لكني أحببتك لهمس
المحتويات
الأرض
يتبع
البارت 22
رن الجرس محمد فتحله الباب
راح عمر ضاړبه بالبوكس في وشه موقعه في الأرض
جت نجلاء تجري من جوا
نجلاء ياساتر يارب في اااايه يابني
عمر وهو رايح على محمد بيمسكه يوقفه تاني من هدومه شكلك مستكفتش من العلقة بتاعة المرة اللي فاتت صح
بدأت بونية تجر بونية ومحمد ساكت تماما
عمر انت ساكت ليييييييه ماتنططططق
عايزك ټضرب كمان عشان أكفر عن ذنبي
عمر بتبريقة ذنبك !!
لا لا أكيد اللي في دماغي غلط
مسكه من هدومه تاني قولي معناه ايه الكلام دا يامحمد انططططططق
محمد
عمر بردو هتفضل ساكت
رجع يضرب فيه تاني يمين
وشمال ونجلاء وعبدالله ومنة واقفين يصوتوا ومحدش قادر يبعده عنه لحد ما محمد وقع في الأرض أغم عليه
اااااايه اللي بتعمله دا ياعمر حرام عليك اخوووووك
عبدالله بزعيق فيه ايه ياعمر ما تفهمنا ايه اللي بتعمله دا !!!!!
بدأ عمر سمعه يتقل ومبقاش سامع اي حد بيكلمه حط ايده على الچرح اللي لسة جديد عشان وجعه هما التلاتة جريوا على محمد يفوقوا فيه وعمر جري فتح الباب وطلع على شقته
سارة بعياط اديني حكيتلك كل اللي حصل
مريم خلاص ياسارة اهدي حصل خير وانا هجيبلك حقك منه
سارة لا يامريم محصلش خير يلا نروح لأي دكتور نسا نتطمن إنه معملش حاجة
مريم بتوتر جااامد دكتور اااايه يا سارة انتي هتستعبطي لا طبعا مفيش الكلام دا
ولو كان فيه حاجة زي كدا كنتي هتحسي
سارة ايوة بس
سارة مريم انتي مش عايزاني اروح لدكتور ليه
انتي مخبية عني حاجة !
مريم هخبي عنك ايه انا يعني
انا بس مش عايزاكي توهمي نفسك على الفاضي
حطت ايديها علي وشها متقلقيش ياسارة انا في ضهرك وباذن الله كل حاجة هتبقي زي الفل
رجعت سارة ټعيط تاني انا مش عارفة هو ليه عمل معايا كدا دا انا آمنتله وروحت مكان ماقالي وانا مغمضة على أساس بني آدم محترم واحنا نسايب وعارفين بعض من زمان وعمره ما هيأذيني يقوم يخذلني ويعمل اللي عمله دا
يلا قومي بقا عشان اديكي دوش ونروح بيتنا وانتي تمام كدا مش عايزين ماما تحس بأي حاجة
طلع عمر شقته دخل وقفل الباب وقعد حط ايده على دماغه
وبدأ يفتكر كل حاجة حصلت
عمر كل مااجي اعدلها من ناحية تبوظ من ناحية تانية ياربي أعمل ايه بس
محمد بدأ يفوق لقى نفسه على سريره في اوضته وكلهم حواليه ملهوفين إنه يفوق ويكلمهم
فتح عينه على صوت أبوه
عبدالله پغضب انا هنزل اشوف عمر ازاي يعمل كدا في اخوه وقدامنا كلنا ومن غير مبررات أما اشوف اخرتها معاه
محمد لاااا لا يابابا عمر كان عنده حق انا غلطت فعلا ولو مش أخويا الكبير اللي هيعاقبني على غلطتي مين اللي هيعاقبني يعني
وقف عبدالله بصله باستغراب
نجلاء يعاقبك علي ايه يامحمد انت عملت ايه تاني
محمد
عبدالله ما تنطق يابني وتفهمنا عملت ايه
محمد سيبوني لوحدي ياجماعة معلش عشان انا تعبان اوي
نجلاء ايوة بس
محمد ماما ابوووس ايدك ماتضغطوا عليا سيبوني واخرجوا كلكو واوعوا حد يكلم عمر في حاجة لو ليا غلاوة عندكم
خرجوا كلهم من الأوضة قام محمد اتعدل
محمد انا صحيح معملتش فيكي حاجة بس مجرد تفكيري في حاجة زي دي معاكي استاهل إني اتعاقب عليه العمر كله
في جنينة العمارة
عمر قاعد بيشرب قهوة وسرحان
تليفونه رن رقم غريب
عمر الو
انت جوز مريم صح
عمر اه صح مين معايا
انا زميلة مريم في الجامعة وكنت بحاول أوصلها عشان ابلغها خبر مهم جدا بس هي مبتردش فقولت أكلمك انت
عمر اتفضلي طبعا خير إن شاء الله
مريم وسارة داخلين من باب الشقة وسارة وشها مخطۏف
فريدة انتي اختفيتي فين يامريم مرة واحدة ومقولتليش إنك نازلة وكمان سايبة تليفونك هنا وراجعة مع سارة ازاي انتي كنتي معاها في الجامعة
مريم بتوتر ا اه ياماما كنت معاها بساعدها في شوية حاجات كدا
فريدة تمام
متابعة القراءة
