سكريبت بقلم ولاء عمر

قلب ألوان ورد على حليم وقال
ما أنت قليل الذوق.
قليل الذوق يعرف في الأصول الدور والباقي على قليل الأصل والقيمة.
توقعت إنك هتكون بتنسى وزي ما كنا زمان هنرجع وزي ما أنا محتاجك هلاقيك!
معلش بقى لو السقف دا وقع بيك بس أنا مش مسامحكم والله لا بارك لكم وعامة يعني ربنا الحمدلله ربنا بيعوض ورزقني يعني صحاب بقى في بدل الواحد عشرة والحمدلله يعني عندهم أصل واللي أنت خدتها مني الحمدلله إن أنت اللي لبست فيها بس معلش بقى يعني علشان أنا بجد ماحيكم من حياتي ومبقتش بفتكركم يلا من هنا.
بقى كدا وأنا اللي كنت عايز أرجع أصالحك ونصلح العلاقات!
مفيش علاقات أصلا علشان تتصلحوبعدين تعالى دوغري وقول إنك عايز مصلحة إحنا فاهمين بعض يعني.
مش هتسامحني
كان في مسافة بيني ما بينهم وحليم لما رجع كان بيحكي لي وقال إنه سابه ومشي بعد الموقف دا ومردش على سؤاله.
روحنا وهو بيحاول يتغاضى عن اللي حصل ويتعامل عادي لحد ما رن موبايله بعد ما رد وخلص رجع وقعد وهو كأنه بيحاول يستوعب كل اللي حصل.
أنا مش عارف ومش فاهم أو عارف وفاهم بس مش مستوعب.
إيه في حاجة حصلت
واحد صاحبي محامي رن عليا بيقول إن أمير صاحبي مراته سرقته وغدرت وخدت كل حاجة باسمها ورفعت عليه قضية خلع ووهي طالعة من المحكمة خبطتها عربية وهي حاليا بين الحياة والمۏت وأمير قاعد كأنك يا أبو زيد ما غازيت وشقى عمره ضاع منه وبيته اتخرب كل دا لسة النهاردة. الحاډثة لسة حاصلة دلوقتي أصلا.
لا حول ولا قوة إلا بالله من كام سنة شوف عمل ا إيه وربنا رده ليهم بإيه! سبحانه الحكم العدل.
حاسس إننا بحاول أستوعب أنا والله وقتها مشيت وقولت يارب هات لي حقي منهم وأنا هبعد لا ضرر ولا ضرار وخلاص هنتبه لحياتي وكنت عارف وواثق إن مفيش حاجة بتضيع عن ربنا يلا الحمد لله.
ارتاحت يا حليم
كتير ارتاحت قوي كأن كان في جبل على قلبي وإتشال بس ربنا يصلح لهم حالهم ملناش دعوة.
معاك حق.
نزل بعدها لشغله وبعدين خبط مفتحش الباب فخمنت إنه ناسي المفتاح أول ما فتحت الباب كان شكله زعلان فاټخضيت
حليم مالك أنت كويس بخير
مفيش يا نورهان مشكلة كدا في الشغل ومحتاجة لها مبلغ كدا وأنا مش معايا ومكسوف أروح استلف من حد من أهلي لأن المبلغ كبير.
رديت بدون تفكير
وليه تستلف خد الدهب بتاعي واتصرف وحل مشكلتك ومتروحش تستلف من حد.
ابتسم وطلع
من الشقة وبعدين رجع وهو ماسك في إيده وردة وعلبة قطيفة صغيرة.
عامة جبنت وردة واحدة لأنك مش بتحبي الكتير وافتحي بقى شوفي اللي في العلبة.
إوعى العلبة يكون فيها فيل.
في العلبة دي!
مسكتها افتحها بعد ما ضحكت على رده كان خاتم شكله حلو بطريقة متتوصفش.
عملت كدا من باب إني أوقع قلبك بس إنما دهبك دا ليكي وعشانك.
طيب وأنا وأنت إيه يا حليم مش المفروض واحد
يا قلب حليم .
يونس ساب لعبه وجه وهو بيحبي جري عليه.
حضنه وبص لي وقال
حمزة نمرة قال كوبليه في أغنية ليه بيفكرني بينا أول ما بسمعه على طول.
إيه هو
فتح موبايله وبقى صوت حمزة نمرة في الخلفية وأنا باصة ليه وهو بيلعب مع يونس ومبتسمة وحمزة نمرة بيغني وبيقول
ولا حد قدر يفهمني
معرفتش أعبر عني
وحاولنا ومقدرناش
أما أنت يادوب من نظرة
فاهماني بكل وضوح
شايفاني إزاي من جوة
وكإني كتاب مفتوح
من غير ما بقول قرياني
عجناني أوي وخبزاني
واقرب لي كمان من الروح
ما بتلقينيش
براحتي إلا وياكي
وما بشوفنيش
بفضفض غير وانا معاكي.
يظن المرء منا حين يضيع منه مناله بأنه ضاع ولا يدرى أن الله يخبء له من يشبه ويفهمه لا يدري أو ربما ينسى بأن بعد الصبر جبر وبعد الكسر قوة وبعد الحزن فرح.