ابن ليل الجزء الثاني لأميرة أسامة

كان عندنا احلام كتير وكان نفسنا نقف معاهم ونكبر الشركه اكتر بس للاسف
حسن طيب وللأسف ليه بصوا بعيدا عن اللي حصل بين بباكم ودره بس انتوا تقدروا تحققوا حلمكم يعني تتخرجوا وهتلاقوا الف شركه فتحالكم دراعتها وتقدروا كمان تجتهدوا اكتر مع بعض وتعملوا اللي معملتهوش هناك ولازم تعرفوا ان الانفصال مش اخر الدنيا
دانه يمكن انت بتقول كده عشان مش جوه الموضوع نفسه صدقني يمكن يبان علينا ان الموضوع مش مأثر فينا بس هو حقيقي واجعنا جدا
حسن مين قال ان الموضوع مش مأثر فيكم وانكم مش موجوعين مين في الدنيا بيتبسط لو امه وابوه انفصلوا غن بعض بس اللي اقصد اقوله مهما كان الموضوع ماثر فينا مينفعش نتدخل في قرارهم ولا ينفع ده قراراهم ياثر فينا لاننا مبقيناش صغيرين اكيد يغني قرارهم ده كان علي اقتناع
ديما بالعكس يا حسن مامي لما طلبت الانفصال مكانش علي اقتناع واتفاق بينهم قد ما كانت مامي موجوعه يعني ممكن نسميه قرار وقت ڠضب
حسن شوفي يا ديما يمكن معاكي حق بس كمان لازم تعرفي ان في اوقات الواحد قدام كرامته حتي لو كان القرار اللي هياخده ده هيوجعه بردوا هينفذه لان ممكن اي حاجه تتعوض إلا الكرامه فهماني 
ديما اكيد يا حسن معاك حق بس كمان يمكن انت مكنتش عايش معانا ولا تعرف احنا كنا عايشين ازاي بابي ومامي كانوا بيحبوا بعض جدا وبابي يمكن في الفتره الاخيره غلط في حق مامي بس كمان هو طول عمره كويس جدا معاها يعني بفضل أسأل نفسي ازاي ممكن انسي اي حاجه حلوه لبني ادم عشت معاه سنين وافتكر الموقف الۏحش وبس
ابتسم حسن وبصلها وبعدين سألها سؤال
حسن انتي كنتي قريبه من بباكي اكتر من دره يا دانه
ديما مش فاهمه اكيد يعني بحبهم الاتنين زي بعض بس تقدر تقول ان بابي طول عمره صاحب لينا بيحبنا بيدلعنا مش قادره افتكر ليه اي موقف كان وحش معانا فيه
دانه بس فعلا ديما كانت قريبه جدا لبابي ورغم اننا توأم بس بابي طول غمره بيعتبر دانه اخر العنقود زي ما بيقولوا كان ديما يقول ادام دانه اتولدت قبل ديما بخمس دقايق تبقي هي الاصغر
حسن شوفتي بقي عرفت ازاي
ديما مش فاهمه سؤالك ده ليه
حسن بصي يا ديما مفيش حد ممكن ينسي اي حاجه حلوه عاشها مع حد بيحبه بس لما الشخص اللي اكون بحبه وبثق فيه وبعتبره كل حاجه في حياتي يخذلني ويعمل معايا موقف مكنتش اتوقعه مش هقولك اننا بنسي الحلو اللي عمله معانا بس الموقف الۏحش اللي صدر منه عشان مكناش متوقعينه منه هو بالذات صدقيني مبنقدرش نشوف الحلو اللي عمله معانا ومش بس كده ده في اوقات كمان بنحس انه كان بيمثل
علينا و بيخدعنا و بنفضل نسأل نفسنا يا تري كان صادق معانا يا تري هو ده كان الوش الحقيقي ليه واحنا عشان بنحبه مكناش شايفين حقيقته
وعشان انتي يا ديما كنتي متعلقه بباكي اوي مش قادره تحطي نفسك مكان دره هو في النهايه بباكي وهيفضل بباكي لكن دره وضعها مختلف دي ست واټجرحت وچرح الست من جوزها او العكس بيبقي اصعب من علاقه بنت بابوها انتي تقدري تسامحي مامتك وبباكي بمجرد ما ياخدوكي في حضنهم لكن الست حتي لو سامحت جوزها بيفضل جواها حته كده مكسوره لا بتقدر تنسي الموقف اللي عملوا معاها ولا بتقدر ترجع معاه طبيعيه الحياه بينهم بتبقي مهزوزه وعمرها ما بترجع زي الاول
دانه تقصد ان مفيش امل يرجعوا لبعض
حسن الله اعلم انا مقولتش كده بس زي ما قولتلك في ستات تقدر تسامح وتعدي وتكمل بس بيفضل الموقف معلم جواها وفي ستات بتاخد موقف وتبعد يمكن دره خدت الموقف وبعدت بس محدش عارف يمكن ترجعله وتسامحه وممكن متقدرش عشان كده قولتلكم لازم اللي بينهم ميأثرش عليهم دي حياتهم ولا نحترم قراراتهم
دانه اكيد بس انا مش متخيله ان دي تبقي النهايه اوقات بقول مامي كان معاها حق لان بابي جرحها واوقات بقول نفس كلام ديما فيها ايه لو تسامحه وتفتكر الحلو اللي كان بينهم
حسن انتوا بنات واكيد في يوم هتلاقوا شريك حياتكم ولازم تحطوا نفسكم مكان دره بيتهيألي لو في واحده فيكم حصل معاها اللي حصل مع دره هتاخد نفس موقفها المشكله اني حاسس من كلامكم انكم متزعلوش مني واخدين صف بباكم اكتر
ديما مش كده صدقني بس زي ما بنحب مامي بنحب بابي
دانه كمان يا حسن احنا حياتنا اتلغبطت يمكن لو كان ده حصل وفضلنا في امريكا او لو احنا عايشين هنا وبردوا الموقف ده حصل وفضلنا هنا كان الوضع اختلف لكن احنا فجأه كل حاجه في حياتنا اتغيرت حرفيا يعني تخيل انت اتولدت واتربيت هناك كونت صداقات ودرست هناك وكل تفاصيل يومك في بلد انت اعتبرتها بلدك وفجأه
تلاقي كل ده بيتحول بيتك مبقاش بيتك دراستك اتحولت مكان تاني صحابك مبقوش موجويدين وفجأه بقيت مضطر تتعامل مع ناس انت مش حاسس انهم شبهك ولا في حاجه تجمعكم كل ده ماثر علينا ومخلي عقلنا مشوش فاهمني
حسن فاهمك جدا وعشان كده طلبت انكم تحطوا نفسكم مكان دره يمكن كل اللي بتقوليه ده يزعل ويضايق ويخليكم تحسوا بالتشويش اللي قولتي عليه بس لو حطيتوا نفسكم مكان دره الوضع هيختلف انتوا هنا فكرتوا في راحتكم اللي اتسلبت منكم وبس يعني من كلامك ان الانفصال ده لو حصل وفضلتوا في نفس المكان كان هيبقي عادي بالنسبالكم لكن هو اثر عليكم عشان بعدتوا
ديما طيب ودي مش اسباب كافيه بالنسبالك
حسن يمكن تفكيري هيكون غيركم نتكلم بصراحه
دانه اكيد
حسن حاسس انكم بتفكروا في نفسكم اكتر
قربت دارين منهم وقعدت معاهم تسمعهم
ديما ازاي
حسن يعني انا لو مكانكم وعارف ان ابويا وامي كانوا بيحبوا بعض وحصل معاهم نفس الموقف هضايق عشان البيت نفسه اتهد بعد ما كان بيت هادي وجميل وقتها مش هفكر لا في دراسه ولا صحاب ولا مكان لان من وجهه نظري كل ده كان جميل عشان هما كانوا مع بعض وانا في وسطهم فا لو هشوف كل حاجه بعد كده مش حلوه فا ده عشان انفصالهم اثر فيا صدقوني يا بنات اي حاجه في الدنيا تتعوض لكن هما لا
دانه طيب ماهو ده اللي بنقوله احنا عايزنهم يرجعوا عشان نشوف كل حاجه حلوه
حسن لا انتوا قولتوا ان كان ممكن تتقبلوا انفصالهم لو كنتوا فضلتوا في مكانكم يعني مكنتوش هتتاثروا بقرارهم لانكم شايفين ان مفيش حاجه في حياتكم اتغيرت انتوا مضايقين اكتر لان الحياه اللي كنتوا متأقلمين عليها اتغيرت وده حقكم علي فكره انا مش بقول انكم غلط لان بيبقي صعب علي اي بني ادم ان حياته اللي اتعود عليها يتجبر انها تتغير بس اللي انا بقوله انا ممكن اعيش حياتي واكمل عادي في مكان في الدنيا بس من جوايا ابقي متأثر بس علي العلاقه اللي باظت بين ابويا وامي كمان انا شايف ان دره بتحاول تعمل كل حاجه ليكم زي ما كانت
في امريكا مش حابه تحسسكم بأي تغيير مش حابه تخليكم تعيشوا عيشه اقل من اللي كنتوا فيها وده في حد ذاته يتحسبلها هي بتفكر فيكم وفي راحتكم عشان كده بقولكم انتوا كمان فكروا فيها وحطوا نفسكم مكانها بلاش تحاسبوها علي قرار هي شايفه انه الانسب ليها
دارين بإبتسامه براڤو عليك يا حسن الكلام ده انا قولتهولهم كتير
حسن بأبتسامه افهم من كده انك مع قرار دره
دارين جدا مامي اللي شافته في الفتره الاخيره مفيش ست تستحمله يعني فجأه جوزها اللي كانت بتحبه وبتثق فيه خد منها كل حاجه تملكها بدون علمها ومش بس كده يطلع متجوز صاحبتها من ثلاث سنين وبكل جبروت يطلب منها تمشي وتبعد عنه علي فكره انا بحب بابي جدا وبحترمه وعلاقتي بيه كانت جميله بس انا بجد موجوعه منه اوي يعني اللي عمله مع مامي حاجه واللي عمله معانا احنا بناته حاجه تانيه بابي زي ما خرج مامي من حياته خرجنا احنا كنان بسهوله يعني اعرف ان الراجل او الست لما بينفصلوا عادي بتحصل و يقدروا يتجوزوا تاني و تالت ورابع لكن ازاي يقدروا يخرجوا ولادهم من حياتهم بسهوله دي بالنسبالي كانت صډمه في بابي ازاي هوننا عليه دي حاجه مش قادره اصدقها لحد الوقت
حسن كمان يا بنات يعني من وجهه نظري لو كان ندم او حس بالغلط اللي عملوا معاكم ومع دره لما كان جه وقت سفركم كان رجع لعقله كان مسك فيكم 
انتوا بقي شايفين انه مسك فيكم شايفين انه كان مضايق وانتوا ماشيين
ديما بحزن انا قبل السفر اترجيت بابي افضل معاه بس هو رفضني
حسن وبعد كل ده بتحملوا دره الذنب
دانه احنا مش محملينها الذنب بس يعني بنقول انها ممكن تسامح
حسن ماهو عشان افكر اسامح او لأ لازم الشخص اللي غلط في حقي يطلب السماح وقتها اخد قرار وبردوا سواء قبلت او رفضت ده قرارها لكن هو مطلبش السماح يا دانه فهماني
دانه فهماك عشان كده بقولك يا حسن اني حاسه اني مشوشه شويه احس اني مع بابي وشويه لما افتكر كل اللي حصل ده ابقي واخده صف مامي
حسن تسمعوا نصيحتي
دانه اكيد
حسن مش هقولكم انسوا اللي حصل بس هقولكم متوقفزش حياتكم كملوا دراستكم انجحوا حققوا كل احلامكم وسواء كنتوا في مصر او اي مكان في العالم الشخص القوي يقدر يحقق نفسه في اي مكان يقدر يتخطي اي ظروف وحشه مر بيها سيبوا اللي حصل بين دره وبباكم ليهم هما بيتهيألي بباكم مقرر هو كملن يعيش حياته بالطريقه اللي ترضيه ودره هترجع تشتغل وتقف علي رجلها واكيد مهما كانت موجوعه الحياه هتستمر انتوا كمان كملوا حياتكم 
اضايقوا اتوجعوا علي الوضع اللي هما وصلوا ليه لكن كمان لا تحاسبوهم علي قراراتهم ولا توقفوا حياتكم امريكا مش هي اللي
هتعملكم ولا هي اللي هتحقق احلامكم ولا هي اللي هتبني شخصيتكم 
انتوا تقدروا تعملوا كل ده في اي مكان بنفسكم اي شخص ناجح وحياته مستقره مش المكان هو اللي بيساعده يكون الشخص ده بالعكس انا اللي بفرض شخصيتي علي المكان
اللي نجح بره وكبر وبقي ليه شأن كان حابب يكون كده مش المكان اللي عمل منه بني ادم ناجح واللي قدر ينجح في بلده بردوا نجح عشان هو من جواه كان مصمم عالنجاح بصوا اكيد هنمر بحجات كتير في حياتنا جزء منها حلو وجزء منها