طفلة اليونس بقلم اسراء ابراهيم

هتبعد زي ماما وتسيبني لوحدي
يونس بحنان
لا مش هسيبك مټخافيش..... انا معاكي لحد ما ترجعي لتيتة
رهف بابتسامة
شكرا يا عمو يونس.... انت طيب اوي اوي
يونس بابتسامة وهو بيرجع يدور العربية
انتي اللي طيبة يا رهف وبريئة اوي اوي وشكلي ورطت نفسي ...
رهف بحماس
احنا كدة هنروح فين بقي
يونس باستسلام
هنروح البيت ......مع اني عارف ان أمي لو شافتك هتعمل فيا محضر خطڤ مش استضافة
.................................
كان يونس داخل من الباب بخطوات سريعة ووراه رهف اللي كانت لابسة جاكيته الكبير اللي مغطيها وعيونها بتدور في المكان بحذر لحد ما شافتهم هوايدا ام يونس وهي خارجة من المطبخ
هوايدا بحدة هو إنت اټجننت يا يونس! دي مين اللي داخلة معاك
يونس اتجمد في مكانه وبص لأمه بقلق وهو بيحاول يهديها
يونس بسرعة
استني بس يا أمي... دي بنت صغيرة كنت هسيبها في الشارع يعني! لقيتها تايهة ومحدش معاها قولت أجبها لحد ما جدتها تتواصل معايا.
هوايدا وهي بتقرب پغضب وبصوت عالي
يعني جايبلي بنت من الشارع! يا ابني إنت بتفكر ازاي! إنت عارف لو البوليس عارف إنك مبيت معاها هناده ممكن يتهموك بخطڤها وتروح في شربة مية
يونس بحزم
مش هيحصل متقلقيش... وبعدين البنت دي مکسورة ومحتاجة أمان... أمان يا أمي مش تحقيقات... شوفي شكلها بنت صغيرة وعينيها كلها خوف... مش طبيعية اصلا
رهف بصوت رقيق وهي بتبص لهوايدا
مساء الخير يا طنط... أنا اسمي رهف... أنا مش مؤذية خالص والله... أنا بس تايهة وكنت عاوزة أشوف تيتة وعمو يونس ساعدني
هوايدا بصتلها باستغراب
هي بتتكلم كدة ليه يا يونس..... دي باين عليها كبيرة يعني..... إنتي عندك كام سنة يا بنتي
رهف بابتسامة بريئة عندي 15... بس كبيرة.... تيتة مريم كانت دايما تقولي انتي بقيتي عروسة
هوايدا بصت ليونس وبصوت واطي كلمته
يا نهار أبيض... دي مش طبيعية... دي بتتكلم كأنها عندها سبع سنين مش 15 حتي.
يونس وهو بيهز راسه
أنا قولتلك يا أمي... أنا شوفت في عنيها ۏجع كتير... وحاجة مش مفهومة... وهي قالتلي إن جوز أمها بيكرهها ومړعوپة ترجعله وحجات كتير متلغبطة... تخيلي اني روحت العنوان اللي هي ادتهوني وفعلا طلع بيتها وقابلتني جدتها ولقتها بتقولي خدها تاني وامشي وقالتلي هكلمك وهفهمك كل حاجة
هوايدا بدمعة في طرف عينها
باين عليها وراها حكاية....طب ناوي تعمل إيه دلوقتي
يونس بتنهيدة
مستني جدتها تكلمني... كانت هتتصل تفهمني كل حاجة وتقوللي تاخدها إمتى... بس لحد ما ده يحصل أنا مش هسيبها.
هوايدا قربت من رهف وقعدت جنبها وبصتلها بشفقة
طب يا حبيبتي جعانة عاوزة تاكلي حاجة
رهف وهي بتقرب بحذر وتبص في عين هوايدا
هو ينفع... أنا ممكن آخد بطاطس محمرة... بس مش عايزة أتعبك يا طنط لو مفيش خلاص
هوايدا وهي بتضحك لأ يا شيخة بس كدة بسيطة ... ده إنتي منورة البيت... قومي معايا وأنا هأكلك أحلى بطاطس.
رهف ابتسمت أول ابتسامة حقيقية وشدت إيد هوايدا بخجل
هو أنا ممكن أناديكي ماما... شكلك شبه ماما القديمة.
هوايدا دمعت فعلا وبصت ليونس بسرعة وهي بتداري تأثرها
آه يا قلبي... يا خړابي على الۏجع اللي جواها... طبعا يا حبيبتي قوليلي يا ماما
يونس بابتسامة
كويس اوي هسيبكم بقي تحضرو البطاطس وانا هدخل اغير وانام احسن فاصل اوي
هوايدا وهي بتبص ليونس بقلق بصراحة يا ابني أنا مش خاېفة من البوليس قد خۏفي من خالتك وبنتها... ملك
يونس كشړ بضيق
يا أمي بالله عليكي متجيبيش سيرتها..... دي بت فظيعة وبعدين خاېفة منها ليه بقي
هوايدا بغمزة وهي بتضحك
بزمتك مش عارف ليه يعني... البت بتحبك ولو عرفت إن رهف قاعدة هنا... هطين عيشتك وعيشتها
يونس بعصبية خفيفة
بتحبني دي مش فاهمة يعني إيه حب أصلا... دي فاكرة الموضوع لعب عيال وتملك.... وأنا قولتلها مليون مرة متعشميش نفسك لانك زي أختي... بس هي دماغها ناشفة
هوايدا بضحك
لا وبتعاملك علي انك خلاص اتكتبت ليها..... بصراحة انا خاېفة عليك من رد فعلها
يونس بتوعد
طب تبقي تتكلم كدة ولا تقرب من هنا وشوفي بقي انا هعمل ايه...بصراحة بت خنيقة
رهف كانت سامعة الكلام و بتعض في ضافرها وعينيها مفتوحة ع الآخر وبتهمس لنفسها
ملك بتحبه... يعني عمو الحليوة ده مش بتاعي لوحدي...
.............................
تاني يوم كانت رهف قاعدة على الأرض قدام التلفزيون وبتضحك وهي بتتفرج على كرتون توم وجيري بصوت عالي.
هوايدا بحنية انتي مزهقتيش من الكرتون ده ده توم عمره ما هيعرف يمسك جيري يا رهف
رهف بابتسامة بريئة وهي بتاخد العصير
بس هو مضحك أوي يا طنط... وعاوزة أوريه لعمو يونس أول ما ييجي...هيحبه اوي
هوايدا وهي بتضحك
طبعا هيضحك يا حبيبتي... يونس اصلا بيحب الحاجات دي من زمان يمكن أكتر منك.
رهف وهي بتبص للباب كل شوية هو اتأخر ليه هو مش قال راجع كمان شوية
هوايدا وهي بترفع حاجبها
انتي سالتيني السؤال ده للمرة العشرين يا رهف حرام عليكي
رهف بخجل طفولي وضحكة صغيرة
انا اصلي بحب اوي عمو يونس عشان هو مش بيزعقلي.
رن جرس الباب فجأة. فرهف قامت وقفت بحماس.
رهف بحماس طفولي
عمو يونس جه
جريت رهف بسرعة على الباب وفتحته قبل ما هوايدا تلحق تنطق وبمجرد ما فتحت لقت ملك قدامها
ملك وهي بترفع حاجبها وتتكلم بحدة
انتي مين
رهف وهي لسه مبتسمة قبل ما تفهم
أنا رهف... أنا جيت هنا مع عمو يونس.
ملك پصدمة وغليان
عمو! ياختي بطة ! هو يونس بقى عمو دلوقتي!
دخلت ملك بسرعة وسابت رهف اللي وقفت متجمدة مكانها
ملك وهي داخلة وبتزعق
خالتو هوايدا..... مين البنت اللي في البيت دي! وبتقول جاية مع يونس كمان!
هوايدا بقلة حيلة
طب حتي قولي ازيك يا خالتو الاول.... إنتي جيتي فجأة كده وبتساليني عن رهف
ملك بحدة
أنا بسأل مين البنت دي!
هوايدا بهدوء
دي رهف... بنت غلبانة يونس لقاها تايهة في الشارع وجابها هنا يومين لحد ما جدتها تكلمه وتشوف هتعمل إيه.
ملك وهي بتتسند على الكنبة وبتتكلم بسخرية
يعني دلوقتي بقى بيلم أطفال الشوارع في بيته يا سلام! وبيباتوا كمان مش كفاية إنه مش بيرد عليا ولا بيشوفني دلوقتي جايبله بنت شوارع البيت لا وباين عليها هبلة ومتخلفة كمان
رهف وهي بتكشر وبتقرب خطوة أنا مش بنت شوارع... ومش متخلفة انتي فاهمة ... انتي اللي شريرة ووحشة
ملك بضحك مستفز
لا فعلا واضح من طريقتك انك مش هبلة خالص.... ليه مش سايفة نفسك شاحطة ازاي وبتتكلمي كأنك طفلة صغيرة... انتي طبيعية اصلا
رهف حطت ايديها علي راسها بتعب وهي بتحاول تستوعب كلام ملك وانها مش طفلة زي ما هي بتقولها
هوايدا بحزم وهي بتحاول تهدي الجو
ملك عيب كدة... وبعدين رهف بنت صغيرة واسكتي بقي مش ناقصين مشاكل.
ملك پغضب
لا مش هسكت واصلا ازاي تقعد معاكم هنا وازاي اصلا تأمنو ان بت غريبة تقعد وسطيكم مش يمكن تسرقكم وتهرب
وقتها باب الشقة اتفتح ويونس دخل وهو شايل كيس فيه أكل ووشه تعبان من الشغل لكن أول ما شاف ملك وسمع كلامها اتعصب وقرب منهم
يونس بحدة وهو بيبص لملك
في إيه