لنيرة وائل
المحتويات
دراعي منه لكنه ضغط عليه اكتر
_ ودا ميجيش جمب ۏجع قلبي حاجة
_ ابعد عني يا طارق.. ابعد
_ الحقيقة بتوجع صح
_ بقولك ابعد يا طارق
فجأة لقيت حد ضړب طارق بوكس وزقه بعيد عني
_ امير
كنت لسه هجري على طارق لكن امير مسك ايدي واتكلم بصوت جهوري
_ لو قربتلها تاني ھقتلك انت فاهم
_ مستر امير الموضوع مش زي ما انت فاكر خديجة خطيبتي
_الكلام دا صح
هزيت راسي بنفي
_ انا مش مخطوبة
مسك ايدي تاني وشدد عليها وهو بيوجه كلامه لطارق بتحذير
_ لو ضايقتها تاني انا مش مسؤول عن اللي هعمله
اخدني معاه ومشي لحد ما وصلنا لعربيته
فتح الباب واتكلم بعصبية
_ اركبي
_قولتلك اركبي
ركبت معاه وفضلنا فترة ساكتين بعدها قرر يقطع الصمت دا واتكلم
_ هو دا اللي اتجوز صحبتك
هزيت راسي بنفي
_لأ
_ امال مين دا
_ ممكن مجاوبش
_ براحتك
اتنهدت وانا بسند راسي على الشباك
_ انتي كويسه
غمضت عيني وانا بحاول اكتم دموعي لكنها نزلت برضو
وقف العربية وبصلي باهتمام من غير ما ينطق حرف
_ هو كلامه صح انا اللي غلطانه... انا كنت انانية معاه
طارق كان بيحبني انا اللي وصلتنا لكدا
قولت كلامي بعياط ومبقتش عارفه اتحكم في نفسي
طارق كان صح عمري ما فكرت في الموضوع من وجهة نظره
من غير ما افهم منه انا ازاي كنت وحشة معاه كدا
قاطع تفكيري امير وهو بيناولني منديل
_ اهدي يا خديجة
مسحت وشي واتكلمت بإحراج
_ انا اسفة... انا مش عارفه دا حصل ازاي
لقيته طبطب عليا وهو بيبتسم
_ انتي كنتي بتقولي عليا امير المچنون صح
قاطعني وهو بيدور العربية
_ تيجي اوريكي الجنون اللي بجد
ساق العربية بسرعة جدا وانا كنت بتشاهد في الكرسي اللي جمبه
_مستر امير هدي السرعة شويه مينفعش كدا
ضحك وزاد السرعة اكتر
_ يخربيتك
بصلي پصدمة
_ انتي قولتي ايه
_ انا... انا اسفة بص قدامك ھنموت
اخدت نفس اول ما وقف العربية
_ايدا انا لسه عايشة بجد
_ انزلي
_ ايه هترميني في البحر المرة دي
_ انزلي يا خديجة انزلي
نزلنا من العربية وهو مشي ناحية البحر فضلت واقفة مكاني
لقيته بيشاولي امشي
_ اقلعي
_ افندم
قولتها وانا ببصله پصدمة
ضړب جبهته بكف ايده
_ الشوز يا خديجة
_ هاااا... اااه الشوز
ضحك ووطى يخلع جزمته ورفع البنطلون ونزل الماية
عملت زيه ومشيت وراه
_ انت بتعمل ايه
مد ليا ايديه وابتسم
_ تسمحيلي نكمل رقصتنا
_ رقصتنا
افتكرت لما.........
_ تسمحيلي بالرقصة دي
بصتله بعدم فهم شاور بإيديه على ودانه
_سامعة المزيكا دي
_ فين دي
_ مش مهم انا سامعها
قالها وهو بيشدني عليه وبيرقص
_ لا دا انت مچنون بجد
ضحك وهو بيلفني وبيكمل رقص
_ بطلي كلام و استمعتي باللحظة
مسكت كتفه وانا بسند عليه
_ كان نفسي استمتع بس انا دوخت
_ احم... حيث كدا نطلع على المستشفى
ضحكت بعد ما افتكرت اليوم دا
_ مادام ضحكتي يبقى افتكرتي... يلا
_بس...
_ عارف المزيكا... ثواني
طلع موبايله وشغل ميوزك ومد ايديه ليا
مسكت ايديه وانا بضحك
_ مچنون
_ بس قمر خلينا متفقين
قالها وهو بيغمز وحقيقي مشفتش اجن من كدا
رقصنا لحد المزيكا ما خلصت وفجأة لقيته بيرش عليا ماية
_ امير لااااااا
ولا حياة لمن تنادي طبعا كمل لحد ما غرقني
فضلنا نلعب بالماية و نضحك
كنت بضحك من قلبي وانا معاه
نساني كل اللي حصل من شويه
واقترن لتاني مرة بذكري بشعة وحولها لذكرى مبهجة اوي
_ انا هروح ازاي كدا
قولتها وانا ببص لهدومي اللي بقت كلها ماية
شدني من ايدي وهو بيضحك
_تعالي
ركبنا العربية ولقيته وقف قدام مول كبير
_ هنعمل ايه هنا
_ انزلي بس
نزلت معاه ودخلنا المول لقيته بيختارلي فستان
_جربيه كدا
_ ايه دا
_ هدومك غرقانة اكيد مش هتروحي كدا
_بس...
_ ايه مش عاجبك... شوفي دا كدا طيب
_ لا لا عاجبني هروح اجربه
_ تمام... هشوف حاجه ليا عبال ما تخلصي
دخلت اقيس الفستان وحقيقي كان تحفة كأنه متفصل عليا
لكن بصيت على التيكت لقيته بنص مرتبي حرفيا
كنت لسه هغيره لقيت حد بيخبط عليا
_ نعم
_ استاذة خديجة ممكن تخلصي امير بيه مستنيكي من بدري
هي عرفت ان أمير يبقى بيه منين هو مشهور للدرجادي
ايدا ثواني هو امير يبقى مين في الشركة اصلا
طلعت الموبايل وجيت اعمل سيرش على جوجل
بس انا
متابعة القراءة
