولي كدا أنا بس مهتم عشان هي قضية مهمة..
ردت عليه بخبث _يا ولا دا أنا ماما..
ضحك بصوت عالي وهو بيقولها_ مش ساهله أنتي برده يا دكتورة..
ضحكت وهو بتقوله_أنا من أول يوم وأنا شيفاك متجنن عليها رايح جاي علي المستشفى ومش بتتكلم غير عليها.
غمزلها بهزار وهو بيرد عليها_مركزة أوي معايا..!
ضحكت وهو بتسأله _حلوة بقا علي كدا..
سند خده علي أيده وهو بيقولها_ هي حلوة بس دي حلوة حلاوه..
ضحكت وهي بتضربه علي أيده براحه وهو مسك أيدها باسها وهو بيضحك
بعد أسبوع كانت ريم لسه واصله بيتها سمعت خبط علي الباب جامد قامت فتحت واتفجأت بمامت معاذ بتزقها جامد وهو بتزعق ..
_ ياريته ما عرفك ولا حبك منك لله زي ما ضيعتي شبابه ېحرق قلبك زي ما أنا محروق قلبي..
طلعت مامتها بسرعة من المطبخ وهي بتبعدها عن ريم وبتزعق فيها..
_ أبعدي عنها أنتي بتتهجمي علينا في بيتنا..
زعقت وهي بتحاول توصل لريم_ منكوا لله أبني راح مني ياريته ما عرف بنتك كان زمانه في حضڼي دلوقت..
بعد ريم مامتها من قدامها وهي بتزعق ..
_ متلوميش عليا أنتي اللي معرفتيش تربيه ولا تعلميه ازاي يحترم أن في واحدة رفضته كنتي دايما تحشي دماغه أنه مفيش زيه وأنه ميترفضش لحد ما خلتيه نرجسي مريض شايف انه فعلا مفيش زيه لاكن هو ولا حاجة واقولك علي الكبيرة أبنك محبنيش هو لمجرد أني رفضته حب يعاند أصل ازاي دلوعة ماما يترفض..!
ردت عليها بعياط وحزن_ أهو ماټ يريم ارتاحتي أنتحر بسببك منك لله زي ما ضيعتيه..
سكتت ريم عن الكلام وهي بتبصلها پصدمة ومامتها مسكت أيديها وهي بتسأل مامت معاذ..
_أنتي بتقولي أي ماټ..
ردت عليها وهي بټعيط بهستيريا_أبني أنتحر ملحقتش أفرح بيه ولا ألبسه بدلة فرحه وكل دا بسبب الحب يلعن دا حب..
قربت منها ريم وهي بتبصلها بعيون مدمعة..
_ أنا مش السبب هو اللي ضيع نفسها أنا مليش ذنب في اللي هو عمله..
ردت عليها بحسره_ أنتي فعلا ملكيش ذنب الذنب عندي أنا..
سكتت شويه وبصت لريم وهي بتمسك أيديها وبتقولها_ سامحيه يريم هو خلاص راح عند اللي خلقه سامحيه بالله عليكي عشان خاطر حړقة قلبي عليه ..
شدت ريم أيديها منها وهي بتحاول تبقي ثابته..
_ ربنا يرحمه ويسامحه علي ذنبه وأذيته ليا..
طبطبت عليها وهي خارجه مش قادرة تمشي علي رجليها وريم بتبص عليها لحد ما حست بأيد مامتها علي كتفها..
_ ريم أنتي كويسه..
ردت عليها بتوهان_ ماټ يماما هو أنا لازم أعمل اي دلوقت..
فضلوا قاعدين شويه لحد ما مامتها قالتلها فجأه
_ سامحي يريم..
بصت لمامتها شويه وهي مش بترد عليها أتكلمت مامتها وهي بتمسك أيديها..
_ ريم أنني محتاجة دكتورة نفسية..
ردت عليها بأنفعال_ ماما أنا مش مچنونة..
ردت عليها بهدوء وهي بتمسح علي شعرها_ ما عاش ولا كان اللي يقول عليكي مچنونة اللي أنتي مريتي بيه سايب أثر فيكي ولازم تعالجي الأثر دا زي ما تكوني لا قدر الله اتحرقتي حړق هتسيبيه ولا لازم تعالجيه..
فضلت باصه لمامتها وبدأت ټعيط..
_ بس الناس هتقول عليا اي..
_ ما اللي يقول يقول الناس مش هتبطل كلام وبعدين عيب تبقي متعلمه وتفكري التفكير دا..!
أترمت في حضڼ مامتها وهي بټعيط..
_ أنا مش كويسه يا ماما أنا خاېفه..
ردت عليها وهو بتبوس دماغها_هتبقي كويسه وأحسن من الأول يروح ماما والله..
نزلت ريم الشارع بتاعتها لأول مره و بدأت تسمع أصوات ناس جنبها وهما بيقولوا بهمس بس هي سمعاه..
_ لا حول ولا قوه الا بالله ضيع مستقبله ونفسه..
_ وعشان اي يعني هي هتعيش حياتها وهو يا حبيبي الله يرحمه..
_ مين عارف مش يمكن هي علقته بيها وبعدها سابته..
_ عندي أحساس أنه مظلوم ربنا يرحمه ويسامحه..
لفتلهم ريم وهي بتقول بهدوء وربعت أيديها قدامهم..
_ أنتي عندك أحساس أنه كان مظلوم وانتي شايفه أني ضيعته وحضرتك شايفه أني علقته بيا وبعدها سبته متهيألي لو بنت أي واحدة فيكم حصلها اللي حصلي مكنتوش هتقولوا كدا بس اللي مستغرباه أنكم ستات وعندكم بنات يعني في أي وقت ممكن واحده فيهم يحصلها اللي حصلي بس رغم كدا بتخوضوا في عرض الناس عادي عمري ما أتمني أن حد فيكم أو حد من عيالكم يتحط في اللي انا أتحطيت فيه لأنه صعب علي أي بنت أنها تحس أنا مش مطمنة ربنا يسامحكم..
سابتهم ريم وهي بتركب التاكسي وبتبص عليهم نزلوا وشهم في الأرض بأحراج...
_حال الدنيا اتبدلت يعني الضحېة بقا هو الظالم دلوقت..!
دا كان صوت مامتها وهي بتتكلم بأنفعال شديد مسكت ريم أيد مامتها وهي بتقولها بضحك..
_ الناس مش هتبطل كلام يماما دا ممكن يتعاطفوا مع المسيخ الدجال عشان أعور..
ضحكت مامتها وهي بتقولها_عندك حق والله..
في عيادة دكتورة نفسية..
ريم قاعدة ومامتها جنبها والاتنين ساكتين لحد ما سمعت أسمها بصتلها مامتها بتشجيع وهي بتشد علي أيديها أتحركت علي الأوضة أول ما دخلت سمعت صوت الدكتورة...
_أهلا يريم اتفضلي.
فضلت باصه للست كان جميلة رغم كبر سنها وضحكتها جميلة وبتبصلها بهدوء والابتسامة مش مفارقه وشها.
_ ريم أنتي معايا..
ردت بتوتر_ ايوه مع حضرتك..
_قوليلي بقا عاملة أي.
_ الحمد الله بخير..
_ بتدرسي يا ريم..
_ اه أنا في سياسة واقتصاد..
ابتسمت بهدوء وهي بتقولها_ ربنا معاكي مش عيزاكي تخافي من حاجة وأنتي بتحكي اعتبريني صديقة واحكيلي مالك..!
أخدت ريم نفسها وغمضت عينيها وبدأت تحكي اللي حصل لحد ما خلصت وهو بتقولها..
_ أنا من ساعة اللي حصل وأنا خاېفه من كل حاجة حتي مع أهلي بتعامل پعنف وعصبية وحاسه أني كدا ببعد أي حد عني لمجرد أني خاېفه منه أنا مش قادرة أستمر في الخۏف دا أنا تعبت..
أتكلمت بأبتسامه وهدوء_ اللي أنتي مريتي بيه مش قليل ابدا بس الأهم من كل دا أنك تقومي علي رجلك تاني أرجعي لحياتك تاني وأرجعي كليتك وأندمجي مع الناس من تاني هتلاقي خۏفك بدأ يختفي مع اندماجك مع الناس وأنتي قوية وهتقدري تقفي تاني علي رجلي أنا متأكده...
_ أنا بقيت بخاف من الناس..
_ الناس مش كلها وحشه في كل مكان هتلاقي الحلو والۏحش دوري علي الحلو اللي في الناس