حياة أسرت قلبي لعبير سليم الجزء الخامس والأخير

واسيبهولكم ده الغالي ابن الغاليين
ملك ياحبيبي يااسر ربنا يخليك لينا يارب
فارس طب لما انت تاخده احنا حيبقى وظيفتنا ايه سيادتك
اسر ملك حترضعه وانت مسموحلك تقعد جمبها لحد ماتخلص رضاعته
فارس لا والله كتر الف خيرك ومالك جاى على نفسك كده ليه
اسر عندك اعتراض
فارس لا ياباشا واحنا نقدر طلبات معاليك اوامر
وبعد ان جلس الجميع قرابة ساعه
فهمى ياللا بقى ياولاد عشان متتاخروش على معاد الطيارة
يتجه العرسان الى المطار لقضاء شهر العسل باحد الدول الاوروبيه بينما يصطحبهم للمطار مازن وشيرين وسعيد
ويبقى الاخرون مع ملك فى المستشفى
علا انا حبات مع ملك
ام ملك لا ياحبيبتى انتى عندك اولاد صغيرين روحى انتى انا اللى حبات مع بنتى
عايده وانا عاوزة ابات معاكم
ابو ملك طب والبنات الصغيرين
وفاء هاتيهم يباتوا عندى
فارس بصوا انا حاخد علا واولادها والبنات اوصلهم الشقه عند علا وبباتوا مع ولادها وماما ومامة ملك حيباتوا معاها والباقيين يروحوا تمام
ملك وهى تنادى فارس
فارس ايوة ياقلبي عاوزة حاجه
ملك وهى تشده من الجاكيت ليقترب منها عارف وربي لو عاكستها وهى معاك واللا قلتلها حاجه حخليهم يحجزولك السرير اللى جمبي
فارس حبيبتى مانا مش حقولك قصدى عيب عليكى انا تبت خلاص الى الله ياام ادهم
ملك ماشي امااشوف ياابو ادهم
ينزل فارس بصحبة علا والاطفال الى السيارة
تولين وسيلين احنا حنقعد ادام جمب عمو
علا اقعدوا ياحبايبى
فارس عيب ياحبايبى انتوا كلكم حتقعد وا مع بعض ورا وماما حتقعد ادام
فارس وهو يفتح لها باب السيارة اتفضلي اركبي
تحرج علا من جلوسها بجانب فارس فى السيارة وتضع محمد على رجلها
فارس معلش حنتعبك معاناو نبيت البنات عندكم
علا ياخبر يااستاذ فارس حضرتك بتقول ايه بس ده ربنا يعلم والله غلاوتهم عندنا ايه
فارس ربنا يخليكى يارب
ثم يلتفت للبنات حبايب عمو متعملوش شقاوة
البنات حاضر يا عمو
ثم ينتبه للقياده حتى يصلوا الى العمارة التى انتقل اليها سعيد واسرته
تاخذ علا الاولاد وتصعد بهم الى الشقه بينما يتجه فارس الى الفيلا لينام ويستريح
فى المطار
سعيد حياة خللى بالك من نفسك ومن جوزك 
حياة حاضر ياابو علا
سعيد اسر مش حوصيك على حياة
اسر فى عينيه ياسعيد اختك امانه فى رقبتى
ويتجه العرسان للصعود لركوب الطائرة
فى غرفة حياة واسر
حياة فى داخل الحمام لاتريد الخروج
اسر وهو يطرق عليها الباب حياة حياتى ايه ياقلبي انتى نمتى جوة واللا ايه
حياة ايه لاء انا حخرج دلوقتى بس انت ابعد عن الباب
اسر حاضر يا حبيبتى
يبتعد اسر عن الباب فتفتح حياة الباب وتخرج وهى فى قمة خجلها
اسر وهو يمسك يديها بسم الله ماشاء الله ايه الجمال ده كله
حياة ربنا يخليك يا رب وانت كمان زى القمر
اسر تعرفى انى بحبك اوى وبموت فيكى
حياة انا بحبك اكتر بكتير ياحبيبي
اسر حبيبتى ربنا يباركلى فيكى يارب
حياة ربنا يخليك ليا يا اسر يارب
اسر طب بقولك ايه بقى ياللا عشان نصلي مع بعض ركعتين
حياة حاضر
يقف اسر وهو يؤم حياة فى الصلاة
وبعد الانتهاء من الصلاه يدعوان الله ان يكتب لهم السعاده والهناء ويرزقهم بالذرية الصالحة
اسر تعالي بقى ويقوم بحمل حياة على ذراعيه
حياة هههههه هههههه بتعمل ايه
اسر حنعمل زى ماكل الناس بتعمل ليلة دخلتهم واللاانتى عاوزة الواد فارس يشمت فينا
حياة ايه يشمت فينا ليه
اسر ايه ده انا بقول ايه لالا سيبك انتى النهارده احلى من القمر
ثم يضعها على الفراش ويتحدث اليها متعرفيش ياحياة انا كنت بحلم باللحظه دى اد ايه
ياما حلمت واتمنيت انك تكونى لية كنت خاېف اوى ان حد ياخدك منى وتبقى لغيري
حياة كنت حتعمل ايه يعنى
اسر كنت ممكن اموت فيها
حياة بعد الشړ عنك يا قلبي والله يااسر انا اللى كنت خاېفه انك متكونش لية
الفرق اللى بيننا كان بيقوللى انك مستحيل تبصلى او تفكر تتجوزنى ده غير كمان انى مش جميله وعاديه جدا انت عارف يااسر انا اول مرة شفت فيها شيرين لماكانت مراتك ساعتها قارنت نفسي بيها حتى قلت لعلا كمان
قلت هى دى اللى تليق على اسر جمال وشياكه حاجه كده زى اللى بشوفها فى الافلام
اسر كان ينظر اليها وهى تتحدث بوجه مبتسم ثم قبل يديها اولا بقى مين اللى قال انك مش جميله ده انتى اجمل واحده شافتها عينيه
وبعدين ياحياة الحب ملوش علاقه بالشكل دى ارواح بتحس ببعض بتتقابل فى عز العتمه القلوب هى اللى بتختار مش احنا كل واحد فينا اسير لمشاعره اللى بتوجهه ناحية اللى القلب بيشاور عليه زى مابقى اسر اسير ليكى ولحبك ياحياة
ايوة ياحياة متستغربيش حياة هى اللى اسرت قلبي
والله ياحياة انا بعد مۏت جنى قلت مستحيل قلبي يعشق تانى او يحب واحده تانيه لكن انتى قدرتى تقتحمى حياتى قدرتى تسيطرى وتستحوذى على كل مشاعرى
وبعدين الشكل عمره ماكان مقياس للحب يعنى انتى بتقولى مثلاان شيرين جميله ودى حقيقه فعلا وعلى فكرة هى كانت احلى بكتير من جنى الله يرحمها بس سبحان الله لاهى حبتنى ولا انا حبتها مين السبب معرفش يمكن حبي لجنى كان عائق بينى وبينها ويمكن هى السبب بس اللى انا متاكد منه ان قلوبنا ملقتش نفسها بيننا احنا الاتنين
واديكى شفتيها اتغيرت ازاى وبقت واحده تانيه خالص بمجرد مالقت الحب الحقيقي اللى كان قلبها محتاجه
حياة فعلا يااسر انت عارف واحنا بنعمل الميكب وبنلف الطرح كانت عامله زى ماتكون امنا انا ونور لدرحة انها عصبت البنت بتاعة الميكب من كتر طلباتها واوامرها
بجد. حسيتها فرحانه بينا اوى ونفسها تشوفنا احلى عرايس
اسر طب ايه طيب حنفضل نتكلم كتير الليله دى المفروض يبقى فيها افعال مش اقوال
حياةتخفض وجهها خجلا
ونروح نشوف نور ومؤمن هما كمان اخبارهم ايه اصل بصراحه مؤمن صعبان علية اوى والله اخواته دول معندهم ډم
فى غرفة نور ومؤمن
تجلس نور بجوار مؤمن على حرف السرير حيث كان جالسا واضعا راسه بين يديه والدموع تجرى على خديه
فترفع نور وجهه اليها وتحتضن وجهه بين كفيها وتنظراليه بعينيها التى طالما عشقها ثم تمد يدها لتمسح دموع عينيه
نور حسه بيك والله وعارفه انك بتتالم
مؤمن ليه كده يانور هى الدنياليه وحشه كده
اخواتى لحمى ودمى اللى ياما اديتهم حبي وحنانى برغم انى كنت اصغر منهم بس طول عمرى كنت شايل همهم
ينسونى ميحاولوش يقفوا جمبي فى احلى يوم فى حياتى
انا عملتلهم ايه عشان يبعدوا عنى بالشكل ده عملتلهم ايه عشان يكسرونى كده قدام اهلك وقدام كل الناس
تحتضنه نور بكل حب ماعاش ولا كان اللى يكسرك ياحبيبي
واوعى تقول كده تانى
مؤمن يانور انا مكنش فى حد فى الفرح من اهلى غير امى بس لكن كل اللى كانوا موجودين اهلك انتى واخوكى وحياة
نور ودول مش مفايه عليك يامؤمن مش اهلى هنا اهلك بردو
مؤمن والله ربنا يعلم يانور انا بقول ان ربنا عوضنى بيكى انتى واهلك
بس انا صعبان علية نفسي اوى
حتى بابا بابا يانور نيفكرش يحضر فرح ابنه شفتى القسۏة عمرك شفتى قسۏة كده انا اتيتمت واهلى عايشين يانور
نور انا كل اهلك ياحبيبي وان شاء الله ربنا حيقدرنى واسعدك واعوضك عن اى
حد ظلمك او چرحك او كان السبب فى نزول دمعه من عينك
مؤمن عمرى ماحسامحهم ابدا
نور سيب الايام والليالي هى اللى يبقى ليها الكلمه الاخيرة ياحبيبي
نؤمن بحبك اوى يانور
نور وانا بمۏت فيك يامؤمن
مؤمن وهو بحاول الابتسامه من بين دموعه بس ايه الطعامه والجمال ده كله
نور عجباك يامؤمن
مؤمن لا بقولك ايه هو انا لسه حتكلم انا حقولك دلوقتى عجبانى ووحشانى وبحبك اد ايه ثم يقوم 
تستيقظ حباة من نومها لتجد نفسها نائمه على صدر اسر فتبتسم وهى تتذكر ماحدث ببنهما وكيف كان لطيفا معها واحتوها بحبه وحنانه لها
حاولت ان تقوم من جانبه بهدوء حتى لاتقلقه ولكنها وجدت من يشدها اليه رايحه فين
حياة رايحه اخد دش
يمر الوقت ويبدا العرسان فى الخروج الى الاماكن المختلفه للاستمتاع بشهر العسل كانوا يستمتعون بكل وقت وكان اسر سعيد برؤية اخته وهى سعيده
ولكن دائما ماتمر الاوقات السعيده سريعا وينتهى هذا الشهر نعم فهو شهر كامل قضاه العرسان وهم فى قمة السعاده والفرح
واستطاعت نور خلال هذه الفترة ان تحتوى مؤمن بحبها وخۏفها عليه واستطاعت ان تنسيه الامه واحزانه
حياة وهى تتحدث الى سعيد فى التليفون ايوة يااخويا وحشتنى اوى وعلا والولاد وحشونى اوى
سعيد انتى اللى وحشتينى اوى ياست البنات طمنيني عليكى ياحياة عامله ايه واسر اخباره ايه
حياة الحمدلله والله يااخويا انابخير والله
وخلاص احنا جايينقريب ان شاء الله 
سعيد تيجوا بالف سلامه أن شاء الله 
حياة حاضر يا حبيبي حبلغه سلامك
تغلق معه الهاتف وتلتفت لحبيبها ايه ياروحى عاوز حاجه
اسر وهى يحتضنها تفتكرى وانتى جمبي حعوز ايه من الدنيا اكتر من كده
ياتى الان ميعاد وصول العرسان الى أرض الوطن حيث يتجمع كل افراد العائله فى منزل فهمى التهامى لاستقبال العرسان 
فى الفيلا
الخادمه لوووولى لوووولى حمد الله على السلامة يا حبايبي نورتوا البيت
يقوم الجميع ليسلموا على حياة واسر ونور ومؤمن
تولين وسيلين بابى حبيبي وحشتنى
يحتضن اسر بناته بكل حب فكم اشتاق لحضنهم كان يحتضنهم بلهفه وحب شديد حبايب قلبي
كانت عفاف تحتضن ابنتها بشده فكم اشتاقت إليها وحشتينى وحشتينى اوى ياحياة وحشتينى يانور عينيه
حياة انتى اللى وحشتينى اوى ياماما
يجلس الجميع وكان العرسان يصفون ويحكون كل ماحدث معهم اثناء السفر
وكان لرؤية ريان فرحه كبيرة حيث ان معالمه قد وضحت فى هذا الشهر وقد فرح به الجميع وبشده
فهمى عاوزين نعمل حفلة ريان بقى ياولاد
اسر الاسبوع الجاي ان شاء الله ايه رايكم
الحميع تمام اوى
ثم يستئذن مؤمن فى ان ياخذ زوجته ويذهبان الى الفيلا حيث اشتاق لامه كثيرا
نور تسلم على امها وابيهاوكل الموحودين
عايده وهى تتحدث لابنتها جانبا نور ياحبيبتى خللى بالك من حماتك وشيليها جوة عنيكى
انتى بقيتى كل دنيتهم وانتى عارفه ان مؤمن ووالدته ملهمش حد وربنا يعلم غلاوتهم فى قلوبنا اد ايه
حبيها وراعى فيها ربنا وقبل ماتفكرى تعملى اى حاجه افتكرى ان عندك ام واللى مترضيهوش لامك يبقى مترضيهوش لام مؤمن والست بتحبك وپتموت فيكى
اوعى تعامليها على انها ضرتك واللا عدوتك لا انا عاوزاكى تعرفي ان هيا ليها فى ابنها اكتر ماليكى انتى فاهمه ياحبيبتي
نور فاهمه والله يا حبيبتى
فارس ياللا انا حااجى اوصلكم
فى فيلا مؤمن
وفاء نورتوا البيت ياحبايبي
نور البيت منور بوجودك معانا ياماما
وفاء حبيبتى يانور
مؤمن انا مش مرتاحلكم انتم الاتنين شكلكم كده حتتفقوا علية
نور ووفاء ههههههه
وفاء نور دى بنتى وحبيبة قلبي من جوة واوعى تفكر تتدخل بيننا
مؤمن لا وعلى ايه الطيب احسن
ثم يحتضنهم ربنا يخليكم لية يارب وميحرمنيش منكم ابدا
يعود اسر الى عمله بالمكتب
فيجد فرح تدخل عليه بقولك ايه