لكني أحببتك لهمس
المحتويات
يا حليوة يامقطقط انت انا واحد مراته اللي حامل في ابنه مخطوفين
يعني مش باقي على حاجة في الدنيا تاني بعدهم ولو باقي على آخر نفس فأكيد مش هضيعه في المناهدة معاك
محمود خلااااااص خلاص سيب الولد بس وقولي عاوز ايه وانا هعملك اللي انت عاوزه
محمد جااااااوب على أم السؤال
محمود بصوا انا آخر حاجة اعرفها عن أستاذ أحمد انه طلب مني اكلمله سمسار يجيبله شقة قريبة من كورنيش النيل اللي هنا في المنطقة ولما السمسار كلمني يقولي علي الشقق المتاحة استاذ أحمد استلمه هو وحرج عليه ميقوليش اااي حاجة تخص الشقة
عمر عمل فلاش باك
كنت دائما أهوى النيل الازرق ولكن هل يجوز للكائن البشري أن يعيش بداخل الماء
رجع من الفلاش باك بيقول لنفسه محمود بيتكلم صح
بص لأم الولد لقاها بټعيط وبتترعش ساب والواد من ايده وبص لمحمود
يلا يامحمد
نزلوا على تحت جري
محمد ها ناوي علي ايه
عمر يلا بينا على كورنيش النيل اللي قال عليه بسرعة
سارة قامت لبست هدومها وخرجت على الصالة
فريدة ايه دا انتي لابسة ليه ورايحة علي فين فجأة كدا وانتي تعبانة
سارة رايحة أكمل اللي ناقص في القصة ياامي
مريم بتبص في الساعة الوقت خلص والجد بدأ
طلعت تليفونها وطلبت رقم
اتصلتي في الوقت المناسب كنت لسة هبدأ الرحلة حالا
مريم انا جاية استناني
قفلت السكة قامت وقفت وبدأت تتحرك في إتجاه معين
وصلت عمارة طلعت السلم رنت الجرس
أحمد أهلا أهلا نورتي بيتك ياحياتي
عمر ومحمد وصلوا جنب الكورنيش
عمر طلع الورقة
تذكر بأيامك الماضية كم مرة كنت تسير بجانب شجرة ضخمة معروفة بظلها الواسع في يوم شديد الحرارة فتمنيت أن تقف تحت ظلها بقية يومك حتى تحميك من آشعة الشمس الحاړقة ولكن
نزل الورقة
اول واحد معدي سأله فيه شجرة كبيرة هنا ومعروفة
مشيوا عمر ومحمد لحد الشجرة
عمر بص حواليه يمين لقى واحد قاعد بيشحت
حين تنظر إلى الشخص الفقير الذي يجلس تحت الشجرة لطلب القليل من المال و تسأله عن طريق السعادة
اتقدم عمر خطوتين ووقف قدامه
عمر بقولك ايه ياابويا معلش هو
الراجل بصله وابتسم
هو انت
رفع الراجل عينه على شقة في العمارات اللي قدام الشجرة ولونها بينك
سينظر إلى البيوت المجاورة للشجرة
قائلا لك أتمنى أن أسكن في إحدى هذه البيوت الوردية ولا أعود لهذه الشجرة قط
عمر بس كدا احنا وصلنا يامحمد
يلا بينااا
محمد عمرررر اقف هنا وفهمني في ااااايه
عمر هفهمك كل حاجة حالا عشان تعرف تتصرف معايا بس بشرط نخلص ونطلع جري
أحمد نورتي بيتك ياحياتي
دخلت وقفلت الباب وراها
مريم بنورك يااستاذنا
أحمد استاذكم
مريم طبعااا استاذنا ياراجل دا انت لاعبتنا كلنا على الشناكل
أحمد لما يكون الشئ يستاهل لو احتاجت أخد دكتوراه حتى صدقيني مش هتردد
مريم جتلك لحد عندك اهو اؤمرني
أحمد مالك داخلة حامية علينا ليه كدا واحدة واحدة الدنيا لسة قدامنا
مريم آسفة معنديش وقت اضيعه معاك
انا جيت لحد هنا أولا عشان اعرفك إني قدك ومش خاېفة منك
ثانيا
احمد ايووة ثانيا ايه بقا
مريم ثانيا عشان أعرف اخرتها ايه معاك وايه الخطوة اللي بعد كدا
أحمد اخرتها كل خير ياقلبي
قرب وحط ايده على بطنها انا وانتي وابننا
بتزق ايده بعزم ما فيها متلمسنيش ياحيوان
أحمد بعد عنها خطوتين انا وانتي وابننا هنأسس حياة جديدة كلها فرحة وبهجة بعيد تماما عن كل المشاكل والسخافات اللي في حياتك اللي فاتت
مريم هو انت ازاي مصدق نفسك بالطريقة دي للدرجة دي مش قادر حتى تستوعب إن اللي في بطني دا مش ابنك وابن واحد غير
أحمد بيقاطعها شششش اوعي تكملي انتي بتاعتي حياتك ملكي جسمك يخصني واللي جوا جسمك كمان بينتمي ليا
فاهمة
مريم صدقني انت صعبان عليا اوي جرب تتعالج
متابعة القراءة
