ابن ليل الجزء الخامس لأميرة أسامة

كلام الناس 
ولازم تعرفي حاجه مهمه جوازك من خمسه قبل عمرو ميعبكيش ابدا واوعي تحطي في بالك ان الناس هتقول دي مش بيعيش ليها رجاله دي اكيد العيب فيها لان احنا اتفقنا الناس بتحب الكلام وديما ليها الظاهر
وحتي لو العيب فيكي و مش بيعيش ليكي رجاله بردوا مش من حق اي حد يحكم عليكي او علي شخصيتك 
احنا جينا الدنيا دي يا سونه عشان نعيش فيها بالطول والعرض عشان نغلط ونتعلم محدش فينا 
جاي وهو كامل ومتعلم او فاهم الدنيا وإلا مكانش هيبقي في جنه وڼار 
لازم نغلط ولازم نجرب مفيش تجربه الواحد بيدخلها يا سونه ألا ولازم يطلع متعلم علي الاقل حاجه صح في حياته انا عن نفسي بحب اغلط اوي بس اللي اقصده من الكلمه دي ان الغلط بيعلم واللي اتعلم من غلطه صح يا سونه لا يمكن يرجع يغلط نفس الغلط تاني
سونه بإبتسامه سخريه ما انا غلطت خمس مرات ومتعلمتش من غلطي يا دره
دره بالعكس ده تصويرك انتي للمعتقدات اللي في عقلك يعني مثل ابو سماح لو كان فضل عايش كنتي اتطلقتي منه
سونه معرفش بس ميتهيأليش اه مكنتش بنحبه بس هو كان كويس 
دره يعني مۏته هو كان سبب في انك متكمليش وده مش ذنبك 
التاني اتطلقتي منه ليه
سونه كان بتاع نسوان ومستحملتش
دره وده طبيعي مفيش ست بتقبل علي كرامتها الخيانه طب والتالت
سونه كان بخيل اوي مع انه كان معاه فلوس ومرتاح يمكن كان كويس ومفيهوش اي عيب غير البخل بس مقدرتش 
دره وادي سبب تاني مفيش ست بتقدر تتعايش مع الراجل البخيل مهما كان مفيهوش عيوب تانيه العيب ده يمحي اي طبع حلو اصلا طب الرابع 
سونه كان كويس والله يا دره بس ڠصب عني مكنتش بنحبه وحسيت اني هنظلمه معايا مقدرتش اكون معاه وانا مش بنحبه بصتلها بإحراج ويعني بردوا وقتها عقلي وقلبي مكانوش فيا وكنت فاهمه الدنيا غلط
دره وانتي يا صحي مينفعش يكون قلبنا وعقلنا مع حد تاني ونفضل مكملين مع راجل ميستاهلش مننا ده الخيانه عمرها مكانت خېانه جسديه يا سونه تفكيرك في شخص غير الراجل اللي انتي معاه ده في حد ذاته نوع من انواع الخيانه واللي عملتيه كان صح والخامس 
سونه كان نقره من نقر سماح وكل ما نكلمه يقولي ملكيش دعوه هي مش عايشه معايا يبقي اعاملها كأنها بنتي لحد ما فيوم مد ايده عليها حلفت ما اقعد علي ذمته دقيقه 
دره يعني واحد خاېن وواحد بخيل وواحد مد ايده علي بنتك وواحد انتي قلبك مكانش معاه
مين غلطان ومين مش غلطان في النهايه في سبب اقوي من كل اللي قولته ده النصيب يا سونه لو ليكي نصيب تعيشي مع واحد فيهم هتعيشي وتكملي يمكن كل الاسباب اللي قولتيها دي مفيش ست تستحملها 
بس لازم تعرفي ان النصيب اللي فرقك عن البخيل ستات غيرك كتير نصيبهم لسه متقطعش من نوعيه الراجل ده وبيحاولوا يتعايشوا مع بخلهم
النصيب اللي فرقك عن الخاېن
ستات كتير اوي متعايشه مع رجالتها اللي كل يوم مع واحده شكل
النصيب اللي فرقك عن الراجل اللي مد ايده علي بنتك
لسه موصول مع ستات كتير غيرك اتجوزت راجل غير ابو عيالها بتشوف معاه هي وولادها اسوأ
ايام حياتها ومكمله وبتحاول تتعايش 
والاهم من كل ده النصيب اللي فرقك عن الراجل الكويس اللي مفيهوش عيب عشان بس قلبك مش معاه 
ياما ستات كتير مكمله وقلبها لسه متعلق براجل تاني لا هي قادره تعيش وتدي نفسها فرصه هي والراجل اللي حبها ولا قادره تنسي الراجل اللي هي حبته ومع ذلك عايشه
وفي وسط كوووول ده يا سونه هتلاقي الناس لسه بتتكلم 
اللي اتكلم عليكي وقال مش بيعيش ليها رجاله وقال العيب فيكي هما نفس الناس 
اللي شاورت علي واحده غيرك وقالت هي ازاي قابله علي نفسها وكرامتها تعيش مع واحد كل يوم مع واحده غيرها 
هما نفس الناس اللي شاورت علي واحده غيرك وقالت هي أزاي قابله تعيش مع راجل بيمد ايده علي ولادها وراضيه عليهم الذل
هما نفس الناس اللي شاورت علي واحده غيرك وقالت هي أزاي مستحمله تعيش مع واحد بخيل
ونفس الناس بردوا اللي شاورت علي واحده غيرك وقالت هي ليه مش سعيده والراجل اللي معاها يتمنلها الرضا ترضي دي بتتبطر علي النعمه
الناس
للاسف يا سونه ليها الظاهر 
محدش عمره هينصفك او يقف في صفك محدش هيبقي عارف تفاصيل حياتك عشان يحكم عليها بشكل صح احنا للأسف عندنا ظاهره غريبه وهي إن كلنا بنعين روحنا قاضي وجلاد علي غيرنا وعمرنا ما بنحط نفسنا مكان الشخص اللي بنتكلم عليه ولو ثواني بس العيب في اللي بيفرق معاه كلام الناس لو كل واحد فينا
حط كلام الناس تحت رجله صدقيني الظاهره دي مع الوقت هتنقرض ومش بس كده حياتنا هتكون احلي وأسهل لو سيبنا بعض في حالنا وكل واحد إتلهي في دنيته هنعيش في راحه
بس للاسف ده كمان مش هيحصل لان لو ده حصل الدنيا مش هيكون فيها جدال مش هيبقي في غلط وانا قولتلك لو مفيش غلط مش هيبقي في ڼار ويبقي الدنيا دي مكانش هيبقي ليها لازمه الدنيا مش عيشه و اكل وشرب وحياه الدنيا زي الامتحان يا سونه كل واحد فينا ليه مده للامتحان بتاعه ده منعرفش امته هيخلص ميعلمهاش غير ربنا
يعني كلنا كده علي بعض في نفس الامتحان لكن بمدة ووقت مختلف فينا اللي هيروح وهو ناجح وفينا اللي هيروح وهو يادوب ناجح بالعافيه وفينا اللي هيروح وهو مسلم ورقته فاضيه
اسمعي كلامي يا سونه لو هتوقفي حياتك عشان كلام الناس فا نصيحه اوعي تعملي كده ولو خاېفه من رد فعل سماح فا لازم تعرفي ان سماح عمرها ما هتقف قصادك لو حاسه انك المرادي هتفكري صح 
انتي وعمرو أتقابلتوا في ظروف خاصه وكل واحد فيكم عاش نفس الۏجع والخۏف انتي علي بنت وهو علي ابنه فكري اكتر في الظروف اللي جمعتكم من غير اي معاد هتلاقي ان عمرو هديه ربنا ليكي انتي بنتك خلاص بقت عروسه وعلي وش جواز شويه وهتبقي لوحدك محتاجه ونس يكمل معاكي اللي باقي في رحلتك وامتحانك 
وهو لوحده بطفلين ملهمش اي ذنب في فراق امهم وجدتهم مش يمكن ربنا عوضهم بيكي وعوضك بيهم مش يمكن يا سونه مريم وياسين يكونوا سبب في نجاحك في امتحان الدنيا وبسببهم يكون رزقك الجنه 
بصتلها سونه بتأثر وكلام دره لمس قلبها بجد
دره فكري يا سونه الف مره قبل ماترفضي عمرو رفض قاطع 
و وانتي بتفكري حاولي تشوفي عمرو بنظره تانيه غير انه زي اخوكي صدقيني يمكن وقتها تفكيرك يتغير حرري قلبك يا سونه وحاولي تحطي الحب اللي جواه ده في قلب بيحبك وعايزك بجد 
سونه انا مش عارفه اقولك ايه يا دره كلامك بجد ريحني بس كمان حتي لو عملت كده عمرو ميعرفش عني حاجه يا دره ميعرفش عن جوازاتي والحياه اللي عيشتها ويمكن لو عرف ېخاف ويفكر ألف مره قبل ما يصمم علي طلبه ده 
دره بصي يا سونه هو كده او كده اكيد لازم هيعرف ولما يعرف وقتها هتقدري تعرفي طلبه ليكي ده كان عشان هو عايزك بجد ولا مجرد جوازه والسلام عشان بس ولاده مرتاحين معاكي لو فرق معاه انك كنتي متجوزه هتعرفي انه مينفعش وفعلا كان عايزك بس عشان ولاده وقتها ابعدي وهو كنان هيبعد من غير ما يديكي فرصه تبعدي بس لو مفرقش
معاه يا سونه تبقي غبيه لو فكرتي تسبيه 
سونه طيب في حاجه كمان
دره قولي يا سونه
سونه يعني انا اااا منقصدش نفتح السيره والله انتي عارفه ان كرم اخويا واي حاجه كنت بنحسها انا قولتلك قبل كده لما اتكلمت معاكي انها كانت وهم انا بس اللي عايشه فيه وحب كرم ليكي واهتمامه بيكي اللي خلاني 
نفكر اني يعني بنحبه وكده
دره تمام وبعدين 
سونه ده الكلام اللي قولتهولك من قلبي وربنا يعلم بس الناس هنا يا دره ميعرفوش كده واغلبهم كانوا عارفين اني بنحب كرم ولسه اكيد فاكرين اني بنحبه وميعرفوش الحقيقه اللي صارحتك بيها 
دره تاني هتقولي كلام الناس ما قولنا نحطه تحت رجلينا 
سونه لا منقصدش كده انا نقصد افرضي يعني اني فكرت في كلامك وحسيت اني ممكن نوافق مش يمكن عمرو يسأل عني ويعرف حاجه زي دي وقتها هنقولوا ايه
دره اولا عمرو لما اتكلم معاكي مقالكيش انه معجب بيكي وعايز يدخل معاكي في علاقه عشان تجربوا إذا كنتوا هتكملوا فيها ولا لا عمرو كان واضح في طلبه وعرض عليكي الجواز علي طول يعني لا هيسأل ولا اي حاجه من الكلام ده وثانيا وده الاهم عمرو مش لسه شاب في بدايه حياته رايح يخطب واحده حد رشحهاله فا هيروح يسأل ويستفسر عن حياتها متفكريش بالطريقه دي ابدا 
سونه بتنهيده بصتلها طيب انا المفروض نعمل ايه الوقت
دره ولا أي حاجه خدي وقتك يا سونه فكري بهدوء اقعدي مع نفسك لاول مره وانتي متصالحه مع نفسك بجد شوفي انتي عايزه ايه عايزه حياتك تمشي ازاي عايزه تعيشي بانهي طريقه شوفي لو وافقتي علي عمرو هتقدري تقدميله ايه من قلبك بجد
ولو حصل و وافقتي مش شرط تتجوزي علي طول لو حابه تاخدي فرصه تجربي تحبيه تعرفي طباعه اكتر اعملي كده اتبسطي
يا سونه عيشي وحبي اټجنني جربي تكوني مراهقه لسه بتجرب الحب لاول مره انتي للاسف يا سونه مدتيش نفسك فرصه وكل راجل دخل حياتك ډخلها علي جواز علي طول وبعدها بدأتي تكتشفي طباعه اعملي العكس المرادي وصدقيني هتتبسطي اكتر وهتحسي انك بتجربي مشاعر حلوه لاول مره 
سونه بأبتسامه جميله بصت لدره
سونه هو احنا ليه مكناش صحاب من زمان يا دره ليه انتي مش في حياتي من زمان
دره بإبتسامه جميله رفعت حاجبها يمكن عشان مكناش بنحل الإمتحان اللي عايشين فيه بطريقه صح
سونه بضحكه جميله تقريبا كده سؤالك معايا في امتحاني كانت إجابته معقده بس حلتها وكسبت احلي أخت في الدنيا
دره بحب ضمتها حبيبتي يا سونه انا اللي كسبتك وربنا عوضني بيكي انتي ودعاء ومها وبقي عندي تلات اخوات بنات
خلصت دره قعدتها مع سونه وقامت عشان تنزل 
دره يلا فكي بقي وبلاش القفله اللي انتي قفلاها لروحك دي واتبسطي هاااا اتبسطييييي
سونه حاضر يا ستي هنتبسط بس اسمعي صحيح
دره هااااا ايه تاني
سونه لو اتصل تاني نرد ولا منردش ولا نعمل ايه
بصتلها دره و أبتسمت و شاورت علي قلبها اول ما تلاقي اسمه علي موبايلك أسألي ده شوفيه هيقولك