بيتنا بيت لنا بقلم ولاء عمر

بتعملي إيه
برجعلك فلوسك خد يا سيدي روح شوفه هيعمل كام عند الصايغ ولو كان أقل هبقى أحاول أتصرف في باقي الفلوس قريب متخافش.
إتعصب أكتر وقال
فاطمة مش ملاحظة إنك بتعكي في الكلام وإن كدا مينفعش
الإنسان مننا طاقة يا حمد وأنا طاقتي خلصت والله مقدرة إني غلط بس أنت بعيد بطريقة تحزن والله عارف أنا عارفة إن الحب مع مرور الوقت بيقل والروتين بيغلب على الحياة بعد كدا أنا كنت عارفة بس مكنتش عايزة أعيشه يا سيدي سيبك مني بس شوف الولاد.
نطلع من موضوعنا ندخل للولاد نخلص بس كلامنا في دا. أنت إزاي تعملي كدا من ورايا أصلا! وهل لو كنتي جيتي وقولتي لي أنا كنت هرفض
ما أنت لسة قايل من فلوسك.
هي طلعت مني ڠصب عني وقت عصبية بس هل لو أنت كنتي جيتي وقولتي يا حمد أنا عايزة أعمل كذا أنا كنت هرفض
حمد أنا مش ب أبالغ بس أنت مش موجود طيب أنت بترجع من الشغل تغير وتأكل ويا إما تنام يا تنزل تقعد مع صحابك يعني حتى مفيش أي تفاعل بينك وبين الولاد ولا حتى بيني وبينك بيجمعنا بيت بس أنت في وادي وأنا في وادي وبحاول أخلي الولاد معايا بس الحمل تقيل قوي عليا لوحدي.
إيه اللي إتغير وخلاكي تعترضي وتتكلمي دلوقتي
كلامهم عن بعدك عنهم وزعلهمهما كل يوم بيكبروا الواحد منهم مستني يحس إنه مش لوحده وإن في حد هو يتحامى فيه إن هو يحس إنك جيشه وإنه وقت ما يغلط يكون في حد بينصحه ابنك لما يطلع ويدخل معاك ويروح وييجي على حسك ف دا بالنسبة له إنه محمي حاوط عليهم وحبهم قبل ما يسرقك العمر ويكبروا وكل واحد ساعتها ما هيصدق يتلهي في حياته.
جه يهز رجله ك حركة دليل على عصبيته لكنه إتألم.
دخلت جيبت له جيل مساج للجلد وإديته ليه.
بص ليه باستغراب وقال
غريبة إيه اللي جابه هنا هو في حد منكم بيعاني من آلام في المفاصل
مالك أوقات إيده بتوجعه لأنه بيلعب كاراتيه دا غير إن في مرة كمان وقع على ضهره فكنت محتاجة حاجة مسكن.
هز رأسه وخد منه ودلك رجله لكن الألم فضل مستمر بل وزاد أكتر فسألته
أنت بقالك قد إيه بييجي لك شد العضل دا
شهر كان بيروح وييجي بس دلوقتي هو مستمر معايا.
أنت بتضغط على نفسك وبتقف كتير
بأخد شغل إضافي فبتضغط أكتر.
ليه بتضغط نفسك
خلاص بقى متقعديش تقطمي فيا أنا مش عيل!
إقعد زعق لي كدا عشان خاېفة عليك.
هأخد مسكن وهتتحل يعني.
أنا هحجز لك عند دكتور بس هنزل أجيب الولاد وأوديهم عند جدتهم لحد ما نروح ونيجي.
مش هروح أكشف أنا.
خف عند لو ما اهتميتش وكشفت دلوقتي ممكن يأثر عليك بالسلب بعدين والواحد يعني هتسأل عن صحته.
ما أصل كدا كدا هيخف مع المسكن وأنا كنت بأخد له مسكن يعني.
كدا كدا هنروح للدكتور.
مش عايز أروح أنا ومش هروح.
فضل مصر على موقفه.
طلب مني أجيب له اللاب فدخلت جيبته وهو قعد يشتغل برضو وأنا قعدت أكمل مذاكرة لحد ما سمعت صوت الجرس فطلعت أفتح وكانوا الولاد.
نزلت لمستواهم وحضنتهم.
حقكم عليا إني منزلتش جبتكم.
رد مالك
مټخافيش يا ماما أنا ومالك طلعنا مع بعض وبعدين عدينا جبنا فريدة من الحضانة أصلا إحنا كبار ومش بنخاف