ابن ليل الجزء الخامس لأميرة أسامة

رجع حقه ووافقتك عشان كنت عارف ان الفلوس مش هماكي يا دره بس اللي كان وجعك الطريقه اللي اتاخدت بيها منك
وحطيت ضيقتي وڠضبي علي جنب وقررت اني نفضل في ضهرك ونريحك ونجيبلك حقك 
لما حصل اللي حصل بينك وبين ابوكي وشوفت وجعك في البدايه اضايقت تاني انك خبيتي عليا انه طلب رقمك وانه
كمان في مصر بس مقدرتش نعاتبك عشان حالتك ولما نزلت وراكي وشوفتك علي حالتك دي سكت وحاولت اهديكي كمان 
يومها انتي طلبتي مني لما يجي منتهورش ولا نعمل اي حاجه عشان ميستغلش الموقف وقولتلك اني لايمكن اعمل كده واضيع حقك أنتي والبنات ومش بس كده انا هنحاول نبعد عن الصوره عشان لو حس ان في مشاعر ليا من ناحيتك ممكن يفكر انه يردك ليه وقتها انتي خۏفتي وحسيت بخۏفك ده وسألتيني هو بجد ممكن يعمل كده
وبعدها بكر حكالي علي كل حاجه 
واول حاجه جات في بالي سؤالك ده وقولت لبكر الموضوع لسه هياخدله وقت قالي ليه قولتله دره هتطول في الايام عشان تتأكد ان معاد العدة خلص
وفعلا ده اللي حصل 
ويومها قولتله هندخل سونه وحسن معانا قالي لا مينفعش دي لو عرفت اني قولتلك هتزعل امال لو دخلتهم هتعمل ايه وهما مش بعيد يقولوا قدام اي حد
قولتله لا انا هننبه عليهم وفعلا حصل وجالك بكر وقالك انهم هيبقوا معانا وطلبت منهم يختفوا بعيد عن الاوض في البدايه كنت خاېف دارين لما تشوفوا تهدي وتفرح هي والبنات وهو يستغل ده ويفضل رايح جاي علي المستشفي بحجه انه بيشوف بناته فا عشان كده مكنتس عايز حسن يظهر في الصوره عشان يقدر يراقبه ويوسف ميبقاش عارف انه تبعنا وسونه كمان
بس اللي حصل كان غير توقعاتي وهو رد فعل البنات اللي بصراحه فاجئني وريحني لان بطريقتهم معاه قطعوا رجله تماما من زيارته ليهم تاني ومش بس كده دول سهلوا علينا الخطه اكتر لان بعد ما ققلوا عليه الفرصه اللي كان هيستغلها طبيعي هيبقي محتاج حد يساعده ووقتها طلبت من بكر يقول لحسن بهدوء ومن غير ما حد يحس انه يجري علي تحت ويقف قدام المستشفي يراقبه بسرعه ويعرف مكانه 
بس الحقيقه ان حسن عمل حاجه رفعت الخطه اكتر و اللعب بقي احلي لما وقف علي باب المستشفي وعمل نفسه سواق اوبر 
بصوا لحسن كلهم وابتسموا
حسن بضحك لل داعي للتصفيق
كرم بإبتسامه لحسن اللي عمله حسن سهل علينا حجات كتير بدل ما كنا نتوقع يوسف ممكن يعمل ايه وتنتهي الحكايه علي مراقبته وبس لا ده ضړب معاه صحوبيه وكمان كان بيجبلنا كل اللي في باله اول باول 
اما بالنسبه لسونه مكانش يوسف هيقدر يصدقها ويأمنلها غير لو حس انها بتكرهك وتتمنالك الشړ
وقدرت سونه تعمل ده بنجاح ويوسف صدقها 
بالنسبه للمكان اللي طلبه يوسف بكر وقتها فكر بسرعه في مكان يخصه بس المشكله ان المكان بتاع بكر الشبكه فيه معدومه وانا كنت عارف انك هتحتاجي الموبايل عشان تبقي مع چاك علي الخط فا قررت نغير المكان وجالك بكر قالك المكان ده افضل واهدأ مفيش عليه رجل وابعد واقنعك انه بتاع ابويا بس الحقيقه هو مكان خاص بيا وده كان من ضمن املاك الراجل اللي ليه افضال عليا واللي لحد الوقت يوم ما بحتاجه بلاقيه جنبي حتي لو كان مېت
ابن ليل
والاهم من اني اختار المكان ده عشان الشبكه كنت عارف ان يوسف مش سهل وممكن بسهوله يكشف اللعبه لان بكر حاطت بره الارض بتاعته يافطه مكتوب عليها الارض ملك بكر الدسوقي 
واكيد لو كان لمح الاسم كان شك لان يوم ما كان موجود انتي عرفتيه علي بكر ولما خرج من الاوضه بكر جري وراه واداله رقمه و اكدله تاني علي اسمه فا طبيعي اسمه كان هيبقي مميز
لكن المخزن اللي كنا فيه انا لحد يومنا ده مشلتش
من عليها اسم الراجل الطيب اللي حاضر معانا بسيرته الطيبه 
اما بالنسبه للتاكسي اولا كنت عايز اقنع يوسف ان ركوبك انتي وسونه معاه في عربيه حسن وانتي معاكي عربيه مش صح وكنت خاېف لو فكر شويه مع نفسه يحس ان في لعبه بتتلعب من وراه والاهم انا عارف انك كنتي هتروحي وانتي متوتره وانا مكنتش عايزك تسوقي وانتي عقلك مش فيكي عشان ميحصلكيش حاجه 
بصتله دره بحب ونسيت نفسها وملاحظتش نظراتها ليه قدام الكل 
دره طيب لما انت بتفكر بالطريقه دي وبالهدوء ده ليه مقولتليش من الاول علي الاقل كنت اطمنت اكتر 
كرم بالعكس كنتي هتفضلي قلقانه وخاېفه اني اجي في اي لحظه واتهور والاهم من كل ده
انا يمكن كنت بحاول اسبق دماغك ودماغ يوسف بألف خطوه بس كمان كنت عايز اكون بعيد كنت عايزك تجيبي حقك بنفسك يا دره كنت عايزك تحسي بالانتصار دماغك كانت عجباني وكنتي بتفكري صح عشان كده مكنتس قلقان عليكي بس كمان كنت عارف انك متوتره
لما كلمتيني يا دره قبل ما تروحي بشويه وفضلتي تسأليني عشان تطمني كنت قاصد كل كلمه بنقولهالك كنت بنقويكي اكتر
كنت بنحسسك من غير ما نقولها صريحه انك ماشيه في الطريق الصح ولازم تكملي لازم تحاربي وتقاتلي وتجيبي حقك بس قولتلك اني جنبك عشان انا فعلا كنت جنبك في كل خطوه 
قبل ما تروحوا بيوم اديت بكر المفاتيح بتاعت المكان وعشان مكنتش واثق في يوسف كنت خاېف بكون عامل كمين ليكي ولحسن وسونه معاكي فا قررت اني أئمنكم اكتر وجبت كل الرجاله اللي كانت مستنيه بره حكيت لعبد الله كل حاجه وكان عايز يجي وقعدته بالعافيه بس طلبت منه يجيب الرجاله اللي شغاله معاه ويبقي العدد اكبر ووصلت قبلكم وقيل ما تدخلوا علي المكان بعدنا خالص من المنطقه كلها ولما عرفت انكم دخلتوا ويوسف كمان دخل وراكم
رجعنا تاني وانا نزلت ودخلت علي عندكم ووقفت بره كنت ناوي انه اول ما يقرب منك ادخل عليه بس انتي المرادي سبقتيني بخطوه في فكرة الصاعق دي
دره بإبتسامه طيب وليه لما عرفت اني في امان مدخلتش علي طول 
كرم عشان اسيبك
تاخدي حقك منه بطريقتك اسيبك تتكلمي وتطلعي كل اللي جواكي اسيبك تحسي انك في مركز قوة وهو واقف مش قادر يطولك كان لازم اسيبك يا دره ترجعي حقك بأيدك وتكملي خطتك وتحسي بلذة الأنتصار 
ابتسمت دره ومعرفتش تقوله اي حاجه كان نفسها في الوقت ده يكونوا لوحدهم عشان تقدر تعبرله عن حبها ليه بطريقتها 
كرم ابتسملها وكان حاسس بكل اللي بيدور في دماغها 
بس هي دي كل الحكايه يا دره
نبيله بحب طول عمري عندي حق يا كرم محدش يستاهل دره غيرك ولا حد هيحبها قد حبي ليها غيرك 
كرم بإبتسامه لا معلش انا بنحبها اكتر ما انتي بتحبيها بكتير 
ابتسمت دره بإحراج من اعترافه الصريح قدام الكل 
نبيله بإبتسامه يحقلك تقول اللي انت عايزه يا ابن قلبي 
الكل ابتسم وفرحوا من قلبهم وباركوا لدره ان حقها رجع
بص كرم للبنات بحب 
كرم اخر حاجه حابب اقولها للبنات انا عارف يا بنات انكم مبسوطين وعارف كمان انكم فاهمين كل اللي حصل وانكم مش صغيرين بس مهما كان ده ابوكم ويمكن تزعلوا عليه وده حقكم
بس انا حابب اقولكم حاجه بسيطه ابوكم محدش فينا أهانه 
محدش فينا فكر يمد ايده عليه 
محدش فينا استغل ضعفه كل اللي حصل اننا جبنا حق دره وحقكم بطريقه هاديه وهو الوقت موجود في نفس المكان لحد معاد طيارته الشباب هيوصلوا وانا وبكر هنروح علي
هناك هديله موبايله انا خدته منه عشان ميحاولش يتصل بأي حد او يبوظ اللي احنا عملناه وعشان كمان اطمن انه سافر ومش راجع فا عايزكم تطمنوا عليه محدش فينا أذاه
ولو حابين تيجوا معايا تشوفوه قبل ما يسافر فا ده حقكم 
دارين لا انا مش عايزه اروح مش عايزه اشوفه
ديما ولا انا مش عابزه اشوفه خلاص خليه يمشي وميجيش تاني
دانه بهدوء ممكن تاخدني معاك 
بصتلها دره وسكتت وكلهم سكتوا 
كرم بإبتسامه ممكن طبعا
دره طب ليه ليه عايزه تروحي لا متروحيش
كرم سبيها يا دره تعمل اللي هي عيزاه
دره طيب هتروح ليه عيزاه ليه
دانه عايزه اروح يا مامي عادي
كرم سبيها يا دره هاخدك معايا يا دانه 
دره انا كنان هروح معاكم 
كرم ليه خليكي انتي
دره مش هسيب بنتي يا كرم 
دانه خليها تيجي يا كرم
سكت كرم وندم انه قال اللي عايز يجي يشوفه يجي مكانش عايز دره تروح وتشوفه تاني خالص وكان غيران عليها فا هز راسه بقلة حيله 
بعد كام ساعه وصل كرم وبكر ودره ودانه المطار
وبعد وقت بسيط وصل الشباب بالعربيات ومعاهم يوسف
نزل معاهم لمحوا من بعيد نازل علي وشه هم الدنيا كله مذلول وضعيف ومس قادر يعمل اي حاجه 
قرب منهم وهو عينه عليهم پحقد وڠضب 
كرم بإبتسامه يارب تكون الخدمه عجبتك اهو في المعاد زي ما قولتلك متأخرناش عليك وجايين نودعك بنفسنا 
يوسف وانا مطلبتش من حد يودعني مش خلاص عملتوا اللي انتوا عايزينه وخدتوا كل حاجه
دانه بإبتسامه سخريه لا لسه مخدناش اللي احنا عايزينه ده في اهم حاجه لسه مخدنهاش
بصلها يوسف وسكت ثواني 
يوسف مبقاش في حاجه تتاخد من ابوكي يا دانه امك خدت كل حاجه 
دانه بالعكس هي خدت حقها وحقنا وعملت معاك اللي انت عملته بالحرف بس نسيت تعمل اهم حاجه 
بصتلها دره بقلق وبعدين بصت لكرم 
كرم قرب من دانه مسك ايدها للحظه حس انها هتتهور وتعمل حاجه مش في الحسبان 
يوسف حاجه ايه يا دانه اللي نسيت تعملها 
دانه 
وللحديث بقيه 
أبن_ليل
صاحبة_البطل_الواحد
أميره_اسامه
البارت التاسع والأربعون 
كرم بإبتسامه يارب تكون الخدمه عجبتك اهو في المعاد زي ما قولتلك متأخرناش عليك وجايين نودعك بنفسنا 
يوسف وانا مطلبتش من حد يودعني مش خلاص عملتوا اللي انتوا عايزينه وخدتوا كل حاجه
دانه بإبتسامه سخريه لا لسه مخدناش اللي احنا عايزينه ده في اهم حاجه لسه مخدنهاش
بصلها يوسف وسكت ثواني 
يوسف مبقاش في حاجه تتاخد من ابوكي يا دانه امك خدت كل حاجه 
دانه بالعكس هي خدت حقها وحقنا وعملت معاك اللي انت عملته بالحرف بس نسيت تعمل اهم حاجه 
بصتلها دره بقلق وبعدين بصت لكرم 
كرم قرب من دانه مسك ايدها للحظه حس انها هتتهور وتعمل حاجه مش في الحسبان 
يوسف حاجه ايه يا دانه اللي نسيت تعملها 
دانه انها توجع قلبك وتحسسك بالخساره
يوسف متقلقيش دره عرفت تعمل ده كويس اوي وخسرتني كل حاجه خدت اللي انا خدته منها وخدت تعبي ومجهودي عملت فيا زي ما انا عملت معاها وبيتهيألي بقينا خالصين
دانه بالعكس مش خالصين انت مستكفتش بنصيبك فا خدت نصيبها وهي رجعت نصيبها وخدت منك نصيبك
يوسف يبقي خالصين يا دانه
دانه لا دي حسبتك انت حسبت