حياة أسرت قلبي لعبير سليم الجزء الخامس والأخير
المحتويات
اطمنى بقى واهدى كده
هدير من فضلك ممكن حضرتك تدخل فى الموضوع عشان امشي
أمجد هدير اولا انا عاوز اقولك انا آسف على كل الم سببتهولك او كل دمعه نزلت من عيونك بسببي
انا اسف ياهدير وياريت تسامحينى
هدير انا مستعده اسامحك بس بشرط
أمجد شرط شرط ايه ياهدير
هدير انك تبعد عنى وتسيبنى فى حالي وتنسى انك شفتنى فى يوم من الايام وتخرجنى من دماغك
هدير ليه ليه حرام عليك كفاياك بقى يااخى انت عاوز منى ايه ايه اللى بيبسطك ويفرحك لما تبهدلنى كل ماتشوفنى وتقلل منى ايه انت مريض نفسي والمفروض تتعالج بجد
أمجد هدير ارجوكى ممكن تهدى وتسمعينى ممكن تسيبينى اتكلم وبعد كده تاخدى القرار اللى انتى عاوزاه
هدير انتى مش عاوزه تعرفى انا ليه كنت بعمل معاكى كده وليه كنت بتعامل معاكى بالطريقه دى
أمجد انا ححكيلك كل حاجه ياهدير ححكيلك كل شئ
الانوار معلقه فى كل مكان الزينه تملاء الشارع كله كل من يسكنون فى هذا الشارع فرحين لهذين الحبيبين اللذين جمع بينهم القدر
الكل يشارك فى تحضيىر الحفل نعم فانه كان فرح شعبي فى الشارع الذى يسكنون فيه فلقد ارادوا ان يشاركهم الجيران فى هذه الفرحه
كان كل من يسكن هذه المنطقه يتقدم بالتهانى لهم بحب وموده فالجميع يحبهم
كانت داليا فى قمة سعادتها فقلبها حتما سيتوقف من الفرحه اخيرا سيجتمع شملها مع من هواه وتمناه القلب كم انت رحيما بنا ايها القدر
بينما كانت هبه شديده الفرحه لاخيها الوحيد
وكانت تستعد هى الاخرى لتلبس الفستان الذى اشترته لهذه المناسبه وتقوم بتبديل ملابس الصغير بالملابس التى سيلبسها فى فرح خاله وعمته
وبينما كانت هبه تستعد لارتداء الفستان
فجاه يدق الباب عليهم تفتح هبه الباب فتجد شادى امامها
هبه ايوة ياشادى ايه اللى جابك دلوقتى فى حاجه
شادى ايوة فى حاجه ياهبه
هبه مش مصدقة اللى انا فيه ده ياشادى معقوله الدنيا تبتسم لية بالشكل ده
شادي كرم ربنا كبيراوى ياهبه
هبه ونعمه بالله ياحبيبي ده انا اصلا مش مصدقة نفسي لحد دلوقتى اننا اتجوزنا وخلفنا لاء وكمان باباك اللى مكنش بيطيق يسمع اسمى ربنايحنن قلبه علية واول مايشوف ابننا يتغير بالشكل ده من ناحيتى
وتيجى انت دلوقتى تحققلي الحلم اللى كنت بحلم بيه طول عمرى
معقوله معقوله انا حلبس فستان فرح وحقعد فى الكوشه
وحفرح زى كل البنات
شادي حبيبتى انتى ست البنات كلهم انا اسف انى اتاخرت عليكى ياحبيبتى بس انا بقى قلت نخللى الفرحه فرحتين
و يلا بقى الوقت حيجرى بينا وانتى لسه ملبستيش
هبه وهى تمسح دموعها طب ياللا بقى اخرج انت
شادي ماشي ياست العروسه حقك تدلعى الليله ليلتك ياقلبي انا حاخد كريم واديه لماما والليله دى حيبات مع ماما وبابا الليله احنا عرسان بقى
و عاوز استفرد بيكى ياقمر انتى
هبه هههههههه
يخرج شادى بينما تمسك هبه الفستان بيديها وتنظر له بفرحه شديده فكم اشتاقت اليه احتضنته بشده ثم اخذت تلف به وهى تضحك بشده
بعد مرور ساعتين
يتواجد اهل المنطقه كلهم يعدون الطاولات للجلوس عليها فلقد اعدوا المكان كما لو كان فى افخم القاعات فلقد اعدت الطاولات بشكل جميل وامتلاء الشارع كله بالانوار والاغانى ووضع اسم كريم وداليا وشادي وهبه فى كل مكان
البسمه ترتسم على كل الوجوه والزغاريد تعلو اصواتها اعلاناعن قدوم العرسان
يتقدم كريم وفى يديه داليا وشادي وفى يديه هبه
الكل لا يصدق نفسه من الفرحه نعم فلقد كانت حقا ليله من اجمل الليالي وفرحة العرسان لاتقدر وفرحة الأصدقاء والجيران بهم كانت كبيرة فلقدشعر كريم واخته هبه بالفرحه الشديده
ولقد قام والد داليا واحتضن ابنته وهو يرى السعاده التى ملات قلبها واحتضن كريم واخذ يرقص معهم
ورقص ايضا مع شادى وهبه فلقد ازداد حبه لها بعد ان انجبت له حفيده الاول كريم
مااجمل التسامح والغفران بعد العتاب ومااجمل ان يجتمع شمل العائله ويملاء الحب عليهم حياتهم
تجلس فى غرفتها باكية العينين شارده لا تتحدث فقط تتذكر كل ماحكاه لها امجد وكيف عانى ولكن ماذنبها فيما حدث له وهل يحق له ان ېهينها كل هذه الإهانات وېجرحها بهذا الشكل مالذي ارتكبته من خطأ ليعاقبها على ذنب لم ترتكبه هل كان ذنبها الفقر الذى تعانيه والذي كان يشبه حبيبته الأولى
ام انها كانت تقريبا فى نفس عمر حبيبته الاولى
وجدت نفسها تبكى دون ان تشعر فجاه تجد من يفتح عليها باب الغرفه
هدير وهى تمسح دموعها حبيبي تعالى اتفضل
يجلس اشرف بجانب اخته على السرير مالك ياهدير فيكى ايه ياحبيبتى
هدير مفيش يااشرف تعبانه شويه بس امتحانات بقى انت عارف
اشرف لا ياهدير مستهلش ابقى اخوكى اللى من لحمك ودمك لو محسيتش بيكى هدير انتى بقالك فترة متغيرة ودايما حزينه والدموع فى عنيكى
حتنكرى علية ياهدير حتخبي على اخوكى الوحيد ليكى مين غيري تشكيله همك وتفضفضي معاه عمر مافى حد فى الدنيادى كلها حيحبك ولا يتمنالك الخير ادى
هدير وهى تمسح عيونها اشرف انت مكبر الموضوع ليه بس مفيش حاجه ياحبيبي
اشرف وهو يرفع وجهها له تعبانه والله تعبانه ومش عاوزة تعرفينى اتكلمى ياحبيبتى وعمرك ماحتلاقى منى غير الرد اللى يطمنك ويطمن قلبك
لم تشعر هدير بنفسها الا وهى ترتمى فى احضان اخيها وتبكى پقهرة كانت تبكى بصوت عالي اااه تعبانه اوى يااشرف حسه انى تعبانه اوى حسه انى مش قادرة اتنفس
اشرف وهو يمسح على رأسها اهدي ياحبيبتى اهدي ياهدير احكيلي ياحبيبتى فضفصي طلعى كل اللى جواكى
هدير حاضر يااشرف ححكيلك كل حاجه
يدخل كريم وهو حامل داليا بين ذراعيه ثم ينزلها برفق ويقبل جبينها الف الف مبروك ياحبيبتى
داليا مبروك لينا احنا الاتنين ياحبيبي انا مش مصدقة نفسي انا خاېفه اكون بحلم ياكريم
كريم ده يبقى اجمل حلم فى حياتى كلها
داليا وهو تحتضن وجهه بكفيها ياااه عالفرحه اللى انا فيها اخيرا بقيت لية وانا ليك ياااه ربنا رحمته ببنا كبيرة اوى ياكريم
كريم وهو يقبل يدبها الحمد لله ياحبيبتى خلاص مفيش حاجة حتفرق بيننا تانى غير المۏت
يجد كريم دموعا تنزل من عيون داليا
كريم وليه بقى الدموع دى دلوقتى
داليا كان نفسي اوى تكون اول راجل فى حياتى كان نفسي تكون اول واحد يلمسنى حقك علية ياكريم انا اسفه انا حاولت والله بس
يضع كريم يده على شفاها هسسس مش عاوز اسمع ولا كلمه هو احنا منعرفش نحمد ربنا واللا ايه
اللى احنا فيه دلوقتى كفايه علية اوى اصلا لو مكنش ربنا رحمنا ووقفلنا اخوكى شادى فى طريقنا لا عمرى كنت حخرج من السچن ولا عمرنا كان حيجمعنا بيت واحد وانتى كنتى حتفضلي عايشه مع انسان بتكرهيه العمر كله
يبقى نحمد ربنا ونقول الحمد لله انه جمعنا ولم شملنا على خير
داليا وهى تضع يدها على خده بحنان حبيبي يعنى انت بجد مش زعلان
كريم وهو ياخذ يدها ويقبلها توء توء انا اذا كنت زعلان فانا زعلان عالوقت اللى حضرتك عماله ترغى فيه ده وناسيه ان عندنا مهام عظيمه لازم نؤديها عاوزين نجيب عروسه لكريم الصغير اه مانا مش عاوز ابن اختى يتجوز واحده غريبه احنا اولى ياقلبي من الغريب
داليا هههههههه هههههههه
كريم اللهم صل على رسول الله
ثم يرفعها على كتفيه استعنا عالشقا بالله
داليا بتعمل ايه يامجنون
كريم ادعى بس يادودو واعرف اعمل حاجه
داليا هههههههه هههههههه
فى شقة شادى
شادي قمر ياناس كنتى مخبية الحلاوة دى كلها فين يابوبه
هبه بس بقى متكسفنيش
شادي تتكسفى علية انا بردو وبعدين هو فى حد يتكسف من جوزه حبيبه بردو مبسوطه ياهبه
هبه مبسوطه اوى اوى ياحبيبي انا لحد دلوقتى مش مصدقه اللى حصل ده خاېفه اكون بحلم
يغنى شادى لو كان ده حلم ياريته يطول لو كان ده حلم ياريته يطول وأفضل كده جمبك على طووول
هبه والدنيا تفضل هربانه ويانا فى ليل كله سعاده ليها فرحه حلوة فى عنيه حلاوتها سكرها زياده انت عارف ليه
شادي قولى انتى ليه
هبه وشادى علشان احنا مع بعضينا ولاول مرة لوحدينا ومحدش بيبص علينا غير فرحة قلبنا وعنينا حاجه غريبه
هبه وشادي هههههههه هههههههه
هبه ربنا يخليك لية ياحبيبي يارب عيشتنى الليله اللى عشت طول عمرى بحلم بيها وبتمناها
شادي ربنا يقدرنى واسعدك العمر كله
هبه وجودك فى حياتى هو المعنى الحقيقي للسعاده ياشادى انا مش عاوزة حاجه من الدنيا كلها غيرك ياحبيبي
بس قللي صحيح ايه اللى خلاك تفكر فى الفكرة دى وليه مقلتليش على اللى كنت ناوى عليه
شادي هبه اللى كان نفسك فيه وكنتى بتحلمى بيه هو نفسه كان حلمى واملى طول عمرى ياهبه هو انا يعنى مش شاب زى كل شاب فى الدنيا وكان نفسي اتزف وعروستى تلبسلي الفستان الابيض والناس تباركلنا وتهنينا بس كنا حنعمل ايه مانتى شفتى ظروف جوازتنا كانت ازاي وكريم ازاى كنا حنفرح وكريم محپوس واختى مقهورة عليه بالشكل ده
عشان كده انا كنت ناوى من زمان اننا حنعمل فرحنا اللى متعملش معاهم وليه ماقلتلكيش عشان كنت عاوز اعملهالك مفاجأة
وبصراحه الفستان ذوق داليا هى اللى ساعدتنى فى اختياره
هبه شوف الجذمه وماقالتليش
شادي انا اللى طلبت منها ياحبيبتى متقولكيش عشان اعملهالك مفاجاة
هبه بجد احلى مفاجاه فى الدنيا
شادي قومى ياعىوستى هاتى شوية مية سخنه ودلكيلي رجلى
هبه من عينيه يا سى السيد قصدى ياسي شادى
شادي ياروح قلب شادي من جوة
واخيرا كتب القدر لهذه العائلة ان تتذوق طعم السعاده وتصبح الآلام والأحزان مجرد ذكريات ستنسى وتمحى مع مرور الايام فالزمن كفيل بان ينسينا ما مررنا به فى حياتنا وسيطوى مع الايام
فى احدالمستشفيات
محمود الف حمدالله على السلامه يا قلبي
هنا الله يسلمك يا حبيبي شفت البنت جميله ازاى
محمود طبعا مش انتى امها لازم تكون قمر شبهك ياحبيبتى
شهد سيدي ياسيدي عالحب بس كان لازم يعنى تولدي الفجر كده ياهنا
هنا معلش يا حبيبتي حعمل ايه بس بنت اخوكى هى اللى خلاص عاوزة تيجى
شهد جت نورتنا حبيبتى احنا نجيلك برموش عينينا
والدة هنا ربنا يخليكى ياشهد يارب دى هنا بتحبك اوى
شهد هنا دى
اختى حبيبة قلبي ام عروسة ابنى ان شاء الله
هنا وانا اطول ده اسر حبيب قلبي
خديجه لا تطولوا وتطولوا اطول من كده كمان دى ست البنات دى بنت الغاليين دى حبيبة قلبي من جوة
وان مكنش اسر يلف وراها البلاد ويتاقلها بالالماظ واللولى ميلزمناش
شهد ماشي ياست ماما بقى كده
متابعة القراءة
