تحت الضغط بقلم اسراء ابراهيم

انا اللي هقرر تتجوز ولا لا وقررت لان الشاب محترم وكويس والف بنت تتمناه
ابتسمت من بين دموعي وانا باصة من بعيد لبابا عزت لانه رغم ان دي مش اول مرة يدافع عني ورغم ان دي فعلا الحقيقة بس كلامه لمس قلبي وحسيت وقتها اني فعلا مش لوحدي بس للاسف فرحتي مكملتش لما فجأة عيوني حجرت وانا سامعة ماما بترد عليه
فاطمة باندفاع خلاص يبقي رقية بنتي اولي بيه
عزت پصدمة انتي اټجننتي يا ولية ايه اللي بتقوليه ده وهي هدي مش بنتك
وكأنه بابا عزت فتح ۏجع سنين عند امي ولقتها بترد عليه بانفعال وڠضب لا مش بنتي مش بنتي يا عزت دي بنته هو بنت مجدي اللي خاني وخلاني عايشة مخدوعة انت فاهم قولتلك دي مش بنتي ولو كنت بايدي اقدر اسقطها كنت هعمل كدة كفايا ان كل ما ببص في وشها بفتكره وبفتكر هو عمل ايه فيا
قفلت الباب وحطيت ايدي علي ودني وانا مش مستوعبة اللي امي بتقوله للدرجادي پتكرهني طب انا ذنبي ايه حتي لو بابا عمل فعلا كدة انا ذنبي ايه تعبت والله تعبت ومبقتش قادرة اتحمل المفروض هي اكتر حد اكون محتجاله دلوقتي اكتر حد اجري عليه واشتكيله همي بقيت ماما اكتر حد بيوجعني مسكت راسي من التعب ووقتها محستش بنفسي غير وانا بتهبد عالارض بس قبلها خبطت في سن الكوميدينو ووقعت محطتش منطق
...............................
فتحت عيني بتعب بس لقتني في مكان مش في اوضتي ووقتها افتكرت اللي حصلي واني اغمي عليا يبقي اكيد انا في مستشفي افتكرت وقتها كلام امي مع بابا عزت دموعي نزلت بصمت في نفس الوقت اللي دخلو فيه كلهم يطمنو عليا
رقية بلهفة هدي حبيبتي انتي كويسة
رديت بتعب اه يا حبيبتي متقلقيش عليا انا كويسة والله
عزت بفرحة حمدالله علي سلامتك يا حبيبتي ربنا نجاكي الحمد لله اني سمعتك وانتي بتتهبدي عالارض مين عارف كان هيحصل ايه
ابتسمت بتعب لبابا عزت ولخوفه اللي باين في عنيه ورديت عليه انا كويسة يا بابا متقلقش عليا بنتك حديد
بصبت عليها كانت واقفة بعيد كأنها غريبة عني كان نفسي اشوف بس في عنيها انها خاېفة عليا بس للاسف مشوفتش غير قسۏة وبرود ووقتها فهمني بابا ولقيته راح جابها من ايديها بعد ما ضغط عليها وقربها مني عشان تتكلم
فاطمة ببرود الف سلامة ياريت تبقي تاخدي بالك بعد كدة
رديت بسخرية ده علي اساس انك خاېفة عليا عموما متقلقيش انا خلاص خفيت خفيت من حاجة وهرجع طبيعية تاني
كنت قاصدة كل حرف بقوله وانا بصالها بس هي مهماش حاجة وسابتني وخرجت وكأنهما خلاص عملت اللي عليها وخرجت وراها رقية وفضل بابا عزت بس اللي معايا
عزت بابتسامة حبيبتي متزعليش من امك هي بتحبك بس هي عندية عاملة