تحت الضغط بقلم اسراء ابراهيم

زيك علي فكرة
رديت بحزن انت بتواسيني يا بابا فاكرني زعلانة مش كدة عموما متقلقش عليا انا كويسة انا بس هطلب منك طلب
عزت بحب اؤمري يا ست البنات وبعدين طلب واحد بس انتي تطلبي عشرة
ابتسمت بتعب انا عاوزاك تقف جمبي لحد ما اتجوز وامشي انت الوحيد اللي هتخلي الجوازة دي تكمل ياريت تساعدني
قولت كلامي بحزن مقدرتش اخبيه ووقتها لقيته بيبصلي بعتاب عارفة اني استحقه بس انا للاسف لازم ابعد فعلا عنها فمفيش مجال اني اتراجع
عزت بعتاب اخس عليكي يا هدي يا بنتي هو انتي للدرجادي مستقلية بيا فاكراني عويل مش هقدر اصرف عليكي يعني انا لو كنت موافق علي الشاب ده فعشان لقيته كويس ومحترم مش عشان عاززك تبعدي يا بنتي انا عاوزك ترتاحي
رديت بسرعة ولهفة وانا والله عارفة ومتأكدة من اللي حضرتك بتقوله وعشان كدة انا بطلب منك تكمل وتخليني اتجوز وامشي صدقني لاني مش هقدر اعيش معاها في مكان واحد تاني وانا عارفة انها كارهاني ارجوك يا بابا عزت انا موافقة علي اسلام واتمني حضرتك تقف جمبي
وقتها ابتسم بابا بشفقة عليا لاني كنت صعبانة عليه وطبطب عليا وهو بيحرك راسه بموافقة فابتسمتله بحب لاني مش عاوزاه ابدا يحس انه قصر معايا في اي شئ
...................................
كنت واقفة قدام المراية بظبط طرحتي ومعايا رقية اختي اللي كانت فرحانة عشاني عكس امي اللي كانت بتتعامل مع يوم خطوبتي كأنه يوم عادي انا عارفة انها قصدها تحسسني انها مش فرحانه عشاني وعادي انا اصلا خلاص اتعودت علي جفاءها معايا خرجت لما بابا نادي عليا ووقفت قدام اسلام ومامته وباباه وسلمت عليهم وقعدت بس كنت متوترة اوي فبصيت علي ماما قولت يمكن الاقيها حاسة بيا اصلا اسمع ان اليوم ده بيبقي مهم بين الام وبنتها بس صحيح ده لو حد طبيعي مش امي انا عشان لما بصتلها دورت وشها ببرود فنزلت وشي في الارض بحزن وسمعت وقتها سناء مامت اسلام بتتكلم بود وبتوجه كلامها لماما
سناء بود متقلقيش يا ام هدي بنتك في عيوني يا حبيبتي وهنحافظ عليها
فاطمة ببرود مش مهم اهم حاجة بس مترجعوش تقوله ياريتنا ما خدناها
بصتلها پصدمة وانا مش مستوعبة اللي هي قالته هي بجد قالت كدة وده مكنش رد فعلي انا لوحدي لان كلهم استغربو وبصو لبعض وخصوصا سناء اللي المفروض هتبقي حماتي
عزت بسرعة جري ايه يا فاطمة الناس يقوله ايه بس صدقيني يا ام اسلام بنتي هدي مش هتلاقي احسن منها في الدنيا كلها
كان لازم ارد حقيقي مكنتش هقدر اسكت وخصوصا المرادي لقيت نفسي بستجمع شجاعتي وبتكلم بثقة اعذريني يا طنط بس ماما متعرفش عني حاجة غير اسمي واني بنت الراجل اللي خاڼها فطبيعي تقول كدة
فاطمة بسخرية كويس انك عارفة
لقتني برد