عشقت خادمتي بقلم إسراء إبراهيم

هذا الاسكريبت حصري على موقع ايام وغير مسموح بنقله إلى اي مدونة أخري بخلاف مواقع أيام نيوز.
اسكربت
عشقت خادمتي
انتي ازاي جايبة الفيلا بنت غريبة انتي مش خاېفة تطلع زي اللي قبلها وتطلع جاسوسة علينا
شهيرة بثقة لا يا هاشم جميلة مش زي اللي قبلها ريهام هي اللي جت وطلبت تشتغل عندنا بس جميلة بنت غلبانة انا لقتها في الشارع كانت بټعيط بسبب ظروفها اللي اتجبرت تتحط فيها فياريت تثق في كلام امك وتوافق انها تشتغل هنا عالاقل هتاخد بالها من علاجي انا وتبقي مساعدة ليا
هاشم بانفعال خفيف يا امي انا خاېف عليكي انتي عارفة ان عمي كارم مش سهل وبيكرهنا بسبب ورث ابويا يعني ممكن يكون هو اللي زاققها علينا وبعدين ميغركيش شكلها البرئ ده
كانت واقفة جميلة دموعها في عنيها وهي شايفة وسامعة كلام هاشم عنها لكنها مجبرة تسكت لانها مالهاش حد ولا تقدر حتي انها تفضل في الشارع يوم واحد عشان كدة كانت ساكتة ومستنية الحكم اللي هيتحكم عليها
شهيرة بتنهيدة يا هاشم متتعب قلبي قولتلك جميلة مختلفة ومالهاش علاقة بمشاكلنا مع عمك انا خلاص جبتها وهي هتفضل هنا اهو تساعدني وتاخد بحس حمزة ابن اختك الله يرحمها
هاشم بعصبية كله الا حمزة الينت دي مش هتقرب منه يا ماما صدقيني لو شوفتها قريبة منه انا هزعلها
خاڤت جميلة ورجعت لورا بتلقائية وهي باصة لهاشم االي مكنش باصص ليها من الاساس
شهيرة بابتسامة يعني انت وافقت انها تقعد خلاص
هاشم بضيق اللي حضرتك شايفاه اعمليه بس اعرفي اني لو لقيت اي تصرف منها مشكوك فيه انا همشيها فورا
شهيرة بابتسامة لا متقلقش جميلة هترفع راسي وهتطلع بنت كويسة جدا م كدة يا جميلة
جميلة پخوف اه والله يا هانم متقلقيش
شهيرة بحنان لا مش قلقانة والله انتي هتاخدي. بحسي احسن هاشم من وقت ما اكتشفنا خېانة ريهام وهو مشي كل الشغالين هنا وانا بقيت لوحدي
جميلة بتردد ان شاء الله اكون عند حسن ظنك يا هانم
شهيرة بابتسامة يلا وريني بقي هتأكليني ايه احسن جعانين جدا
جميلة بسرعة ربع ساعة ويكون الاكل جاهز يا هانم بعد اذنكم
دخلت جميلة عالمطبخ ووقف هاشم ينفخ بضيق
هاشم بضيق يا ماما انا ما زلت مش راضي عن وجود البنت دي مشيها وانا هجبلك حد ثقة
شهيرة بتنهيدة يا حبيبي انا نظرتي مبتخيبش في الانسان وجميلة بنت غلبانة الدنيا ظلمتها وانا لو مشيتها هبقي انا كمان جيت عليها فياريت تثق فيا وتسيبلي الموضوع ده وتفكر في خطيبتك اللي مبتسألش عليها بقالك اسبوع
هاشم بضيق يا ماما انا مبحبش دلع البنات الماسخ وفريدة دلعها ماسخ اووي كمان ده غير بقي انها مبتبطلش طلبات كأني فانوسها السحري
شهيرة بحيرة والله يابني القرار كان قرارك وانت اللي طلبت ترتبط بيها انا عن نفسي مكنتش مرتاحة ليها اصلا طريقة دخولها حياتك كانت غلط عموما براحتك والقرار يرجعلك انا مش هقول حاجه
هاشم وهو بيقوم من مكانه انا هطلع اشوف حمزة زمانه صحي وزعلان مني عشان معدتش عليه وانا نازل الصبح
شهيرة بحب ماشي يا حبيبي روحله وانزلو عالغدا
.................................
كان قاعد حمزة عالسرير وباصص قدامه بتكشيرة لحد ما دخل عليه هاشم اللي فهم علطول انه زعلان منه
هاشم بابتسامة ايه ده بطلنا صاحي وقاعد مكشر بقي ينفع كدة
حمزة بطفولة انا مش هرد عليك عشان انا زعلان منك
هاشم پصدمة مصطنعة يا خبر زعلان مني مرة واحدة لا كدة انا لازم ادفع شرط الجزاء بتاعي واصالحك فورا
حمزة بتخمين وايه هو شرط الجزاء ده
هاشم بتفكير مصطنع يعني مثلا اخدك بعد الغد ونطلع ناكل ايس كريم برة ونركب خيل
حمزة ابتسم بسعادة بجد انت احسن خالو في الدنيا انا بحبك اوي
هاشم بحب وهو حمزة وانا كمان يا روح قلب خالو يلا قوم بقي خد دش وغير هدومك عشان ننزل نتغدي سوا
حمزة بسعادة ماشي موافق بس كدة احنا هنسيب تيتة لوحدها لو خرجنا بص احنا ممكم ناخدها معانا مش كدة
ابتسم هاشم بحب متقلقش يا حبيبي تيتة مش لوحدها في بنت جديدة اشتغلت هنا وهتاخد بالها منها
حمزة بحماس وهو بيتنطط بجد في حد جه جديد الفيلا ان الازم انزل اشوفها اكيد هنبقي صحاب و
هاشم بمقاطعة لا يا حمزة اسمعني كويس انت هتفضل بعيد عن البنت دي واوعي الاقيك بتتكلم معاها فاهم
حمزة باستغراب وهو بيكشر ليه طيب اكيد هي طيبة مش شريرة
هاشم باصرار هي مش هتبقي صحبتك ولا هتتكلم معاها اتفقنا لو بتحبني بجد ومش عاوزني ازعل منك ملكش علاقة بيها ومتكلمهاش
حمزة بتكشيرة حاضر خلاث مش هكلمها هروح اخد دش انا بقي ماشي
هاشم بابتسامة تمام يا حبيبي يلا عشان ننزل سوا
حمزة بحماس ماشي فوريرة يا خالو
دخل حمزة حمامه يجري ووقف هاشم ينفخ بضيق وهو بيفكر يقنع امه ازاي انها تمشي البنت دي
..............................
كانت واقفة جميلة في المطبخ بتعمل الاكل ودموعها بتنزل علي خدها بمرارة وهي بتفتكر حياتها قبل كدة اما كانت عايشة مع امها وابوها في سعادة وحياتها اللي اتقلبت 180 درجة لما ابوها اټوفي وامها اتجوزت تاني مسحت دموعها بايديها لانها خلصت وبدأت تخرج الاكل عالسفرة وهي خاېفة احسن الاكل ميعجبش اللي اسمه هاشم ويتلكك ويطردها لانه واضح انه مش موافق انها تعيش معاهم وكأنه مش كفايا انها وافقت تهين نفسها وتشتغل خدامة ليهم.... بدأت جميلة ترص الاطباق عالسفرة وتخرج الاكل تحت نظرات هاشم اللي كان قاعد وجمبه حمزة ابن اخته وامه عالسفرة واول ما جميلة خلصت كانت هتدخل بس وقفها هاشم بصوته الحاد
هاشم بحدة استني عندك حد اذن ليكي تمشي
جميلة بحزن اسفة
هاشم بعجرفة مش مهم اسفك يلا دوقي الاكل ده كله عشان اطمن انك مش حاطة فيه حاجة
جميلة اټصدمت وبصت لشهيرة بكسرة وعيونها اتملت دموع بس انا مش حاطة حاجة والله
هاشم بتجاهل دموعها مش فارق معايا حلفانك يلا دوقي من غير شوشرة
جميلة بحزن حاضر يا بيه
قالت كدة جميلة واكلت من الاكل اللي عملته بايديها قدامهم كلهم تحت نظرات هاشم اللي كان بيبصلها ببرود وشهيرة اللي كانت صعبان عليها جميلة اوي واحراجها قدامهم
جميلة بدموع حضرتك اتأكدت ان الاكل مفهوش حاجة
هاشم ببرود تقدري تمشي يلا علي مكانك
مشيت جميلة اول ما هاشم قال كدة ودموعها بتنزل منها ڠصب عنها ووقتها اتكلمت شهيرة
شهيرة پغضب انت حتي محترمتش وجودي وهنت البنت قدامي انا للدرجادي مليش لازمة
هاشم بضيق يا امي العغو انا بس كنت بطمن انها فعلا مش مزقوقة علينا
شهيرة پغضب وتفتكر بزكاءك لو كانت مزقوقة علينا كانت استنت لحد ما انت تيجي من شغلك ما كنت معاها انا وحمزة وكانت عملت اللي جاية عشانه بس للاسف مبتفكرش غير بطريقة ابوك اللي انا سبته عشانها للاسف معرفتش اخليك متكونش شبهه للاسف خزلتني في تربيتي ليك لدرجة انك مبتقتش تفكر في مشاعر اللي حواليك ومبقاش يهمك غير نفسك كان المهم عندك ان الاكل تمام واديك اتأكدت تقدر تاكله لوحدك بقي
قالت شهيرة اخر كلامها پغضب وهي بتقوم فاضايق هاشم وقام بسرعة
هاشم بلهفة علي فين بس