ابن ليل الجزء الثاني لأميرة أسامة

يا حسن هنسبقك احنا
حسن لا انا جاي اهو فطرت خلاص
دره طيب يلا بينا
دعاء خلي بالك من بنات عمتك ياولا
حسن في عنيا يا دودو متقلقيش سلام يا جدي سلام يا ستي
نبيله سلام يا اخويا
خرج البنات ووراهم حسن وقفت دره بعد ما خدت كام خطوه وبعدين بصتلهم بتوتر
دره ادعولي
ابتسم زكريا بهدوء ربنا معاكي ويوفقك يا دره
دعاء مالك متوتره كده ليه يومك هيبقي جميل مټخافيش
دره يارب يلا سلام عليكم
الجميع عليكم السلام
نبيله في داخلها ربنا يوفقك يا دره يابنت بطني ويوقفلك ولاد الحلال ويحفظك انتي وبناتك من كل شړ
نزلت دره وراء حسن واول ما شافها جايه وراه وقف وبعدين ضحك
دره بتضحك علي ايه يا ولا
حسن مقولتليش عملتي ايه مع الموز
دره وطي صوتك يا خربيتك ايه ڤضيحه وايه مز دي مز في عينك وعينه
حسن شكلك معرفتيش تروحي وتيجي معاه قولنالك ومسمعيش الكلام
دره بنقولك ايه نقطنا بسكاتك ومتفكرنيش باللي عمله انا مصدقت نسيت 
حسن أوباااا يعني غلبك 
دره هو نكشني ويستحمل بقي 
حسن ايوه كده رديها بنتنا متبيتش ليها طار
ضحكت دره وضړبته بخفه علي راسه
دره انت بتسخني اكتر يا ولا
حسن ايووووه يعني الحق عليا عايزاه يقول انه حط عليكي مش كفايه قال للبياعين ميبيعوش ليكي حاجه
دره هي امك لاحقت تقولك
حسن طبعا هي دودو بتخبي عني بردو
دره ومقالتلكش يا اخويا اني ردتهاله في وقتها ودفعته ډم قلبه
حسن قالتلي مش ساهله انتي بردوا يا دره
دره بضحك عيب عليك انا دره الجمال يا ولا
حسن اموت انا
خرج البنات ووراهم حسن ودره قدام البيت اول ما خرجت بصت دره علي كرم كان واقف ولسه بيفتحوا المحل
بصتله پغضب بصلها كرم ببرود وعلي وشه ابتسامه شماته خلت دره تولع في نفسها
وبعدين رفع كرم عينه بص لحسن اول ما حسن شافه بصله 
بسرعه عمل نفسه عبيط
وفي اتجاه اخر كان هيما واقف باصص علي دارين ومبتسم
بصتله دارين بقرف وبعدين ركبت علي طول
كل واحد فيهم كان في وادي وكل واحد حاسس انه ليه خصم
ركبت دره مع البنات و معاهم السواق
وركب حسن عربيته وخرج وراهم 
بص بكر علي كرم بطرف عينه وسكت وكرر الحركه اكتر من مره
كرم قول قول سامعك
بكر نقول ايه
كرم حاسس ان في كلمتين محشورين في زورك قولهم وارتاح بدل ما تشرق ما انا عارفك
بكر ابدا والله بس بعد الكلام اللي دره قالتهولك المفروض تبقي مش طايقها بس اللي انا شايفه غير كده دي بتبصلك بصه
مرات الاب عملتلها ايه يا كيرو اعترف
كرم بضحك مش انا يا اخويا اللي عملت مراتك
بكر مها هببت ايه
كرم جابت البخاخه وشغلت المدافع علي غسيلها بالكلور
بكر احيه بوظت الغسيل
كرم منقولكش علي احدث صايحه في الالوان
بكر وانت الحوار علي كيفك طبعا
كرم طبعا وساعدتها كمان 
بكر انت هتقولي فرصه وجاتلك عشان تحط فيها جون بعد ما ردتلك حوار البياعين وطبعا هي متعرفش ان مها اللي عملتها
كرم لا فكراني انا بس عادي هخاف منها
بكر هتردهالك 
كرم ترد
بكر طيب خلينا بقي احنا قاعدين علي الدكه نعد مين فيكم هيجيب اجوان اكتر انتوا كده واحد واحد
كرم تسد علينا هي بس الشبر ونص دي
بكر ايوووه عليك يا جدع انت واختك والله حرام عليكم
كرم ايه صعبت عليك يا حنين
بكر باللي بتعملوا ده أه بس كمان انا عارف دماغ دره هي كمان مش ساهله ومش هتسكت
كرم خلينا نجيبوا اخرها بت الجمال ونشوف نفسها طويل ولا لا
بكر المهم نفسك انت يا صاحبي
كرم والله انا قعدت عشرين سنه ومفيش اطول من نفسي الدور والباقي عليها
بكر طيب خد بالك من غسيلك بقي عشان اختك سوحتك انا بنقولك اهو
كرم طب تبقي تيجي جنب لبسي
والله نروحوا نحدفها هي وبناتها من البلكونه
بكر ولعت
اتصل حسن علي سماح وهو في عربيته
سماح ايوه يا حسن
حسن كنتي بتكنسلي ليه
سماح مش قولنالك عندي محاضره بدري وهنسبقك
حسن عارف بس فكرتك خلصتي
سماح لا كنت في المحاضره
بس خلصت خلاص ولسه خارجه انت فين
حسن انا في الطريق اهو قربت عليكي
سماح تمام هستناك في الكاڤيتريا
حسن تمام يلا سلام
سماح سلام 
بعد وقت بسيط وصلوا علي الجامعه
دره بنات خلوا بالكم من بعض عشان خاطري
دارين مالك يا مامي قلقانه ليه احنا مبقيناش صغيرين
دره عارفه يا روحي بس كل حاجه جديده عليكم وخاېفه متعرفوش تتصرفوا
دانه متقلقيش يا مامي انا معاهم مش ديما تقولي ان انا الراجل بتاعكم
دره بضحك طبعا عشان كده مش هوصي الكبيره عليكم هوصيكي انتي عليهم ديما تخلي بالك منها كويس كده كده انتوا مع بعض متغيبيش عنها وتفضلي تتعرفي علي زمايلك وخلي بالك منها لا تتعب
ديما يا مامي انا كويسه والله ومش تعبانه وزي الفل وكمان علاجي معايا اطمني بقي وبلاش توترينا
دره مش قصدي اوتركم والله بس انا كده استحملوني 
دارين مټخافيش يا مامي والله كله هيبقي تمام
دره إن شاء الله يا روحي اتفقوا علي مكان تتقابلوا فيه بعد المحاضرات وانتي روحي لأخواتك القسم بتاعهم عشان تعرفي هما فين وخليهم هما كمان يعرفوا القسم بتاعك
دانه حااااضر اطمني انتي بس يا مامي وركزي في شغلك 
قرب منهم حسن بعد ما ركن عربيته
حسن ايه يا دره خلصتي الوصايا العشره
ضحك البنات علي كلمته
دانه تعالي انقذنا يا حسن من عمتك
دره خلاص اتفقتوا عليا
حسن مالك كده قلقانه ليه هما داخلين الڼار 
دره ياولا خاېفه عليهم دي اول مره هيتعاملوا مع الناس وش لوش دراسه واصحاب وكل حاجه جديده عليهم
حسن هيتعدوا متقلقيش وانا مش هسيبهم وصحيح انا مش باجي كتير ونازل انهارده مخصوص عشان مسيبهمش بس متقلقيش انا ليا جيش جوه كلهم جدعان هوصيهم عليهم يعني اطمني وكمان هعرفهم علي سماح بنت سونه هي بتحضر ديما يعني هتخلي بالها منهم وهيبقوا صحاب
دره احيه عليك وملاقتش غير بت سونه دي امها مش طيقاني وهي ومها متفقين عليا
حسن بضحك لا متقلقيش سماح غير سونه خالص
دانه وبعدين دي ال girl friend بتاعت حسن
حسن 
دره الله يا سي حسن بتحب بنت سونه
حسن نقول عليكي ايه يا دانه سوحتيني كده وش
دانه انا عكيت الدنيا
حسن لا خالص 
دره وايه كنان يا سي حسن
حسن بضحك ايه يا دره هتبعيني صح
دره لا يا اخويا مش هنبيعك بس امك وابوك عندهم علم
حسن امي بس ومش طيقاني من وقتها بس والله سماح طيبه ومحترمه وبتحبني وانا كمان بنحبها
دره بابتسامه حب لو بتحبك بجد و انت بتحبها متسيبش ايدها ابدا وسيبك من اي حد
حسن الله يعني هتقفي جنبي لو حصل في الامور امور
دره هنقف جنبك يا ولا متقلقش وراك رجاله
حسن اموت في النسوان اللي بمېت راجل
دره بضحك نسوان في عينك يلا يا ولا عشان متتأخروش البنات امانه في رقبتك يا حسن متقعدتش تحب في بنت سونه وتطنش بنات عمتك ها
حسن متقلقيش 
دره سلام يا بنات خلوا بالكم من موبيلاتكم
دارين حاضر
دانه اوك يا مامي
ديما بااااي
دخلوا البنات من باب الجامعه كانوا في البدايه متاخدين شويه رغم سعادتهم بتجربه جديده بيعيشوها لاول مره
حسن ها مين فيكم عنده محاضره الوقت
دارين انا عندي بعد ربع ساعه
دانه وانا وديما كمان
حسن طيب يلا تعالي يا دارين نوصل ديما ودانه علي المدرج بتاعهم عشان تعرفي مكانهم وبعدين هوصلك
دانه طيب ولما نخلص
هنتقابل فين
حسن الكاڤيتريا اللي هقعد فيها قريبه منكم هاخدكم وبعدين هنروح نجيبوا دارين
دارين خلاص وريني فين الكاڤيتريا وانا هجيلكم
حسن هتعرفي
دارين اكيد يعني مش طفله انا
حسن بنطمن بدل ما دره تعلقني
دارين لا متقلقش صحيح هي فين سماح
حسن هنشوفوها الوقت قاعده في الكاڤيتريا مستنياني
ديما انت مش هتحضر
حسن بضحك انا معنديش محاضرات مهمه انا نازل عشانكم
ديما يعني هتفضل مستني كل ده
حسن اه يا ستي البوم بتاعكم جدي وابويا موصيني عليكم
دانه خالو موصيك علينا
حسن اه مستغربه ليه
دانه يعني حاسه انه مش طايقنا لحد الوقت
حسن لا خالص ابويا طيب اوي علي فكره هي بس الظروف لسه مظبطتش ولسه متعرفتوش علي بعض بس لو عرفتوا هتحبوه بجد وهتتاكدوا انه قلبه ابيض ابتسم حسن لسماح اول ما لمحها تعالوا نعرفكوا علي سماح
قربوا منها ابتسمت سماح بهدوء
حسن صباح الفل يا سماح
سماح صباح النور 
حسن نعرفك بقي يا ستي ببنات عمتي واخواتي دارين الكبيره بتدرس هندسه
سماح اهلا يا دارين
دارين اهلا بيكي يا سماح
حسن ديما ودانه توأم وفي اولي إداره اعمال
ودي سماح يا بنات جارتي وبنت منطقتي وحبيبتي كمان
ابتسمت سماح وقلبها كان بينط من الفرحه 
دانه هاي يا سماح
ديما هاي يا سماح
سماح هاي يابنات إن شاء الله تتبسطوا معانا في الجامعه
دارين بتدرسي ايه يا سماح
سماح انا بدرس آداب فلسفه
دارين حلو اوي 
حسن سماح البنات من اللحظه دي بقوا في حمايتك انتي عارفه انا مش بنزل علي طول وعارف انك هتخلي بالك منهم
سماح اطمن هيبقوا في عيني ومحدش هيقدر يضايقهم
حسن طيب تعالي نوصلهم بقي عشان محاضراتهم وبعد ما يخلصوا نقعدوا مع بعض وتتعرفوا اكتر
سماح تمام يلا بينا
حسن بنقولك ايه مشوفتيش محمد واحمد
سماح لا شوفتهم الصبح كان عندهم محاضرات بس منعرفش راحوا فين
حسن خلاص نوصل البنات وبعدين نشوفوهم
سماح تمام يلا بينا 
وصلت دره للمستشفي في البدايه كانت متوتره شويه خدت مع رئيس القسم جوله كامله في المستشفي اتعرفت علي حالات المړضي الموجودين بدأت تدون معلومات مهمه عن حالات المړضي
اتعرفت علي زمايلها من الدكاتره واتعرفت علي طاقم التمريض اللي هيكون معاها ديما بدأت شويه شويه تهدأ والتوتر يروح وتتأقلم كانت حاسه براحه غير طبيعيه بعد ما رجعت شغلها اللي انقطع ثلاث سنوات في البدايه كانت خاېفه
الانقطاع ده بأثر عليها في الشغل بس بمجرد ما عرفت حالات المړضي حست كأنها كانت لسه لحد امبارح بتمارس مهنتها وده طمنها كتير
كانت حاسه باهتمام كبير اوي من الكل زمايلها من الدكاتره كانوا محترمين جدا محستش للحظه ان حد فيهم ممكن يسببلها اي مضايقات بالعكس الكل رحب بيها بطريقه جميله
بعد ما خدت جوله كامله واستلمت شغلها راحت علي الحجره الخاصه بيها و عرفت مكتبها
اتصلت عليها دعاء في الوقت ده
ابتسمت دره وبسرعه ردت ولكن سكتت شويه اول ما سمعت صوت نبيله حست ان قلبها هيخرج من مكانه من كتر الفرحه
دره ايوه يا دودو
نبيله انا مش دعاء يا دره
دره امي
نبيله انتي كويسه 
دره فضلت دموعها تنزل بغزاره قامت وقفت علي الشباك عشان و مكانتش عارفه تتكلم
نبيله بقلق دره
دره انا كويسه يا امي متقلقيش
نبيله بټعيطي ليه طيب
دره اول ما جيت المستشفي كنت متوتره وقلقانه وخاېفه وللحظه حسيت اني عايزه اسمع صوتك
نبيله بأبتسامه من وسط دموعها ومكلمتنيش ليه
دره خۏفت مترضيش تكلميني 
نبيله و اديني بنكلمك اهو وبنطمنوا عليكي بنفسي كل حاجه كويسه معاكي
دره اكيد بعد ما سمعت صوتك بقيت كويسه اكتر
نبيله بحب خدي بالك من نفسك وركزي في شغلك ومبروك يا دره
دره الله