ابن ليل الجزء الخامس لأميرة أسامة

عمري ما كرهتك ولا حتي اضايقت من وجودك زي ماقولتي بس انتي عارفه يا دره ان كرم مش صاحبي ولا نسيبي ولا حتي اخويا لو في حاجه تربطنا ببعض اكتر من كده قوليها ومش كرم بس عبدالله كمان يمكن بعدت عن عبدالله كتير بس عمر غلاوته ما قلت لحظه كل الحكايه ان حتي لو ملكيش ذنب في اي حاجه بس كرم تعب اوي يا دره صدقيني انا كنت الشاهد الوحيد علي كل اللي مر بيه كرم وحتي لو حد شاف كرم وهو تعبان فا ده جزء من الۏجع اللي مر بيه بجد 
دره عارفه يا بكر والله عارفه
بكر عايز اقولك يا دره اني شوفت حبك في عينك وشوفت ان انتي وكرم في بينكم حاجه حلوه بتحصل انا مبسوط يادره وفرحان من قلبي بجد لاني حاسس بفرحه كرم بس ڠصب عني انا خاېف عليه خاېف تكوني بتمري بفتره مش حلوه ولما تفوقي منها تحسي انك بردوا محبتيش كرم خاېف ابو ولادك يظهر ويحس بغلطته وتسامحيه في النهايه في بينكم بنات بس وقتها كرم ھيتدمر يا دره فهماني 
حطت دره ايدها علي وشها وهي دموعها بتنزل بۏجع وبعدين رفعت وشها 
دره فهماك فهماك يا بكر واللي انت بتقوله ده بسببه قولت لكرم اننا لازم نستني شويه ومنعرفش اي حد اللي بيحصل بينا عشان انا كنت واثقه من رد فعلكم وتفكيركم ده وحقكم مش هقدر اقول حاجه غير كده بس اطمن يا بكر لا انا في صډمه وهفوق منها واكتشف اني مش بحب كرم ولا انا مستنيه اهدي عشان يوسف يرجع ندمان واسامحه
بكر انا مش هتكسف منك انت اخويا انا تقريبا بحب لاول مره في حياتي بكر الحب اللي في قلبي من ناحيه كرم انا مجربتهوش قبل كده لدرجه ان حاسه ان العشرين سنه اللي عيشتهم مع يوسف كان تعود وعشره مش اكتر واللي انا حاسه بيه ده غريب عليا قبل ما يكون غريب عليكم عشان كده محبتش ان كرم يقول الوقت عشان محدش هيصدق
بكر ابتسم بهدوء بس انا مصدقك يا دره يمكن شوفت الحب في عينك بس الوقت دموعك دي اكدتلي ان اللي شوفته حقيقي وان قلبك رجع لمكانه الصح وهو قلب كرم 
ابتسمت دره بضعف ونزلت دموعها اكتر 
بكر طيب انا بردوا لسه مش فاهم حاجه 
انتي اكيد مجبتنيش هنا عشان تقولي كده ولا حتي انتي مستنيه تسمعي مني الكلام ده انا حاسس ان في حاجه تانيه 
دره فيه يا بكر 
بكر علي فكره انا من اول ما شوفتك وانا قلقان في ايه
دره طيب اوعدني الاول ان اللي هتسمعه مني ده مش هيخرج من بيني انا وانت
بكر طيب مش لما اعرف الاول في ايه
دره اوعدني يا بكر ان كرم مش هيعرف اي حاجه بكر انا محتاجه مساعدتك ومفيش حد هيقف جنبي غيرك لا هقدر اقول لعبدالله ولا هقدر اقول لكرم متخلنيش ارجع في كلامي في اكتر وقت انا محتجاك فيه 
بكر طيب خلاص اوعدك يا دره
دره هحكيلك يا بكر كل حاجه 
وبدأت دره تحكي كل حاجه حصلت لبكر وتقوله علي مكالمات يوسف ونزوله وكلام چاك
دره بأنهيار انا خاېفه يا بكر معرفش بيفكر في ايه عايز ياذيني ولا بأذي البنات انا بقيت متوقعه منه كل حاجه واللي بيحصل ده بيحصل من اول ما رفعت غليه القضيه وده مش طبيعي لو عبدالله عرف مش هيسكت امي وابويا ممكن يموتوا من الخۏف كرم مستحيل مضمنهوش مش بعيد ېقتله وانا معنديش اي استعداد أخلي كرم يتأذي بسببي انت عارف كرم وانا الوقت محتجالك
يا بكر انت الوحيد اللي هتقدر تساعدني بعقل وبهدوء كرم مش لازم يعرف حاجه عشان خاطري يا بكر انا مش عايزه اخسره ولو انت شايف ان اللي يوسف بيعمله ده فعلا عشان الفلوس انا مستعده اتنازل خلاص مش عايزه حاجه بس محدش يتأذي
بكر پغضب تتنازلي ده ايه انتي مجنونه ده حقك وحق عيالك ولو فكر بس يتعرضلك يبقي هيشوف اسود يوم في حياته علي ايدي 
دره لا يابكر لا امال انا جيتلك انت ليه لو ھتتجن زيهم هتصل الوقت بچاك واقوله يتنازل انت كمان مستحيل اعرضك للاذي انا رس محتاجه حد يكون عارف كل حاجه محتاجه حد يبقي جنبي ويطمني محتاجه حد يفكر بعقل 
بكر وانا جنبك يا دره خلاص اهدي وبطلي عياط عموما احنا في الاول لازم نعرفهم انه جه هنا عشان لو كلمتيه زي ما چاك قالك وجالك هنا
محدش يتفاجئ 
دره بس انا خاېفه من رد فعل كرم لو عرف انه جه مصر وانا عارفه ومقولتش
بكر هتقولي انه وصل وبعتلك وحاول يتواصل معاكي وعمل كده عشان يتفاوض معاكي بخصوص القضيه وانتي رفضيتي وبعد الحاډثه اللي حصلت انتي أتشغلتي ومجاتش فرصه تقولي
دره تمام وبعدين 
بكر هيجي هنا وانا هستتم عبدالله وكرم علي انهم ميتعرضلوش عشان في النهايه هو ابو بناتك وفي نفس الوقت هخوفهم 
دره يعني ايه تخوفهم
بكر يعني هقولهم ان لو اتعرضتوا ليه بأي طريقه مش هيكون في صالحك عشان ممكن يستغل ده في القضيه بتاعتك 
دره تمام كويس كده
بكر والاهم من كل ده اي وقت بكر هيطلب منك تقعدي معاه تقابليه بره تتكلمي معاه حتي في المستشفي لوحدكم ترفضي وتقولي ان الكلام يبقي قصاد الرجاله وهنتعمد ان اي حاجه تحصل تكون بره الغرف يعني قدام اي كاميرا عشان هو كمان لو ناوي علي اي غدر يبقي عليه دليل 
دره طيب تمام دي سهله
بكر ولحد ما چاك يفكر في اللي هيعمله وانا كمان اظبط كل حاجه في راسي خليكي هاديه ومش عايزك تخافي
دره مش عارفه اقولك ايه يا بكر
بكر ولا اي حاجه مش احنا اللي في بينا اي كلام يا دره انتي اختي وعمري ما هسمح لاي حاجه وحشه تحصلك انتي او البنات تمام 
دره كرم يا بكر مش هوصيك 
بكر مټخافيش مش هيعرف اي حاجه يلا اهدي كده وانا هسيبك شويه وخدي بالك كرم قرب يجي انا كلمته وانا بنجيب القهوه قاللي قرب يخلص وهيمشي خلاص
دره تمام يا بكر 
خرج بكر وبعد عشر دقايق خرجت دره وراه طلعت علي فوق تشوف الشباب كانوا كويسين واحسن من الاول اطمنت عليهم وسابت مها معاهم وخرجت راحت للبنات كانوا كلهم نايمين 
راحت بهدوء قعدت علي الكنبه وبعدين سندت ايدها علي ايد الكنبه وحطت راسها وغمضت 
مر حوالي ساعه الا ربع ودخل كرم بهدوء لقاها نايمه
سحب كرسي بهدوء حطه قدامها وفضل باصصلها و شارد وايده بتمشي علي ايدها بحب فاق من شروده علي صوت جاي من وراه 
انا كمان بحبها أوي زي ما انت بتحبها 
بص كرم وراه لمح ديما واقفه وراه ومبتسمه بهدوء 
وللحديث بقيه 
أبن_ليل
صاحبة_البطل_الواحد
أميره_اسامه
البارت الثاني والأربعون 
مر حوالي ساعه الا ربع ودخل كرم بهدوء لقاها نايمه
سحب كرسي بهدوء حطه قدامها وفضل باصصلها و شارد وايده بتمشي علي ايدها بحب فاق من شروده علي صوت جاي من وراه 
انا كمان بحبها أوي زي ما انت بتحبها 
بص كرم وراه لمح ديما واقفه وراه ومبتسمه بهدوء 
ديما بتحبها 
ابتسم كرم بإربتاك قعدت ديما بهدوء تحت رجل دره فضلت بصالها بحب وبعدين بصتله 
ديما مردتش ليه
كرم بصوت واطي علي ايه
ديما علي سؤالي بتحبها
ابتسم كرم و لأول مره يحس انه مش عارف يرد علي سؤال حد ديما لغبطته 
كرم يعني اكيد كلنا بنحبها
ديما بس ده مش رد علي سؤالي
كرم ابتسم و رفع حاجبه وبص بعيد وبعدين بصلها
ديما هو سؤالي صعب اوي كده
كرم بالعكس بس يمكن متوقعتهوش منك
ديما ليه عشان انا بنتها
كرم يمكن ويمكن كمان عشان مش متوقع رد فعلك لو جاوبت
ديما بإبتسامه هاديه بصت لدره مامي كانت ديما تقولي لما تتسألي سؤال صعب او سؤال متتوقعوش من شخص معين وتقلقي من رد فعله جاوبي بأول إجابه تطلع من قلبك لا تفكري في صعوبه السؤال ولا تقلقي من اي رد فعل ادام إجابته خارجه من قلبك عشان لو حاولتي تلاقي مخرج من السؤال الصعب هيجيلك السؤال اللي بعده أصعب ولو حاولتي تجملي إجابتك عشان تتلاشي رد فعل الشخص اللي قدامك هيبان إنك بتكدبي وهيقدر بسهوله يخرج منك إجابتك الحقيقيه بس وقتها مش هيبقي عندك فرصه تقوليها بالطريقه اللي كانت هتخرج من قلبك ولسانك هو اللي هيقولها وهيفقد المعني الحقيقي للإجابه لأن ديما القلب اصدق من اللسان
ابتسم كرم بإعجاب وفضل باصصلها 
ديما طبعا انت الوقت مستغرب كلامي وحاسس انه اكبر من سني
كرم بضحكه جميله انتي ايه بجد واقعه من دره
ديما بإبتسامه لأ بس انا عمري ما خدت كلمه من مامي وعدتها بسهوله مامي ديما كلامها بيدخل جوه عقلي ومش بيخرج إلا في الموقف المناسب و الموقف ده انسب وقت لتطبيق كلام مامي 
كرم طيب قبل ما ارد علي سؤالك ممكن اعرف ايه هو الموقف اللي اتحطيتي فيه عشان مامي تقولك الرد ده ويفضل معلق معاكي اوي كده
ديما من كام سنه كنت لسه صغيره وجالنا مدرس ماث بدل المدرس اللي كان بيدينا من بدايه السنه و بعد ما شرح الدرس في نهايه الحصه سأل كل الكلاس وقوم واحد واحد وسأله فهمت مني الدرس
كرم وانتي قولتي اه طبعا مع انك مفهمتيش صح
ديما بإبتسامه بالعكس قولت قدام الكل إني مفهمتش وإني كنت بفهم من المدرس اللي قبله اكتر 
بصلها كرم پصدمه وضحك 
ديما لما روحت حكيت لمامي وكنت حاسه اني مضايقه من نفسي وحسيت اني قليله الذوق
مامي وقتها قالتلي طيب لو الزمن رجع بيكي ونفس الموقف ده اتكرر كنتي هتعملي ايه قولتلها مش عارفه بس بيتهيألي اني كنت هعمل زي باقي زمايلي واحاول اقول اني فهمت
قالتلي لا مش صح اللي عنلتيه هو اللي صح يمكن
السؤال كان صعب ولو كنتي حاولتي تهربي منه بطريقه شيك كان هيبان انك بتكدبي وقتها كان ممكن يسألك سؤال اصعب ويقولك طب اشرحيلي الجزء ده وساعتها مكنتيش هتعرفي تشرحي وهيعرف انك كدبتي ولو حاولتي تلاقي إجابه عشان تتلاشي رد فعله بردوا كان هيقدر بسهوله يعرف انك مش بتقولي الحقيقه فا ديما قولي اللي يطلع من قلبك ومتقلقيش ولا تخافي من اي حاجه و الشخص اللي قدامك مجبر يتقبل رأيك ويحترمه وانا لما سألتك السؤال ده كنت عامله حسابي اني أتقبل رأيك و أحترمه 
بصلها كرم بحب وفخر 
كرم انتي جميله اوي يا ديما وانا مش هتحرج منك و هتعرفلك ان اول ما سمعت سؤالك حاولت الاقي رد تاني وحاولت بردو اتلاشي رد فعلك بس يمكن مقدرتش لان اللي في قلبي لدره صعب اكدب فيه