طفلة اليونس بقلم اسراء ابراهيم

مشيتي خلاص
رهف بجدية
لا لسه.... بس متقلقيش همشي قريب اوي
ملك بخبث وهي بتبص ليونس اللي خرج من اوضته
كويس إنك لسه هنا اصل قريب اوي هتفرحي بيا انا ويونس
يونس اتفاجئ وبص لرهف بتوتر وكان هيرد علي ملك بس سبقته رهف
رهف بنبرة جدية
يونس شخص محترم ويستاهل كل خير .... ومبروك مقدما
ملك بغيظ وهي بتحاول تستفزها أكتر
يعني مش فارق معاكي يبقي انا ظلمتك بقي.... أنا كنت فاكراكي متعلقة بيه بس يمكن كنت متوهمة.
رهف بصتلها بثبات
رهف دي كانت طفلة لكن اللي قدامك حد تاني
ملك ابتسمت بسخرية ومشيت ناحية يونس و قربت منه شوية زيادة عن اللزوم وحاولت تلفت انتباهه بس يونس كان عينه على رهف اللي اضايقت
وسابتهم بهدوء وطلعت البلكونة تقف شوية في الهوا. بس قلبها كان مقسوم نصين رغم انها بتحاول تبين إنها قوية بس جواها بركان وثواني ولقت يونس واقف جنبها
يونس بهدوء
انتي كويسة
رهف بتلقائية وهي بتبص قدامها
الحمد لله انت جيت هنا ليه وسبت ملك
يونس وهو قرب شوية
أنا بحاول أفهمك من أول وجديد يا رهف.... بصراحة حيرتيني معاكي
رهف بابتسامة صغيرة
الموضوع مش مستاهل كل ده أنا نفس الشخص بس كنت تايهة شوية ودلوقتي رجعت
يونس بعيون حنينة
رجعتي بس مختلفة هادية أكتر غامضة أكتر بس برضه في حاجة في صوتك مش طبيعية... رهف انا عاوز اسمعك.... حسسيني انك رهف اللي اعرفها
رهف بصتله بحزن
يمكن عشان بقيت بسمع صوتي بعقلي مش بعواطفي يا يونس
يونس بصوت كله حيرة
رهف إنتي فاكرة لما قولتيلي إنك بتحبيني انا عاوز اعرف احساسك دلوقتى ايه.
رهف اتشدت و قلبها وقع في رجليها بس رفعت راسها وقالت بهدوء
كنت طفلة يا يونس وبعدين مش كل حاجة بنقولها واحنا مش في وعينا بتتحسب علينا وبعدين متقلقش انا عارفة اني كنت مرخمة عليك اوي واكيد عمرك ما كنت هتحب طفلة
يونس قرب أكتر وهمس
ومش يمكن انتي غلط وانا فعلا حبيت رهف الطفلة
رهف قلبها دق واټصدمت واتوترت اوي
أنا هدخل الهوا برد شوية.
ومشيت بسرعة قبل ما عيونها تفضحها ويونس وقف مكانه قلبه بيدق ولسانه اتربط بس علي وشه ابتسامة كانه رجعله الامل
يونس وهمس لنفسه
كل مرة تهربي مني يا رهف بس انا بقي مش هسكت وهعرف انتي شايفاني ازاي
......................
بعد يومين كان يونس واقف قدام باب الشقة وعلي وشه ابتسامة واسعة واول ما دخل نادي علي رهف بصوت عالي
رهف بقلق
في ايه يا يونس..... ومالك بتنهج كدة ليه بس
يونس وهو بيشاور علي الموبايل
خلاص يا رهف جدتك كلها ساعة وتبقي هنا.... كلمتني وقالتلي انها جاية
رهف بسرعة بتقرب من يونس
بجد يا يونس تيتة فعلا جاية
يونس بابتسامة هادية
أيوة جاية قالتلي أول ما توصل العنوان هترن عليا انزل احيبها
رهف بدموع فرح في عيونها
مش مصدقة كنت فاكرة خلاص مش ممكن اشوفها تاني
يونس وهو يقرب منها
تيتة إيه اللي تنسى حفيدتها دي كانت ھتموت من القلق عليكي وسألتني كتير عنك وعن اخبارك
رهف قربت من يونس وابتسمت بامتنان
شكرا يا يونس لو مكنتش انت في حياتي مكنتش هبقي رهف اللي قدامك دلوقتي
يونس بابتسامة
المهم اني شايف السعادة في عنيكي دلوقتي يا رهف
وفعلا شوية والتليفون رن ويونس ابتسم ونزل بسرعة وشوية وجه بمريم جدة رهف اللي اول ما شافتها جريت عليها و قلبها بيدق پعنف وحضنو بعض بتأثر
مريم بصوت مخڼوق
وحشتيني يا قلب تيتة..... انا فرحت اوي لما قالي يونس انك بقيتي كويسة.... كنت كل يوم بدعيلك والحمد لله دعوتي استجابت
رهف وهي بتحضنها بقوة
وانتي كمان يا تيتة وحشتيني اوووي
مريم وهي بتحضنها بدموع
خلاص يا رهف مبقاش فيه عصام...... الحمد لله راح للي خلقه... ربنا اخدلك حقك منه
رهف بلهفة
بجد يا تيتة.... يعني عصام مش هيقرب مني تاني.... انا كل يوم بحلم باليوم اللي حاول يقرب مني فيه وانتي مش معايا ولما لحقتيني في اخر لحظة لما كنت هرمي نفسي من الشباك..... حاسة كأن اليوم ده امبارح
مريم بابتسامة حزينة
يا حبيبتي خلاص انسيه ..... اهو عمل حاډثة وماټ ومبقاش موجود.... منه لله بقي......
رهف بابتسامة
الحمد لله..... كدة هرجع اعيش معاكي تاني... انا مش مصدقه
يونس كان متابع وهو في قمة غضبه ومش مصدق ان فعلا ىهف مرت بكل ده
مريم وهي بتبص ليونس بعيون مليانة شكر
ربنا يجازيك خير يابني انت متعرفش انا حبيتك ازاي.... امت فعلا راجل شهم
يونس بابتسامة
تسلمي يا حاجة مريم.... انا معملتش حاجة.... ولو اي واحد في مكاني كان هيعمل كدة واكتر
رهف بابتسامة وهي تمسك إيد جدتها
عارفة يا تيتة يونس وقف معايا من أول لحظة حقيقي مهما عملت مش هقدر اوفيه حقه
مريم وهي تمسح على شعرها
الحمد لله يا بنتي.... المهم دلوقتي انك بخير ويونس اكيد مش هيسيبنا.. هيبقي يسال علينا برضه
رهف بصت ليونس بحزن واتمنت لو تقدر تقوله ميتخلاش عنها بس هي عارفة انه محبهاش نفس الحب اللي حبتهوله وكمان ملك اكدت انهم هيرتبطو فكانت حزينة اوي وهي بصاله بس قطع نظراتهم صوت ملك اللي دخلت من باب الشقة
ملك پشماتة
اايه ده انتي ماشية يا رهف..... صحيح هتقطعي بينا.... بس هنبقي نزورك انا ويونس.... مش كدة يا يونس
رهف بصت لملك ومردتش عليها
تيتة انا هدخل احضر شنطتي
يونس بلهفة
استني يا رهف..... انا عاوز اسألك سؤال وتجاوبيني بصراحة
رهف بابستغراب
اتفضل يا يونس
يونس بثقة
تتجوزيني انا عارف انك مش هينفع تسيبي تيتة بس انا كمان مش هر اسيبك تبعدي عني لاني بحبك واتعلقت بيكي..... عشان كدة بطلب ايديكي رسمي
ملك بصت ليونس پغضب وغيظ واتأكدت انه فعلا حب رهف فسابته ومشيت وهي بتبرطم پغضب ورهف كانت مصډومة وهي باصة ليونس ومش مستوعبة اللي قاله
رهف بتهتهة
يونس انت بتقول ايه
هوايدا بابتسامة وفرحة
الواد اخيرا نطق اهو وطلب ايديكي... ولا انتي بقي بتداعي وعاوزة تسمعي كلامه تاني
يونس بهيام
بقولك اتجوزيني يا رهف وانا اوعدك اني اكون ليكي كل حاجة وانك الوحيدة اللي تسكني قلبي
رهف بدموع فرحة
موافقة يا يونس.... اصلا انا بحبك من وانا طفلة وانت متأكد بس انا اللي مكنتش متأكدة انك بتحبني وخصوصا اما ل
يونس بمقاطعة
اانا بحبك من اول ما عنيا وقعت عليكي بس مكنش ينفع اقول عشان مكنش بخون الامانة اللي جدتك امنتني عليها فهمتي
رهف بفرحة
فهمت يا يونس
يونس بعشق
واخيرا قدرت اعترفلك اني بعشقك يا قلب يونس
تمت