سكريبت بقلم ولاء عمر

لسة فاكر القهر اللي اتقهرته اللي خلاني قاعد تعبان شهر بحاله مهمل في حياتي وشغلي وكل حاجة .
مسح بإيده على وشه
تلات سنين أنا الزعل بيأكل فيا صعبانة عليا نفسي وصعبان عليا إني هونت أصل كنتو وضحوا من البداية ليه أخد الصدمة كدا! بس عارفة أول ما شوفتهم قاعدين جنب بعض بصيت ليهم وابتسمت وروحت سلمت عليهم وباركت لهم وبينت إنه مش فارق أصل طالما بيعتني يبقى أحطك تحت جزمتي الفلوس بتروح وتيجي والناس بتروح وتيجي رميت ليهم كلمة قبل ما أمشي وبعدها طلعت ومشيت مكنتش شايف قدامي من الزعل والقهر والدنيا سودت حواليا.
روحت البيت لمېت شنطة هدومي وكنت مسافر بس تعبت من الزعل لدرجة إن كان عندي أعراض جلطة بس الحمدلله إتلحقت وبعدها رجعت أشتغل وهلكت نفسي في الشغل لحد ما رميت مشاعري أو أي حاجة ليها علاقة بالحب في البحر ونسيتها.
وليه يعني ليه اتجوزتني أنت اتعافيت من حبها ولا .. ولا لسة حياتك واقفة عند اللحظة دي
يمكن مبقتش أعرف أثق في الناس وحاجات كتير فيا إتغيرت بس إلا إني أكون لسة بحبها ولا إني أكون بفكر فيها أنا الصفحة دي لا قفلتها ولا طويتها.. علشان بكل بساطة أنا حرقتها كفاية الۏجع اللي عيشته.
وقومت إزاي بعد الوقعة دي
كنت حاطط نفسي في زاوية الضحېة وزعلان جامد لحد ما قعدت حد معرفة قديمة غير نظرتي للموضوع كله.
إزاي
قال لي نصيبك يصيبك ولو كان تحت الجبل وما ليس لك لن يصل إليك حتى لو كان قريبا جدا منك وإن هما الإتنين مش خير ليا وإني كنت على نياتي للدرجة اللي مخلياني مش عارف أشوف مدى الخبث اللي في عنيهم وأنا يا نور إستحالة فعلا أكون بفكر فيها أنا لو جه عليا وقت وإفتكرت الموضوع بحمد ربنا إن هما بعدو يمكن بتصعب عليا نفسي وبعدها بفتكر إن لا أنا شبههم ولا هما شبهي فعلشان كدا ربنا بعدهم عني بلاش تشوفي نفسك وتحطيها في عين إعتبار إنك استبن بكمل بيه حياتي وخلاص.
بصيت الناحية التانية علشان عيني متجيش في عينه وقولت
بس أنا خۏفت تكون لسة بتحبها زي ما سمعت فعلا خۏفت تكون فعلا بتشوفها فيا وأنا مجرد حد في حياتك وخلاص خۏفت من الهلاوس لما كنت تعبان جوايا خاېف تكون بتضحك عليا.
مع الوقت الواحد بيكتشف إنه محتاج في الحياة دي حد يسنده وقت ما يميل يلاقي اللي يتسند عليه حياة فيها مودة ورحمة وحب عشرة وكل واحد يكون عارف مسئولياته واللي ليه واللي عليه حد ناضج وأنا يا نورهان لقيت فيكي دا فعلا.
سكتت فقال وهو بيقوم من مكانه وبيقف قدامي وبيربع إيديه
بس سيبنا من كل