ابن ليل الجزء الثاني لأميرة أسامة

عارف ان العداوه اللي بينا موجوده اللي بيلعب معانا مش هيوقف لعب لازم نوقف والكل يعرف اننا رجعنا زي الفل كفايه بقي بقالنا سنين كل واحد مستني التاني ياخد الخطوه لو الخطوه دي فيها حمايه ليكم وحمايه للعشره اللي كانت بينا يبقي انا بنقولها قدام الكل وبنبدأ بالسلام وبنمدوا ايدي ليك يا زكريا مش عيب ولا غلط ولا حاجه تقل مني لو الاذي يا زكريا هيطول عيالنا ويوقعهم في بعض يبقي تغور الكرامه والكبر وتغور الخطوه اللي مش قادره تيجي لوحدها 
وحاجه كمان اللي حصل ده علي مدار السنين حصل اكتر منه لو تفتكر يا زكريا في مره عبدالله وبكر اتعاركوا مع بعض وبعدها فرامل العربيه بتاعت بكر اتفكت وانتشر في الشارع كلام ان عبدالله اللي وراها ومره تانيه حسن كان لسه عيل خبطته عربيه ورجله اتكسرت واتقال بردوا ان اللي عملها كرم ومره تالته المواشي في المزرعه تلت ارباعها ماټ وقالوا ان زكريا الجمال رش في الاكل سم عشان يخسر رفاعي يعني اللي حصل ده بيحصل معانا من زمان ويمكن مكانش حد فينا واخد باله انها لعبه بتتلعب علينا بس شهاده حق لا عمري شكيت في زكريا ولا زكريا شك فيا ومش بنقولك كده يا دره عشان انتي شكيتي ده حقك يا بنتي انا بوم ما حد يجي علي ولادي افرمه بسناني
وانتي حقك تفرمي اي حد يجي علي بناتك انا عاذرك التلاته هددوكي نفس الټهديد وبعدها اللي هددوكي بيه حصل بس انا بنقولهالك يا بنتي مش هما الاتنين دول لسان علي الفاضي وبنقولها قدامهم مها بنتي وشهادتي فيها مچروحه طول عمرها مدب بس مفيش اطيب ولا احن منها سونه غلبانه وهي كمان لسان ماشي علي الارض متقدرش ټقتل فرخه وقلبها ابيض اما كرم اوعي تفكري اني كبرت وبقيت راجل خرفان ومش داري باللي حواليا ومش عارف ولا سامع بالمقالب اللي بتعملوها في بعض هو يروح يقول للبياعين ميدوكيش طلباتك ويديهم في المقابل اضعاف اللي هتاخديه وانتي ترديها لما تعرفي بلعبته وتطلبي اكتر وهو يجيب عالبيت صح يا كرم
والكلور اللي مها بوظتلك بيه غسيلك وانتي ردتيه بمقلب تاني مع حسن الفيران 
بصت دره ليهم وبعدين بصت للارض
رفاعي اللي بينكم لو هيكون في حدود الهزار وتفريغ شحنات الڠضب اللي قايده من سنين ماشي نعدوها لكن لازم تبقي واثقه ان المقالب بينكم عمرها ما هتخرج بره حدود الهزار لا انتي تقدري تأذيهم عشان انا عارفك انتي واخوكي ومربيكم علي ايدي ولا ولادي يعملوها عشان الايد اللي ربتك انتي واخوكي هي اللي ربت كرم ومها وهيما فهمتي يا دره
بصتله دره وهزت راسها 
زكريا عداك العيب يا رفاعي وانا بنقولها قدام الكل الكلام اللي قاله رفاعي هيمشي علي رقاب الكل ومن اللحظه دي لازم
الخلق كلها تعرف ان اللي بينا اتبخر وخلص عيله الجمال وعيله الرفاعي مفيش حاجه ممكن توقع بينهم ابدا
الكل كان واقف متأثر بالكلام و نجوي ونبيله ودعاء ومها دموعهم نازله بتأثر
رفاعي حاجه كمان لازم تعرفوها كويس حابين تكملوا مقالبكم في بعض وتستمروا في لعب العيال ده انتوا احرار لكن حطوها حلقه في ودانكم العيال الصغيره بره مقالبكم دي خالص لا يطولوا مقالبكم بهزار ولا بأذي مفهوم
زكريا ومن هنا لحد ما نعرفوا مين اللي وراها لازم كلنا قلبنا يبقي علي قلب بعض لازم اللي
بيلعب علينا يعرف اننا رجعنا زي السمن علي العسل عشان ميقدرش يوقع بينا والكلام ده هيمشي علي سونه وبنتها ادام كلمة سونه لدره اتاخدت عليها معناه ان كان مقصود دره تشك فيها هي كمان وسونه زي بنتنا وبنتها زي احفادنا واحنا هنا عيلتك يا سونه ودول كلهم اخواتك واللي يمسك يمسنا يا بنتي مفهوم
سونه مفهوم يا معلم زكريا
هيما طيب انا ممكن نقولوا حاجه
زكريا قول يا ابني
هيما بص للشباب احنا تقريبا عرفنا مين اللي عملها 
بصوا كلهم لبعض ونطق كرم پغضب
كرم مين ياهيما
هيما شوفنا الوقت الكاميرا بتاعت الدكان اللي علي الائمه وفيهم واحد مكانش حاطت الشال علي وشه لسه حسن شاف الولا وعرفه
حسن هنقولك بس اوعدنا متتهورش
كرم ماتنجز يالا
حسن ده صبي من صبيان منصور اللي ابنه ماټ في العاركه بتاعت زمان
بص كرم وعبدالله وبكر لبعض 
رفاعي كان قلبي حاسس من زمان
كرم ودين محمد ما هيطلع عليه نهار
رفاعي اقف يا كررررم
زكريا اييييه عايز تروح تتعارك معاه تاني
عبدالله كرم متعاركش اولاني يابا العاركه كانت معايا انا هو بينتقم مننا عشان فاكر ان انا وكرم اللي اتعاركنا مع ابنه وفاكر ان العاركه انتهت بمۏت ابنه علي ايد كرم وجه الوقت اللي لازم الكل يعرف ان انا اللي مۏته في العاركه وان كرم ملهوش ذنب في اي حاجه 
رفاعي انت كمان تسكت ومتفتحش بوئك فاكر لما هتروح تقوله كده هيصدق ولو صدق هيسمي عليك اللي حصل حصل خلاص ولو ابنه ماټ كرم دفع التمن في السچن يعني خلصت والاهم ان سواء انت اللي عملتها او كرم محدش فيكم كان قاصد دي عاركه وزي ما رفعتوا عليهم سلاح هما كمان رفعوا يعني لو مكانش حد فيهم وقع كان حد فيكم انتوا اللي وقع
عبدالله بس هو كده مش هيسكت وادام كل اللي بيحصل معانا ده هو اللي وراه من زمان يبقي هيفضل يأذي فينا
زكريا واكيد احنا مش هنسكتوا هناخدوا التسجيل بتاع الكاميرا ونعملوا بيه محضر ويجيبوا الولا ويقرروا فيه وياخد نصيبه او ناخد عليه تعهد بعدم التعدي علي اي حد فينا
بكر المعلم معاه حق بلاش مشاكل تاني احنا ما صدقنا
رفاعي كلمه ورد غطاها بكره تعملوا محضر باللي حصل والحكومه تتصرف مع منصور وصبيانه انتوا تخرجوا منها خالص مفهوم
بص كرم وعبداللع لبعض
زكريا اييييه بتبصوا لبعض ليه مفهووووم
عبدالله ماشي يابا اللي تشوفوا
زكريا كرررررم
كرم تمام يا معلم 
رفاعي طيب ادام اتفقنا يبقي ننفذ الاتفاق بينا عشان لما الخلق يشوفوا اللي بينا يصدقوا وانا هنبدأ قام رفاعي وقف وابتسم بهدوء ومد ايده لزكريا
رفاعي وزكريا بصوا لعبدالله وكرم وبكر
زكريا ايه مش ناويين تدوبوا جبل التلج اللي جمد قلوبكم انتوا كمان
بصوا التلاته لبعض 
وللحديث بقيه 
أبن_ليل
صاحبة_البطل_الواحد
أميره_اسامه
البارت التاسع عشر 
رفاعي وزكريا بصوا لعبدالله وكرم وبكر
زكريا ايه مش ناويين تدوبوا جبل التلج اللي جمد قلوبكم
كرم وعبدالله وبكر بصوا لبعض
رفاعي ما تيلا ياولا انت وهو 
ابتسم عبدالله وهز راسه شمال ويمين
وقرب خطوه من كرم
ابتسم كرم وبسرعه مسك دراع عبدالله شده في حضنه
دموع نجوي ونبيله كانت نازله من غير ما تقف 
باس عبدالله كتف كرم وبصله وحشتني يا صاحبي
كرم بصله وابتسم ابتسامه حزن ومنطقش
قرب بكر من عبدالله وابتسم
بكر تعالي في حضڼي يا بغل
ضحك عبدالله وحضن بكر بحب
زكريا ايه يا بلبله مش هتاخدي صاحبة عمرك في حضنك
نزلت دموع نبيله بۏجع واڼهارت في حضڼ نجوي 
البنات كانوا واقفين يعيطوا وفي نفس الوقت مبسوطين من اللي بيحصل
هيما قرب من دارين بصوت واطي
هيما انتي بټعيطي ليه 
دارين عشان عندي احساس يا عديم الاحساس
احمد ده واضح ان دانه وديما كمان عندهم احساس
دانه اسكت متضحكنيش
ديما محمد وحسن متأثرين هما كمان انت وهيما شكلكم معندكوش ډم
احمد لا والله بس مبسوط من اللي بيحصل ده عارفه لو حد قالي ان دول العالم اللي مقضياها حروب اتصالحوا كنت هنصدقوا لكن عمري ما كنت هنصدقوا ان العيلتين دول يتصالحوا
رفاعي ايه يا مها مش هتاخدي صاحبتك في حضنك موحشتكيش
بصت مها لابوها وهي دموعها نازله وسكتت كانت زعلانه ان دره شكت فيها وفي نفس الوقت نفسها تاخدها في حضنها
قرب بكر من مها ومسكها من ايدها قربها من دره
بكر وبعدين بصت لمها وقربت منها دفنت وشها في صدر مها اللي بسرعه قفلت عليها دراعها واڼهارت هي ودره 
رفعت مها وشها وهي بتمسح دموعها وابتسمت
مها لولا يا بت ابويا وابوكي واقفين وسطنا كان زماني نسلت علي راسك شبشبي انا يابت بتشكي فيا انا
دره بدموع حقك عليا يا مها
دعاء بتقوليلها حقك عليا ليه ماهي اللي حطت روحها في وضع شك
مها طيب اخفي من قدامي بدل ما نحطوكي في وضع مش ولابد يا كلب البحر
ابتسمت
دعاء من وسط دموعها لمها وفضلت تضحك وهي بصالها
ضحكت مها وقربت منها 
مها تعالي يابت في حضڼي انتي كمان اينعم في خلقتي ليل نهار بس حضنك وحشني يابت
دعاء حضنتها بحب وفي لحظه كل حاجه انتهت
زكريا بااااس بيتهيألي كده الكل اتراضي والنفوس بدأت تهدي
في نفس اللحظه بص كرم ودره بطرف عينهم لبعض 
نبيله وهي مبتسمه من بين دموعها لا لسه مش قبل ما كرم يجي يصالحني ويقولك متزعليش مني يا بلبله
بصلها كرم ورفع حاجبه
نبيله ايه مش عايز تصالحني يا ولا
كرم وانا كنت زعلتك عشان نصالحك
نبيله انت يا ولا كمان مش عاجبك وحتي لو مزعلتكش انت اللي هتصالحني بردوا
ابتسم كرم وهز راسه
كرم ماشي يا ستي هنصالحك ونبوس علي راسك كمان قرب كرم باس راسها خدته نبيله في حضنها بحب
نبيله بهمس في ودن كرم مش هتتصالح انت واللي ما تتسمي
كرم 
نبيله أحييييه عليك عيل واطي بتبيعني يا كيرو
كرم اه بنبيعك انزلي من علي وداني بقي عشان منزعلكيش
نبيله ماهي امك لو عرفت تربيك إنما نقول ايه مكانتش فاضيه ضيعت نص عمرها في المطبخ ونسيت تربيك 
ضحك كرم وبعد عنها راح وقف جنب بكر وعبدالله 
سونه قربت من مها ودره ودعاء 
سونه مبروك الصلح يا بنات
دعاء الله يبارك فيكي يا سونه
مها احيه انتي لسه هنا ما تروحي يا اختي بقي علي بيتك واسحبي السنيوره بتك في ايدك مالك ومالنا
سونه احييييه عليكي مره لحقتي يا اختي تقلبي عليا ما كنا حبايب يابت
مها احييييه انا وانتي ده انا بناخدوا ابويا وعم زكريا علي قد عقلهم إنما اللي في القلب في القلب يا سونه الكلب
دره ودعاء كانوا واقفين يضحكوا علي مها
سونه بتضحكي علي ايه انتي وهي يا اختي طب ودين محمد كانت متفقه عليكم معايا
مها بصوت واطي بتبعيني يابت الناقصه
دعاء ما قولنالك متتفقيش مع مها قولتي حبيبتي
سونه حبيبتي ايه دي ملهاش صاحب
مها ايوه يا اختي انا مليش صاحب اتبطتي بقي واطلعي من دماغي بدل ما نشغلوا المقالب عليكي
سونه وانا هنعتبك عليكي ليه صحيح مره مجنونه
دعاء امسحيها فيا انا يا سونه
مها ايوه يا اختي طبليلها ما
انتوا هتبقوا نسايب
بصت دعاء لسونه
سونه ايوه ارفعي حاجبك يا اختي واقلبي عليا انتي التانيه اسمعي مني يا دعاء مها بتسوحك عليا يابت
دره نسايب ازاي
مها لا بعدين بقي نحكولك دي حكايه طويله
سونه لا انا نمشي احسن مش ناقصه جنان مها علي المسا انا يا اختي ايه اللي جابني وسطكم 
مها حشريه بعيد عنك
سونه اتقلي عليا