حياة أسرت قلبي لعبير سليم الجزء الخامس والأخير

بس حقول ايه بنت اخويا وعلى قلبي زى العسل
والد هنا ربنا يخليكم ليها يارب والله متعرفوش احنا مطمنين على هنا ازاى وهى فى وسطكم ربنا يديم بينكم المحبه يارب
والدة هنا حتسموها ايه ياولاد
تنظر شهد تجاه والدة محمود ماما خديجه هى اللى تسميها
امها ماشي ياستى هاه ياحبيبتى عاوزة تسمي حفيدتك ايه
خديجه وهى تنظر لوجهها البرئ حبيبه
عشان هى حتبقى حبيبة قلبي من جوة
محمود حبيبه محمود دى حبيبتنا كلنا
والدة هنا الله اسم حلو اوى ربنا يبارك فيها ويحميها يارب العالمين
فى الصباح فى سلسلة المحلات
يدخل اسر فى الصباح قبل الذهاب الى المكتب ليطمئن على سير العمل ويتحدث الى اشرف فيجد اشرف جالسا حزين الوجه
اسر صباح الخير يااشرف
اشرف صباح الخير يا استاذ اسر
اسر مالك يااشرف شكلك مضايق
اشرف حضرتك جيت فى وقتك يااستاذ اسر انا اصلا كنت رايحلك المكتب
اسر طب تعالى معايا فى المكتب نتكلم براحتنا
ادخل يااشرف اقعد فى ايه يابنى مالك زعلان من ايه
اشرف انا زعلان من حضرتك يااستاذ اسر
اسر زعلان منى انا ليه يااشرف
اشرف يعنى حضرتك مش عارف يااستاذ اسر يعنى بعد كل اللى حكته هدير لحضرتك ده تخليها تقابله وتقعد معاه ومن غير مانا اعرف
اسر اشرف انت بتثق فية واللالاء
اشرف استاذ اسر ثقتى فى حضرتك حاجه واللى حصل ده حاجه تانيه دى اختى يااستاذ اسر اختى يعنى المفروض مكنش اريال
اسر اريال ايه يااشرف عيب عليك الكلام اللي بتقوله ده انا مقصدتش خالص انى اقلل منك او الغى وجودك يااشرف انا اتعاملت مع الموقف بحسن نيه ومن عشمى فيك انت واختك وربنا يعلم ان غلاوة هدير عندى من غلاوة نور اختى بالظبط
وده اللى خلانى اتصرف من غير ماارجعلك لانى كنت متاكد من اللى بعمله وربنا يعلم ان السبب الحقيقي اللى خلانى اجى النهارده انى كنت جاى عشان اتكلم معاك وافاتحك فى الموضوع ده
اشرف موضوع ايه اللى تفاتحنى فيه يااستاذ اسر موضوع البنى ادم ده اللى كان بيهين اختى ويستهزئ بيها وبفقرها وبيعايرها كل شويه وفى الاخر يقولها ان عنده عقده نفسيه من واحده كان بيحبها وكان بينتقم من اختى فيها تختى مش ممكن ترتبط بانسان زى ده
ده انسان مريض المفروض يتعالج يااستاذ اسر
اسر مع احترامى لوجهة نظرك يااشرف بس انت غلطان ممكن تسمعنى يااشرف وبعد كده تاخد القرار اللى انت عاوزه
اشرف اتفضل اتكلم يااستاذ اسر
اسر اولا يااشرف أمجد ظابط محترم وانسان فى قمة الادب والاحترام ده مش معرفة يوم واللا سنه ده صاحبي من زمان اوى وانا اكتر واحد فاهمه فى الدنيا
اوعى تفتكر انى كنت راضي على الطريقة اللي كان بيعامل بيها هدير ربنا يعلم باللى عملته فيه لما هدير حكيتلى
بس صدقنى يااشرف لو قلتلك ان اللى اتعرضله فى حياته مكنش شويه انا عارف ان ده مش مبرر عشان يهين هدير بالشكل ده ولا ده يشفعله بس اللى انا متاكد منه انه بيحب هدير جدا وانه ندمان على كل اللى عمله مع هدير ونفسه يرتبط بيها ويعوضها عن كل اللى سببهولها والله بيحبها يااشرف وهو كان عاوز بس يشرحلها السبب اللى خلاه يعاملها بالطريقه دى وبعد كده كان حيروحلك لحد عندك يتقدملها
اشرف يتقدملها لما تكون اختى موافقه لكن اختى مش موافقه يااستاذ اسر
اختى مش حتتجوز واحد معقد واحد ياخدها بذنب غيرها واحد كل مايفتكر حبيبته الاولى يظن فى اختى السوء ويفتكر انها ممكن ټخونه او تسيبه لا يااستاذ اسر لانا ولا اختى موافقين على الراجل ده وياريت حضرتك تفهمه الكلتم ده وتخليه يلعد عنها وعن طريقها
اسر أشرف ممكن تهدى شويه وتفهمنى امجد مش وحش كده يااشرف امجد مظلوم مجنى عليه اتعرض لخيانه كبيرة اوى
اتعقد ايوة اتعقد دى حقيقه محدش يقدر ينكرها بس منواللى شافه لو انت مكانه كنت عملت كده واكتر من كده كمان
غلط فى طريقة معاملته لهدير وجرحها واعترف يغلطه ومستعد يعتذرلها باى طريقه تقبلها
نديله فرصه واللا نحكم عليه بالاعډام ونعلقله المشانق محدش فينا مبيغلطش بااشرف كلنا بنغلط وكلنا لازم نسامح وندى لبعض فرصه الحياة مش مستاهله يااشرف
واللى انا متأكد منه ان اختك حتكون سعيده معاه وحتقدر تعوضه عن كل اللى حصلله وهو كمان حيعوضها عن اى چرح سببهولها بس نديله فرصه بلاش نقسى عليه اوى كده
اشرف بس هدير رافضاه يااستاذ اسر ومش طايقه تسمع اسمه دى بتكرهه اوى
اسر مبتكرههوش يااشرف مبتكرههوش هى بس زعلانه من الطريقه اللي كان بيعاملها بيها مچروحه من اهانته ليها لكن مبتكرههوش يااشرف ولو اديناهم فرصه يقربوا من بعض حتطلع كل مشاعرها اللى جواها ناحيته
اشرف مشاعر ايه اللى جواها يااستاذ اسر اختى مفيش جواها اى مشاعر للراجل ده
اسر لاء فى ومبقاش اسر التهامى لو مكنتش اختك لتحبهوهى كمان وبتكابر
اشرف حضرتك بتقول ايه يا استاذ اسر ايه الكلام ده
اسر اشرف انا لومكنتش متاكد ان عقلك كبير وانك بتعرف توزن الامور كويس وتقدرها مكنتش اتكلمت معتك بالشكل ده اشرف انا عاوزك تاخد اختك فى حضنك وټحتضنها وتحسيها بالامان وصدقنى وقتها حتلاقيها بتعترفلك بمشاعرهاناحية امجد وكل اللى هى فيه ده ڠضب منه مش اكتر زعلانه منه قلبها ۏاجعها منه
اشرف وليه حضرتك متاكد اوى كده ان هدير بتحبه
اسر عشان انا اسر التهامى مش اى حد
اشرف ارجوك متحكمش على امجد من اللى حكيتهولك هدير لازم تقعد وتتكلم معاه ووقتها انت بنفسك اللى حتتمنى تجوزه اختك
أشرف انا مش عارف اقولك ايه والله يااستاذ اسر
استاذ اسر انا مليش غير هدير هى كل دنيتى وكل املى فى الدنيا اشوفهاسعيده ومتهنيه مع اللى قلبها يتمناه
اسر يبقى تحط ايدك فى ايدى ونوفق راسين فى الحلال ايه
وصدقنى حتشوف اختك اسعد انسانه فى الدنيا وعلى ضمانتى
ايه رايك عشان بصراحه كده عاوز اجوزك وافرح بيك انت كمان
أشرف تجوزنى هههههههه اشمعنى يعنى
اسر عشان انت محترم يااشرف ومتربي وانا يشرفنى معرفتك
اشرف الشرف لية انا يااستاذ اسر
اسر خلاص يبقى نسيبها على الله يااشرف ومنعقدهاش يسروا ولاتعسروا وبشروا ولا تنفروا وان شاء الله مش حيحصل غير كل خير
يقوم أشرف يرجع لمواصلة عمله بينما يتصل اسر على أمجد ليفهم منه ماحدث بينه وبين هدير
أمجد خلاص يااسر الموضوع خلص خلاص
هدير مقتنعتش بالكلام اللي قلتوهولها وشايفه انى ظلمتها لما اخدتها بذنب غيرها
خلاص يااسر خلاص الموضوع انتهى
اسر هو ايه اللى انتهى ياامجد هو كان لسه ابتدى عشان ينتهى وانت ازاى تستسلم بسهوله كده مكنتش اعرف انك ضعيف اوى كده انت ايه يااخى مبتتعلمش من اخطاءك
انت بتحبها واللا لاء ياامجد
أمجد بحبها والله العظيم بحبها بس حعمل ايه وفى ايدي ايه اعمله هى معاها حق يااسر معاها حق ترفضنى وترفض حبي بعد كل اللى
عملته فيها خليها تفرح وتتهنى مع اللى يتمناه قلبها
اسر بجد انا مش عارف اقولك ايه انت ازاى كده ازاى تفرط فى حبك ليها بالشكل ده امجد صدقنى لو ضيعت هدير حتندم وعمرك ماحتعوضها تانى وانت حر ياامجد
يمر الوقت وتمر الأيام وهدير مصرة على موقفها لا تريد التحدث الى أمجد وكلما حاول الاقتراب مته تصده وتنهره بشده لم تنفع محاولات اسر وحياة معها
اضطر اسر ان يترك الامور بعض الوقت لعل الله يحلها من عنده ولعل الابام تستزيع ان تذيب الجليد
بعد مرور عدة أشهر
فارس فى ايه ياعم الحاج ماتقعد كده وتهدى
مؤمن قلقان عليهم اوى خاېف اوى يافارس كانت المفروض متولدش دلوقتى
فارس يالهوى انت كنت عاوزها تستنى اكتر من كده ايه دى بابنى كانت عامله شنبه القنبله الذريه
دول تلاته ياحبيبي تلاته الله يكونك فى عونك يااختى ياحبيبتى أنا مش عارف ايه ده مجوزينك مازينجر
أمجد يااخى ارحمنى بقى انا قلقان على مراتى
فارس عيب عليك يااخى لما انت اللي تقول كده سيب القلق ده للغلابه اللى زينا
عايده حد يخللى البنى ادم ده يقوم من ادامى انا ضغطى عالى ومش مستحمله خلوه يطلع برة
ملك اسكت بقى يخرببيت فقرك مش كل مانقعد فى مكان يطردونا بقينا شبه العيال الخايبه اللى بيطردوهم من الفصل ويزنبوهم برة
فارس حاضر ادينى حسكت اهوه بس اعمل ايه ماهما اللى ناس مستفزة
فهمى انت يازفت ياتسكت يااما تقوم تمشي احنا قلقانين على اختك وانت مش عاوز تسكت
فارس امشي ده ايه انا لازم اطمن على اختى والفريق بتاعها
لازم اطمن انه وصل لارض الوطن بالسلامه
ميتفعش امشي قبل مااقص الشريط واحضر الاحتفال بوصول اللعيبه الملعب بالسلامه
عايده الله اكبر في عينك ياشيخ يابنى حرام عليك السكر حيعلى علية
ربنا يطمنا عليكى يابنتى يارب
مؤمن يارب ياماما انا قلقان اوى
وفاء اطمن ياحبيبي ان شاء الله ربنا مش حيضيع تعبها
فارس لا ده كله الا اختى وولادها ده انا اۏلع فى ام المستشفى دى
وفاء امال فين اسر وحياة مجوش ليه
عايده اسر عنده قضيه فى الفيوم واخد حياة والبنات معاه
وفاء بس كده غلط عليها تتعب منه
عايده لايا حبيبتي اطمنى اسر سواقته جميله
وفاء ربنا يرجعهم بالف سلامه ان شاء الله
يخرج الدكتور ليطمئنهم
الدكتور حمدالله على السلامه يا جماعه
عايده بنتى يادكتور عامله ايه
الدكتور الحمد لله والله زى الفل
فارس والولاد اخبارهم ايه
الدكتور زى العسل جابتلكم بنت وولدين ما شاء الله عليهم ربنا يباركلكم فيهم يارب
فارس وهو يحتضن مؤمن الف مبروك يا بطل ولدين وبنت ربنا عالمفترى بص بقى انا عاوزك تدينى كورس وتعرفنى عملت ايه بالظبط عشان الانجاز العلمى ده يحصل
مؤمن انا والله ماعملت حاجه
فارس يانهارك اسود امال ومنيل امال مين اللى عمل انا اللى عملت عيب عليك ياراجل لما تقول كده ده انجازك اللى لازم تفتخر بيه
ارفع راسك لفوق انت مصري
ده انا حخللى الاستاذ عمرو اديب يستضيفك بقرعة امه عشان تقولله حققت الانجاز ده ازاى
مؤمن بقولك ايه انا عاوز اروح اشوف مراتى وولادى
فارس حقك يامعلم لازم طبعا تشوف الاشبال بتوعك
فى الغرفه
وفاء الف حمد لله على السلامة يا نور ياحبيبتى
نور الله يسلمك يا ماما
فارس وهو يجلس على السرير مربع قدميه حبيبتى حمدالله على السلامه يا ست البنات ياحبيبة قلب اخوكى
نور الله يسلمك يا حبيبي عقبال ملك لما ربنا يقومها بالسلامه ان شاء الله
فارس تشكرى يااختى ربنا يخليكى ياام الابطال
هاه اتحفونى بقى وقولولي ناويبن تسموا الجيش بتاعكم ايه
ملك انا مش قلتلك تسكت بقى حيطردونا الله يخرببيتك
فارس لا ياحبيبتي اطمنى طول مافوءة حبيبة قلبي موجوده محدش يقدر يهينا ابدا احنا قاعدين فى حماها
وفاء هههههههه عسل وربنا يافارس
عايده ياختى عسل اسود ومنيل انا مش عارفه انتى بتحبي فيه ايه
وفاء فارس ده شربات ده حبيبي
عايده خديه والله تريحينى منه ومن الدوشه اللى عاملهالنا ليل ونهار
فارس وهو يقبل يد وفاء حبببة قلبي ياناس