تحت الضغط بقلم اسراء ابراهيم

بثقة وقوة مزيفة لا صدقيني انا عارفة عارفة انك بتكرهيني بسبب بابا بس تعرفي انا عمري ما كرهتك رغم معاملتك ليا من صغري رغم كل ده بس مش قادرة اكرهك واقسي عليكي زيك رغم انهم بيقوله ان قلب الام بيشيل ويستحمل اي حاجة عشانهم بس انتي الوحيدة اللي خلتيني مصدقش ده عارفة ليه لان كتر قساوتك عليا علمتني الجحود يمكن لو كنت شوفت حنيتك عليا مكنتش هقف قدامك دلوقتي واقولك الكلام ده بس حقيقي انا خلاص بقيت بكرهك فعلا ولو همشي من البيت ده فانا اوعدك اني مش هرجعله تاني عشان متقابلش معاكي وتعرفي رفم اني بنتك الا اني متأكدة اني مش هطلع شبهك مش هاخد ولادي بذنب ابوهم حتي لو طلع مش كويس
خلصت كلامي وانا مڼهارة وبصيت لاسلام قولتله بكسرة انل اسفة بس هي دي حقيقتي ويا توافق بيا يا ترفض ووقتها مش هعتب عليك
لقيت اسلام بيقرب مني وبيمسك ايدي وكأنه بيدعمني فابتسمت من بين دموعي بس اللي متوقعتش انه يحصل ان مامته كمان تقرب مني وتاخدني في حضنها وتطبطب عليا واتفاجأت بيها بتقولي متزعليش يا بنتي اوعدك اني اعوضك عنها واعتبرك بنتي اللي مخلفتهاش
مش قادرة اوصف احساسي وقتها كان ايه اني اسمع الكلام ده من واحدة غريبة عني لمجرد اني صعبت عليها وامي اللي انا من ډمها متشفقش عليا حتي دموعي وقتها نزلت مطر وبصيت لامي اللي حسيت لاحظة انها اتهزت لكنها دورت وشها فتخيلت اني شزفت غلط اكيد اصل معقوله اكون صعبت عليها
.....................................
عدي كام شهر واتجوزت والحقيقة اني كنت فرحانه اني اخيرا همشي واستقل بحياتي عالاقل مش هتخانق مع امي ومش هسمع واشوف كرهها ليا طول الوقت عدي اربع سنين كانو حلوين اوي بكل اللي مريت بيهم ربنا عوضني بماما سناء اللي فعلا كانت ونعم الام وكمان بقي عندي بنوتة سمتها رقية علي اسم اختي والحقيقة ان رقية كانت فرحانة اوي اني سميت بنتي علي اسمها والاهم بقي من كل ده اني دايما بوريها صورة ماما واقولها ان دي تبقي تيتة مامت ماما زي تيتة سناء مامت بابا ماهو انا اتعلمت من حياتي ان مهما كان الانسان ليه مشاكل مع اهله بس في الاخر الاولاد ملهمش ذنب ولازم يتعودو انهم ميتدخلوش في المشاكل دي
جرس البا رن فجريت رقية تفتح وانا وراها واتفاجأت بماما قدامي حقيقي مكنتش متخيلة ولا مستوعبة انها قدامي وهي كمان كأنها اتفاجأت بشكلي اللي اتغير وكمان ببنتي رقية اللي جريت عليها ونادتها بتيتة ووقتها لقيت ماما عنيها دمعت وهي بصالي وكأنها بتسألني هي عرفتني ازاي فلقيت نفسي برد عليها اصلي دايما بوريها صورتك وبقولها ان دي تيتة مامت ماما
حستها فرحت اوي لاول مرة
اشوفها فرحانة بحاجة انا عملتها ولقتها حضنت رقية بنتي اوي وبعدين بصتلي بندم ايوة انا شوفت الندم في عنيها واتأكدت لما اتكلمت هي
فاطمة بندم انا اسفة حقك عليا سامحيني يا بنتي
بكيت بجد معرفش انا حسيت ايه وقتها بس كل اللي قالته حاجة وكلمة بنتي لما قالتها حاجة تانية ابتسمت من بين دموعي وجريت عليها زي الطفلة اللي كانت امها غايبة عنها ورجعت معرفش فصلت حاضناها قد ايه حقيقي معرفش بس كنت مبسوطة اوي اوي وانا في حضنها اصله كلن ليه طعم تاني مختلف عن حضڼ اي حد ايوة ماهو حضڼ الام بقي
فاطمة بندم انا عارفة اني كنت غبية ووحشة ڠضبي من ابوكي خلاني اشوفك فيه دايما يمكن عشان هو ماټ ومقدرتش حتي اعاتبه واسأله عمل كدة ليه بس انا عارفة انه مش مبرر والمفروض مش اخدك بذنبه بس انا عشان كنت بحبه اوي يا هدي فكنت بشوفه فيكي يمكن عشان مقدرتش اكرهه حتي بعد اللي حصل حقك عليا لاني مكنتش ليكي الام اللي بتتمنيها
ابتسمت ولقتني برد بثقة مسامحاكي واللي حصل انا راضيه بيه لانه عالاقل خلاني ازرع في بنتي ان مهما حصل هي هتفضل في قلبي وغلاوتها مش هتتغير مهما عمل ابوها ومهما كان بيني وبينه هتفضل هي في قلبي ومستحيل ائذيها عشان كرهي ليه وزي ما انتي اتعلمتي الدرس يا امي انا كمان اتعلمت اني مهما حصل فانتي امي وانا مستحيل اكرهك مهما عملتي
دموع امي ذادت اكتر لما قولت كدة ووقتها حسيت انها ندمانة اوي لانها مسحت دموعي وقالتلي بابتسامة انا كنت جاية ومتأكدة انك هتسامحيني وصدقيني يا بنتي انا رغم معاملتي ليكي بس انا كان دايما شئ جوايا بيقولي ان اللي بعمله غلط بس انا كنت اغبي من اني اسمع لقلبي والحمد لله اني صلحت كل حاجة قبل ما اموت
كان كلامها كفايا يداوي چروح سنين جوايا ماهي في النهاية امي مهما حصل اكيد اللي حصل مش هنساه وهيفضل معلم في قلبي ويمكن يأثر عليا في حياتي مع بنتي بس المهم اني اتعلم من اللي حصل واني اعوضه في بنتي واعلمها ان امك مهما حصل هتفضل امك وحتي لو جه وقت وهي نسيت مسيرها هتفتكر وترجع ووقتها لازم تسامح لانها امك والام مبتتعوضش....