ابن ليل الجزء الخامس لأميرة أسامة

تنفع اللي عندها عيال والوقت مش مناسبها واللي كبيره في السن ويادوب تخدمهم في البيت واللي جايه وعامله حسابها انها تنضف وتعمل اكل لكن لا هتعرف تودي مدارس ولا تمارين
واللي سنها صغير ومش مهتمه بأي حاجه غير مظهرها والموبايل اللي في ايدها ومينفعش تؤتمن علي اطفال عشان اوافق علي واحده منهم يبقي لازم هنتنازل عن حاجه مهمه غي حياتهم
لو وافقت علي اللي سنها كبير يبقي هتنازل عن مرواحهم التمارين لان انا مش هقدر وهدخل في دوامه تانيه اني الاقي حد عالاقل يوديهم مدارسهم وانا بعد اللي حصل صعب اسيب ولادي مع اي حد والسلام وانا لحد الوقت ملاقتش في كل اللي شوفتهم حد اثق فيه واسلمه الولاد وانا مطمن مفيش حاجه كامله يا سونه لازم اتنازل عن حاجه عشان اقدر انقذ حاجه تانيه
وانا مش عايز يا سونه احرمهم من حاجه بيحبوها واتعودوا عليها مش عايز احسسهم بالفراغ اللي امهم وستهم
سابوا انا متحمل كل ده لوحدي بس تعبت والله تعبت انا واخد شهر اجازه من شغلي مش عارف امته هرجع وهقدر ارجع ولا مش هعرف الوقت خالص اللي حاصل زي ما هو واجعهم ومأثر فيهم فا هو واجعني ومأثر فيا اكتر انا اللي شايل كل حاجه فوق دماغي ومشتكتش بس عالاقل الاقي اللي بدور عليه وحتي دي مش عارف اعملها ولو علي الاهل مبقاش حد بيشيل هم حد اللي جالك وقت حزنك وحسسك انه واقف معاكي وشايل همك المده اللي شال فيها همك انتهت بعد ما انتهي العزاء
وخلاص الكل اتلهي في حياته ومحدش بيشيل هم حد 
سونه بحزن وتوتر في نفس الوقت من ايده اللي قابضه علي ايدها اديك قولتلها محدش بقي بيشيل هم حد فا نعمل احنا ايه بقي ندفنوا روحنا ولا نفضل شايلين الهم والحزن بياكل فينا زي ما انت عامل كده
عمرو بضعف طب قوليلي اعمل ايه اتصرف ازاي ابدا منين ده انا حتي الجوايا اول مره يطلع الوقت لاني ملاقتش حد مني يسمعني ملاقتش حد اتصل بيا بعد ياسين خرج يقولي محتاج حاجه طيب الولاد عايزين حاجه طيب عايشين ازاي
سونه الحنيه مبتتشحتش يا عمرو ولا ينفع نطلب من حد انه يختم بينا بس كمان اللي بتعمله ده لا كويس عشانك ولا عشان ولادك بالطريقه دي هتدمر نفسيتهم وانت كمان نفسيتك هتدمر لو حسيت انك سبب في اللي ممكن يوصلوا ليه اهدي وسيبها علي الله سيب البت تطلع اللي جواها في اي وقت تحس انها عابزه تطلعه سيبها تزعل وتحزن وټعيط وتعبر بطريقتها عن الۏجع اوعي تفتكر كلامي معاها عن عياطها وحزنها وانها تدعيلهم ده كان كلام انا بقوله عشان تاخد بيه او هو صح مشاعر الحزن والۏجع دي حاجه ملناش يد فيها انا لو كنت طلبت منها كده فا ده عشانك انت عشان متزودتش عليك الحمل والۏجع بس في النهايه هي طفله ولازم تعبر عن اللي جواها لازم تزعل اما تسمع كلمه تضايقها وانت دورك انك تستحمل وتيجي علي نفسك عشانهم حتي لو جبال الدنيا فوق قلبك 
عمرو بس انا تعبان يا سونه حياتي كلها اتلغبطت والمشكله اني مش عارف ارجع اظبطها من تاني حتي لو لاقيت حد بالمواصفات اللي انا عايزها مش هتقدر تعوضهم عن غياب امهم وامي مش هتقدر تديهم اللي هنا محتاجينه بجد في النهايه هي جايه بتأدي دور هتاخد عليه مرتب 
سونه وانا قولتهالك الف مره يا عمرو سيبك من حكايه المربيه دي وانا موجوده بس مش عارفه انت ليه رافض انا مش بنعمل اي حاجه 
وطول الوقت قاعده قولتلك هناخد بالي منهم وقولتلك اني بنعرف نسوق وهوديهم تمارينهم ودروسهم ولحد ما ربنا يكرم وتلاقي اللي انت بتدور عليه هنبقي معاهم
عمرو ومين
قالك اني مش عايز ده يا سونه
سونه انت اللي رافض وبعدين ادام انت اهو موافق يبقي فين المشكله 
عمرو معقول هتسيبي حياتك تتشقلب بسببي انا وولادي
سونه لما ابقي اشتكيلك او اجي اقولك الحمل زاد عليا ابقي وقتها اعمل ما بدالك ولو علي سماح هي فاهمه ومقدره وبعدين هي مش صغيره ومش بتحتاجني لانها مش طفله هتجيبلي العيال يقعدوا معايا وشويه انا اجيلهم وعشان يعني الشكل العام قدام الناس 
قول عني مربيه
عمرو لا يا سونه وانا مرضهاش عليكي
سونه ليه هي شغلانه المربيه حاجه تكسف 
عمرو مقصدش بالعكس بس عللاقل المربيه لما تيجي هتيجي لشغلها لكن انتي هتعملي ده من غير مقابل هتشقلبي نظام حياتك عشاني انا وهما وانا مهما كنت عايز ارتاح مش هفضل راحتي علي حسابك انتي عملتي معايا حجات كتير حلوه واكيد ده مش هينفع يكون ردي علي كل الحلو ده 
سونه تاني هتقولي مقابل يا عمرو وتضايقني ايه عايز تعرض عليا فلوس تاني انا لو بعمل مع ولادك حاجه عشان ربنا يعلم اني بحبهم وانهم زي بنتي بعمل ده عشان وقفتك مع بنتي بعد
ما رجعتهالي من المۏت فا كل ده انه بعمله عشان ارد جزء بسيط من اللي انت عملته معايا مس عشان في الاخر تقولي مقابل 
عمرو لا لا انا مقصدتش والله اني اعرض عليكي فلوس سونه افهميني انا مش عارف اقولك ايه ومش عارف هتفهميني ولا لا
ارتبك عمرو ومبقاش عارف يقول حاجه وبعدين بصلها 
سونه قول يا عمرو واكيد هفهمك
عمرو انتي غاليه عندي يا سونه يمكن مبقالناش فتره كبيره نعرف بعض ويمكن اللي جمعنا ظروف مش حلوه بس التوقيت اللي عرفتك فيه والمده الصغيره دي
اكدتلي ان معرفة اصل الناس مش بالمده واكدتلي ان المواقف الوحشه ممكن يطلع منها احلي حاجه عدت علينا في حياتنا
وانتي كنتي الحاجتين دول يا سونه وقفتك معايا بالشكل ده تبين اصلك اللي مكانش موجود عند اللي من دمي ومن سنين وهما في حياتي عشان كده انا مش عايز اتعبك مش عايز اضايقك واكيد مش قاصد اعرض عليكي فلوس انتي اغلي من كده يا سونه والمشكله يا سونه اللي انتي متعرفيهاش ان انا اتعلقت بوجودك زي ما ولادي اتعلقوا بيكي 
بصتله سونه وهرب منها الكلام
عمرو متستغربيش يمكن انا بقالي فتره بخلي مريم تكلمك وتسأل عنك هي وياسين وانا بحاول اكون بعيد عشان بس الغي من عقلي فكره التعلق اللي انا فيها دي سونه انا اي حد كان بيجي عشان يفهم تفاصيل الشغل مكنتس بقدر اقبله لاني مش حاسسهم ولاني مش عايز ولادي يكونوا مع حد غيرك انتي ودي مش عارف اعملها ازاي او اطلبها منك ازاي وملاقتش غير طريقه واحده بس هي اللي هتنفع 
بصتله سونه من غير ما تنطق وبدأ قلبها يدق پعنف كانت حاسه ان بعد كلامه ده هتسمع
منه حاجه هي خاېفه يقولها لانها مش هتقبلها وفي نفس الوقت لو مقبلتهاش علاقتهم مش هتبقي كويسه ومش هتقدر تشوف مريم وياسين ولا هتقدر تتصل وتسأل عنهم 
عمرو تتجوزيني يا سونه
وجالها السؤال اللي كانت خاېفه منه بصتله پصدمه وڠضب بسيط وبعدين مسكت شنطتها عشان تمشي وبصتله 
سونه انت واضح ان اعصابك تعبانه يا دكتور ومحتاج ترتاح عشان تعرف انت بتقول ايه واسمع مني اللي انت فيه ده هيدمرك ويدمر ولادك معاك وعموما انا مش هاخد الكلام اللي قولته ده بزعل عشان ولادك
مسك عمرو ايدها بسرعه وهي سحبتها پغضب وهي بصاله 
عمرو سونه سونه اسمعيني من فضلك
سونه اسمع ايه يا دكتور فضلت تدور علي واحده تيجي تشتغل مربيه لولادك ولما ملاقتش غيري قدامك جيتلي لا وعشان مرضتش اقبل منك مقابل فا فكرت في طريقه تانيه تحسسك انك عوضتني فا طلبت مني الجواز
لا يا دكتور اللي بتطلبه مني ده مش هيحصل وانا مينفعش اقبل بعرضك بالشكل ده انا قولتلك اني مستعده اعمل عشانهم كل حاجه بنفس راضيه وبكل حب لا عايزه مقابل ولا مستنياك تعوضني بطريقتك منها اكون مربيه ومنها تبقي اتجوزتني انا اسفه طلبك مرفوض 
عمرو مسكها عمرو بسرعه من كف ايدها حاولت تشد أيدها لكن معرفتش انا مش هسيبك الا لما تسمعيني وتفهمي كلامي بطريقه صح
سونه سيب ايدي يا عمرو وخليني نمشي قبل ما الخلق تتفرج علينا 
عمرو قولتلك مش هسيبك تمشي وانتي فاهمه غلط و اخر همي الناس يا سونه فا اسميعيني واديني فرصه نتكلم
بصتله سونه وسكتت بس نظراتها كلها كانت بين ڠضب وحزن و كان باين في عينها لمعه دموع اتعلقت بين رموشها
عمرو سونه ورحمه امي اللي عمري ما خلفت بيها كدب انتي فهمتي كلامي غلط سونه انا الحمد لله مرتاح ماديا
سونه ايه تاني هتجيب سيره الفلوس سيب ايدي بنقولك 
عمرو مش هنسيبك وهتسمعيني للاخر نكمل كلامي وهتفهمي اللي نقصده انا مرتاح ماديا بمعني اني نقدر نجيب لولادي حد يقوم بكل طلباتهم في البيت ونقدر نجيب حد يجيبهم ويوديهم للمدرسه ونقدر نجيب سواق يوصلهم تمارينهم ويرجعهم ونقدر نجيب حد يوديهم دروسهم او نجيبلهم مدرسين في كل موادهم لحد البيت يعني الفلوس اخر همي وعشانهم انا مستعد اعمل اي حاجه بس مش دي المشكله انا مش عايز اشتتهم او اشقلب حياتهم وازحمها مريم اتعلقت بيكي انتي وعيزاكي انتي حتي يوسف اللي علاقته بيكي كلها انه شافك كام مره بعد ما فاق ودي اول مره يشوفك بعد ما خرج هو كمان حبك 
وانا كنان يا سونه اتعلقت بيكي زي ما ولادي اتعلقوا بيكي شوفت فيكي حب وحنيه طالعه من قلبك بدون اي مقابل شوفت فيكي جدعنه وتحمل مسؤوليه شوفت فيكي حب المساعده من غير ما حد يطلب شوفتك بتشيلي همي وهمي ولادي كأنك تعرفيني او
يهمك امري من غير ما نحس اتعلقت بيكي يا سونه لاقيت نفسي بنوافق انك تاخدي بنتي اللي مكنتش اطيق تبعد عني ثواني وكنت مطمن عليها معاكي
ولو عالجواز يا سونه انا لو عايز اتجوز من بكره هلاقي المشكله مش في الجواز يا سونه المشكله في مين اللي هقدر اتجوزها
عشان خاطري بلاش خاطري انا عشان خاطر مريم فكري وبلاش
تفهمي كلامي غلط يمكن الطريقه اللي عرضت عليكي بيها الجواز مكانتش صح بس صدقيني والله العظيم طلبي طالع من قلبي بجد
وعشان تتاكدي اني مكنتش اقصد وافقي بس وبردوا هجيب مربيه للولاد وهعمل معاهم كل اللي قولت عليه بس في النهايه عايزك انتي اللي تكوني معاهم ومسؤوله عنهم عايزك تكوني معايا يا سونه 
سحبت سونه ايدها ومشيت خطوه من غير ما ترد عليه واول ما ادتله ضهرها نزلت دموعها
بسرعه مسك أيدها تاني ووقفها 
ولمح دموعها بصلها بۏجع 
عمرو انا اسف والله سامحيني عارف ان كلامي وجعك وضايقك بس