ابن ليل الجزء الثاني لأميرة أسامة
المحتويات
علاقه بتحتاج اول حاجه انك تدرس الشخص اللي قدامك من اول ديانته اللي لازم تعرفها قيل ما تحب للعادات والتقاليد المختلفه بينا يعني زي ما قولتلك انتوا هنا بتكتشفوا بعض بس في الغالب العادات والتقاليد بتكون نوعا ما قريبه من بعض لكن هناك هما عادات وتقاليد واحنا عادات وتقاليد تانيه خالص وبيبقي في طرف فيهم مجبر انه يتقبل ظروف التاني زي ما هي ولازم الطرف ده يكون هما لان انا كا مسلمه من اسره عربيه ليها عادات وتقاليد مش هقبل انا او اهلي اني اعيش علي نظامهم فا بيبقي صعب تلاقي الشخص اللي يوافق علي نمط حياتك ده ويتقبله يعني ممكن تعجب بشخص وميبقاش علي ديناتك فا اكيد هو هيغير ديانته والمشكله انك مبتبقاش واثق هو غيرها عن اقتناع ولا تغيير لمجرد ان الدنيا تمشي ودي حاجه مش سهله كمان هناك هما متفتحين والدنيا عندهم مباح فيها كل حاجه وبردوا ده مينفعش فهمتني
دانه طبعا
في كتير بس بتبقي حالات مش اكتر او العرب بقي بيتجوزوا من بعض من الاخر الموضوع في صعوبه شويه وانا بصراحه محاولتش ادخل في القصه دي واكتفيت بيهم زمايل واصحاب مش اكتر
محمد لا واضح ان دره طلعت مسيطره
دانه من ناحية مسيطره فا احب اقولك ان مامتك جنبها ممكن تبقي اطيب بكتير
دانه هي اكيد معاها حق طبعا مامي من واحنا صغيرين كانت بتحاول هي وبابي طول الوقت يتكلموا عربي في البيت عشان نقدر نكتسب اللغه لان الانجليش كده كده كنا هنتعلمه سواء في الدراسه او التعامل مع الناس عموما كانت بتحاول تعلمنا كل حاجه بالدين الصح والغلط الحړام والحلال ازاي البنت تحافظ علي نفسها علمتنا الصلاه والصوم من سن صغير جدا
دانه بالعكس هو يمكن احنا مش لابسين حجاب حتي مامي مش لابسه بس عمرنا مالبسنا لبس خارج اه بنلبس براحتنا بس كمان في حدود وعلي فكره لما جينا هنا مامي اتكلمت معانا في موضوع اللبس يعني عشان المكان هنا مش زي امريكا وعشان كده نزلنا مع حسن جبنا لبس تاني يمشي شويه مع النظام في مصر وبصراحه انا لما دخلت الجامعه اتفاجئت بكميه بنات محجبه غير طبيعيه
دانه مامي ديما تقول كده علي فكره
وبالذات لدارين لان دارين من النوع اللي بتثق بسهوله في اي حد
دانه اوي رغم انها الكبيره بس هي عبيطه علي فكره ومش بتقدر تفهم الناس بسهوله
محمد طيب وديما
دانه ديما دي في عالم تاني دماغ لوحدها بتحب تهزر وتضحك تحسها تايهه كده بس هي في العموم غير دارين بردوا يعني ممكن تفهم اللي قدامها فا تاخد جنب وتحذر منه بس ممكن تفضل علي علاقه بيه دارين لا بتتخدع بسهوله
دانه لا انا لو محستش براحه نع اللي قدامي ببعد و بواجهه ومش بخاف بقول اللي جوايا وزي ما تيجي تيجي
محمد علي فكره دي احلي حاجه
دانه يعني بحاول صحيح هي ديما واحمد فين كل ده
محمد مش عارف بيصيعوا اكيد احمد واخدها جوله في الجامعه هي دارين هوخلص امته
دانه قدامها ساعه تقريبا
محمد طيب تعالي نتمشي ونشوف احمد وديما
دانه طيب يلا
علي الساعه 8 كانت دره خلصت شغلها اتصلت اطمنت علي البنات وعرفت انهم روحوا قالتلهم انها لسه عندها شغل وهتتأخر عشان كانت لسه هتشوف كرم ومتعرفش هتروح امته
ققلت معاهم وبصت للموبايل علي رقمه مبقتش عارفه تتصل عليه ولا تبعتله رساله ولا تعمل ايه فضلت سرحانه شويه وبتفكر وفي الاخر قررت تخلص وتكلمه عشان تروح
اتصلت عليه رن جرسين و مردش وطبعا هي ما صدقت قفلت وقالت جات منه
بسرعه بعتتله رساله
دره انا اتصلت بيك عشان اشوف طلباتك وانت مردتش بيتهيألي كده انا عملت اللي عليا
قفلت دره الموبايل وقامت تلم حاجتها عشان تروح كانت مبسوطه انه مردش عشان تهرب منه
في الوقت ده خرج كرم من الحمام بعد ما خد دش وجهز بص
لقي الموبايل منور فتح الرساله شافها وبعدين اتصل عليها
اول ما موبايلها رن وشافت اسمه قلبها اتخطف
فتحت الخط وسكتت
كرم ايه ما صدقتي عايزه تهربي
دره بإرتباك ااا وانا ههرب ليه انا كلمتك وانت مردتش علي فكره
كرم اممم تمام هبعتلك العنوان اللي هقابلك فيه ومتتأخريش
دره ياريت انت اللي متتأخرش عشان لسه هروح
كرم مش عايز صداع ومتتشرطيش عليا
دره اللهم طولك ياروح انا هصبر عليك يا كرم لحد ما اشوف اخرك
كرم مليش اخر يا بت الجمال
يلا اقفلي
دره ابعت اللوكيشن
كرم تمام
قفل كرم وبعتلها العنوان اتحركت من المستشفي وهو كمان نزل من البيت
بعد حوالي ساعه إلا ربع وصلت دره للمكان اللي بعته كرم كانت واقفه علي الكورنيش في سلم ينزلها علي ساحه واسعه كلها مراكب و لانشات وقفت ثواني تبص عليه مكانس ليه اثر اتصلت عليه
كرم ايوه
دره انت فين انا وصلت ومش
لقياك
كرم في سلم قدامك انزلي منه
دره انزل اروح فين وانت فين
كرم انا قربت انزلي واخلصي مترغيش كتير
دره اديني الصبر يارب ماشي يا كرم وبعد ما ننزل مفيش حاجه تحت غير المارينا والمراكب
كرم انتي بترغي كتير ليه انزلي
دره اوك نزلت دره السلالم وهو معاها علي الخط نزلت ايه اعمل ايه تاني
كرم رابع لانش قدامك اطلعي عليه
دره نعم لانش ايه اللي اطلع عليه لا مش طالعه
كرم هعيد تاني اطلعي علي رابع لانش
دره كرم المكان هادي وانا خاېفه وبعدين ادام انت عارف انه رابع لانش وعارف مكانه يعني انت موجود انت فين
كرم قولتلك قربت واطلعي مټخافيش اكيد محدش هيقرب منك ده انتي تخوفي بلد
دره كويس انك عارف
كرم يلا اطلعي وبلاش رغي
دره طيب رابع لانش منين كلهم شبه بعض وفي اكتر من واحد رابع شمال ولا يمين
كرم ابن ليل يا دره
دره هو ايه اللي ابن ليل
كرم مكتوب علي اللانش ابن ليل
دره اه شوفته خلاص طيب ما استناك احسن
كرم خاېفه تركبي لوحدك ومش خاېفه مني
دره ااا كرم المكان هادي اوي واللانش ضلمه
كرم قولتلك مټخافيش اركبي يلا دقايق وابقي قدامك يلا اقفلي
دره اقفل ايه استني خليك معايا
ابتسم كرم بهدوء رغم خۏفها وتوترها منه اللي بتحاول تخبيه لكن كمان هي حاسه معاه بالامان
كرم تمام معاكي
مشيت دره بهدوء لحد ما وقفت قدام اللانش فضلت تبصله وتبص جنبها شمال ويمين وبعدين طلعت براحه علي لوح خشب يوصلها باللانش كانت ماشيه ماسكه نفسها وهو بيتحرك تحتها پخوف غمضت عينها وخدت نفس طويل وهي ماشيه علي لوح الخشب وتحتها البحر
كرم ركبتي
دره استني البتاع ده بيتحرك
كرم طيب
دره دخلت جوه اللانش وفضلت تبص علي مكان السلم فوق عشان تلمحه وهو جاي
دره انا ركبت انت فين كرم كرم
انت معايا
الخط كان مفتوح بس مفيش صوت
دره پخوف كرم رد عليا هنزل تاني والله
وفجأه سمعت دره صوت الماتور بتاع اللانش بصت وراها بسرعه لقت كرم واقف ماسك المحرك بايده وبيتحرك باللانش في اللحظه دي علي قد ما اطمنت انها شافته ومش لوحدها لكن اټرعبت اول ما اتحرك بيها في البحر
جريت دره عليه جوه
دره انت بتعمل ايه وانت جيت ازاي هنا
كرم شششششش مسمعش صوتك خالص
دره كرم رجعني بنقولك بدل ما نلم عليك الخلق
كرم يلا وانا مستني
دره ياكرم بلاش استفزاز طيب انت رايح فين الدنيا ضلمه هنتوه في البحر والموج عالي في نوه يا كرم ارجع بالله عليك
كرم مش راجع نسيتي ان في طلبات هتنفذيها
دره طلبات ايه ما انا سمعت كلامك وجيتلك بس احنا متفقناش علي كده
كرم مفيش بينا اتفاقومتنسيش انك ركبتي بمزاجك
دره انا وثقت فيك يا كرم
كرم عادي مانا كمان وثقت فيكي
دره كرم عشان خاطري طيب اسمعني عايز تردلي المقلب انا قدامك اهو وموافقه باللي هتعمله بس خلينا نرجعوا
كرم ما انا هردلك اللي عملتيه وده جزء منه واكيد مش هنرجع فا وفري بقي علي روحك الكلام والعصبيه والخۏف عشان لسه وقتهم مجاش
دره كرم انت عارف اني بنخاف من البحر بالذات بليل الله يخليك ارجع وانا نوعدك مش هنعمل معاك اي حاجه تاني
كرم ايه جبتي وراء يابت الجمال
دره ياكرم عشان خاطري رجعني
فضلت دره ټعيط وتترجاه وهو مش سائل فيها
دره كرم رد عليا
كرم قولتلك وفري اللي بتعمليه ده عشان مش هنرجع يا دره وبطلي عياط وزن ويلا شوفيلك مكان اقعدي فيه
دره طيب كفايه كده متبعدش والنبي
كرم بصلها وكمل طريقه مسك سېجاره ولعها بكل برود خد نفس طويل ونفخه في الهواء
قربت منه دره وقفت جنبه وهي دموعها نازله
دره كرم اللي بتعمله ده مش صح ابويا وعبدالله هيحسوا اني اتأخرت وهيقلقوا وهتبقي مشكله
كرم والله انا قولتلك تعرفيهم انك عندك شغل وهتتأخري ولو علي ابوكي وعبدالله هما معزومين في فرح كبير ومش هيرجعوا منه الوقت
دره اه يعني انت عامل حسابك ومخطط لكل حاجه
كرم حاجه زي دي
دره طيب والبنات وامي ودعاء
كرم عايزه تتصلي عليهم تعرفيهم تاني قدامك فرصه كام متر قبل ما الشبكه تفصل طمنيهم عليكي وعرفيهم انك هتتأخري ولو حابين يناموا ميستنوش
دره يناموا انت ناوي تفضل مخليني معاك للصبح ولا ايه ولعدين شبكه ايه اللي تفصل انت هتدخل اكتر من كده اقف بقولك بقي
كرم طيب خلينا في الصداع ده بقي انتي حره
دره فضلت تبص حواليها بقلة حيله وبعدين مسكت الموبايل تكلم دعاء
دعاء الووو
دره احمم اا ايوه يا دعاء
دعاء ايه يا حبيبتي عامله ايه فينك كل ده
دره هنتأخر شويه يا دعاء عشان عندي شغل لسه
دعاء مش هتتعشي معانا
دره لا
كلوا انتوا البنات كويسين
دعاء زي الفل
دره طيب عرفيهم اني هتأخر
ولو حابين يناموا يناموا ميستنوش وانا هخلص وارجع
دعاء طيب لو هتتأخري اوي عرفيني نبعتلك حسن
دره لا لا مفيش داعي يا حبيبتي ابويا وعبدالله عندك
دعاء لسه نازلين من شويه راحوا فرح
دره بصت لكرم پغضب من وسط دموعها ماشي يا حبيبتي يلا عايزه حاجه
دعاء سلامتك خدي بالك من روحك
دره ماشي يا حبيبتي سلام
قفلت دره وبصتله لقيته باصصلها ومبتسم ابتسامه نصر
دره ظبطت كل حاجه وكنت عارف انهم في فرح بجد
كرم
متابعة القراءة
