تحت الضغط بقلم اسراء ابراهيم

السلام عليكم ازيكم ياقمرات اعرفكم بنفسي انا هدي وصدقوني اسم علي ما يسمي فعلا لاني بطبعي هادية بس للاسف حياتي كانت غير كدة خالص هتصدقوني لو قولتلكم اني يتيمة ام واب رغم ان امي عايشة للاسف عشت طفولتي كلها بتحاسب علي غلطة بابا عملها مع امي وهو انه طلع خاېن وللاسف عرفت امي بحملي بعد ما اطلقت منه ومن وقت ما جيت عالدنيا وهي بتحاسبني علي غلطته وخصوصا اني طلعت شبهه من وقتها وانا بتعامل منها معاملة مرات الاب رغم انها امي تعرفو ان جوزها بيعاملني احسن منها اه منا نسيت اقولكم انها اتجوزت وخلفت رقية اختي اصغر مني بتلات سنين وانا بحبها والله بس اوقات بحس اني بكرها بسبب معاملة امي الحلوة ليها تخيلو انها كانت طول السنين دي بتفضلها عليا في كل حاجة وكل ده كوم واللي بدأ يحصل من اول ما اسلام زميلي في الشغل اتقدملي كوم تاني
فاطمة پغضب انتي تعرفيه منين يا هدي الشاب ده انطقي طبعا تلاقيكي كنتي ماشية معاه مش كدة
هدي پصدمة ماما انتي بتقولي ايه انا بنتك ازاي تقولي عني كدة
فاطمة بانفعال انا عارفة بقول ايه ما انتي طالعاله في كل حاجة اسمعي يابت انتي انتي هتنسي الواد ده انتي فاهمة مفيش جواز انتي هتفضلي كدة قاعدة جمبي لحد ما تعنسي
هدي بحزن انا لو عليا مش عاوزة اتجوز اصلا انتي خلتيني بقيت كارهة الحياه وكل حاجة تفتكري هيفرق معايا اني اتجوز وبعدين انا اصلا مكنتش اعرف ان اسلام زميلي هيتقدملي
فاطمة بسخرية فاكراني هصدقك يا حبيبتي مش كدة امشي غوري من وشي خلتي اليوم يقفل بسببك
مسحت دموعي وكالعادة اخدت بعضي ودخلت اوضتي ووقتها سمعت صوت امي وهي بتكلم رقية اختي اللي كانت لسة داخلة من الكلية فقربت وفتحت باب الاوضة ووقفت اشوفهم وهما حاضنين بعض واشوف امي وهي بتقول كل كلام الحنان والحب لرقية ووقتها غمضت عيني بحسرة وقفلت عليا باب الاوضة وروحت علي سريري واستسلمت للنوم اللي بهرب بيه كالعادة بس المرادي صحيت علي کاړثة وصوت زعيق جامد فقومت بخضة وطلعت برة اشوف في ايه
فاطمة پغضب يعني ايه انت وافقت عالجوازة دي وكلمت الواد ده واديتله معاد انت بتحطني قدام امر واقع دي بنتي وانا اللي اقرر اجوزها ولا لا
شهقت پصدمة وبصيت لبابا عزت وهو بيبص لامي بنظرات ڼارية بعد ما علت صوتها عليه وبدأ يزعق هو كمان بس بصوت اقوي
عزت پغضب انتي صوتك ميعلاش هنا انتي فاهمة واوعي تفتكري ان ده بيتك وانا قاعد عندك فوقي يا فاطمة واعرفي انتي بتقولي ايه انا هنا راجل البيت وهدي دي بنتي زي رقية بالظبط وعمري مافرقت بينهم وزي ما انا اللي ربيتها