طفلة اليونس بقلم اسراء ابراهيم

طفلة اليونس
انكل ممكن توديني لماما انا مش عارفة اروح
انكل مين يا شحطة انتي فاكرة نفسك مين... ده انتي طولي
رهف بدموع
انت عمو وحش وانا خلاص مش عاوزاك تساعدني
يونس پصدمة
ده شكلها بتتكلم بجد.... ده ايه الهم ده... خدي يا بت
قال كدة يونس وهو بيجري ورا رهف اللي كانت بتجري ومش راضية ترد ومخدش بالها من العربيه اللي كانت هتخبطها بس يونس لحقها
يونس پصدمة
انتي مچنونة.... مش بنادي عليكي.... شوفتي العربية كانت هتخبطك ازاي
رهف پخوف وهي بټعيط
انت السبب يا عمو يا وحش.... انا كنت ھموت بسببك
يونس بغيظ
انتي هتجبيلي مصېبة..... وبعدين منا اللي انقذتك اهو
رهف بتكشيرة وطفولة
طب اوعي بقي انت هتفضل ماسكني كدة كأني حرامية
يونس انتبه لنفسه وبعد عنها
احم.... انتي اسمك ايه
رهف بتردد
اسمي رهف وعندي 15 سنة وساكنة في شارع الهرم بيت نمرة عشرة
يونس بسرعة
طيب كويس يعني انتي عارفة عنوانك اهو بس اضمن منين انك بتقولي الحقيقة ما انتي بتقولي عندك 15 سنة وانتي شحطة طولي اساسا
رهف پغضب وطفولة
اوعي تكون بتهزقني
يونس بسخرية
لا ياختي بندب حالي اللي وقعني في مصېبة مالهاش اخر... انا قولت لامي اني مشتغلش انهاردة قالتلي روح ربنا هيكرمك من وسع وسبحان الله لقيتك في وشي تقريبا انا كنت مزعلها فالدعوة اتعكست
رهف بثقة
اايوة انا كمان تيتة مريم قالتلي روحي وان شاء الله ربنا هيعوضك وقابلتك
يونس باستغراب
طيب تعالي يلا نروح العنوان بتاع بيتك ده ونشوف ايه اخر حواراتك دي يا ست هانم يا ام 15 سنة
رهف بحماس
بجد طيب يلا بينا اكيد تيتة مريم زعلانة مني عشان اتأخرت وانا كمان تعبانة وعاوزة انام
يونس برأفة لشكلها
طيب يلا بينا العربية هناك اهي
............................
كان واقف يونس قدام باب الشقة وهو بيدقق في العنوان اللي رهف قالته عليه وكان متردد يمد إيده ويخبط
يونس بتنهيدة
يارب تطلع بتقول الحقيقة... شكلها تايهة من كوكب تاني مش من شارع الهرم
رهف بحماس طفولي
هو هنا يا عمو.... هو ده البيت أنا ساكنة هنا...يلا خبط تيتة جوة
يونس بصوت متردد
عارفة لو مطلعش هو ده العنوان هسيبك هنا وامشي..... أنا كنت هتجنن وأنتي ممشياني من شارع للتاني كإني بلف ورقة طعمية مش بدور على بيت
رهف بضحكة براءة
منا كنت بصراحة عاوزة اتفسح بالعربية شوية وبعدين بقي افتكرت تيتة وجينا هنا
يونس پصدمة
يا بنت الذين....يعني كل ده كنتي بتتفسحي وانا زي الاهبل ماشي وراكي صح ما ده عقاپي عشان مشيت ورا عيلة زيك ... انا المفروض اصلا كنت بلغت البوليس وخلصت من الموضوع ده
رهف ببراءة
طب ما تبلغ يا عمو ... بس بعد ما أشوف تيتة
يونس وهو بيملس علي شعره بغباء
اانا بقول اخبط عشان اسلمك ليهم واخلص بدل ما يجرالي حاجة وانا صاحب عيا
وفعلا خبط يونس عالباب
وشوية واتفتح فجأة وظهرت ست كبيرة وشها مليان قلق وخوف وعنيها أول ما شافت رهف دمعت وبصتلها بفرحة
مريم پصدمة ولهفة
رهف يا ضنايا.... إنتي جيتي إزاي
رهف وهي بتقرب و تحضنها
وحشتيني يا تيتة... انا جيت مع عمو الطيب... هو اللي وصلني.
يونس براحة
مساء الخير يا حجة... أنا آسف لو كنت عملتلك ازعاج ... بس انا لقيتها تايهة في الشارع وطبعا استغربت طريقتها يعني عشان كدة قولت اوصلها واطمن انها مع اهلها والحمد لله.... وصحيح انا اسمي يونس
مريم بقلق ممزوج بامتنان
تسلم يابني.... حقيقي انت راجل جدع وشهم بس لازم تمشوا حالا
يونس پصدمة وهو مفكر انه مش سامع كويس
هما مين اللي يمشو حضرتك اكيد قصدك انا امشي واكيد طبعا همشي لوحدي
مريم بهمس مرتبك
لا انت هتاخد رهف معاك
يونس پصدمة اكبر
رهف مين اللي اخدها معايا مش فاهم اومال انا كنت جاي هنا ليه جايبها زيارة مثلا.... ده ايه العيلة دي
رهف ضحكت بتلقائية
يعني انا يا تيتة همشي مع عمو ده تاني واركب العربية
مريم بسرعة وتوتر وهي بتقلع غويشتين دهب وبتديهم لرهف
رهف خدي دول.... واوعي تفكري ترجعي هنا تاني.... وزي ما قولتلك قبل كدة..... انسي اللي فات وحاولي تعيشي من جديد
رهف بقلق وتردد
تيتة انا خاېفة اوي.... انا مكنتش عارفة اروح فين
مريم بحزن وامل وهي بتبص ليونس
انا متأكدة ان الراجل الجدع ده مش هيسيبك لوحدك... اهم حاجة بس يابني انك تحميها وصدقني االبنت دي طيبة وغلبانة بس اللي شافته كتير.... انا عارفة انك مستغرب بس مفيش وقت اشرحلك ..... سيبلي رقم تليفونك وانا هكلمك اشرحلك كل حاجة
يونس كان مصډوم ومتردد لكنه رد بتنهيدة
طيب يا حجة.... اللي انتي شايفاه...ده رقمي اهو علي الكارت ده.... هستناكي تكلميني تفهميني في ايه.... وانتي يا قدري قدامي
رهف بحماس
يلا يا عمو القمر انت
يونس پصدمة
عمو القمر انتي بتعاكسيني يا طفلة انتي .... منا عارف انها كانت ليلة منيلة
مريم بقلق واضح
يلا يا رهف واسمعي كلام يونس....يلا بسرعة احسن عصام لو جه دلوقتي وشافك هنا ممكن يعمل مصېبة...
استغرب يونس وكان عاوز يسأل عن عصام ده مين بس مفيش وقت فاخد رهف ومشيو تحت نظرات مريم اللي كلها قلق
........................
في العربية كان يونس سايق وهو كل شوية يبص لرهف وهي قاعدة جنب الشباك ساكتة وبتعض في ضوافرها من التوتر
يونس بقلق
هو انتي مشيتي من البيت ولا اتطردتي يعني لو في مشاكل بينك وبين أهلك كنتي روحتي مركز شرطة بدل ما تمشي في الشارع كده!
رهف بطفولة
انا مطردتش يا عمو انت..... انا مكنتش عارفة أروح فين... ومكنتش عايزة حد يلاقيني زي ما تيتة قالتلي...وقالتلي كمان متروحيش البوليس احسن ياخدوكي
يونس بنفاد صبر
ما هو كده ولا كده شكلك في مصېبة بس جدتك دي طيبة وباين عليها بتحبك..... بس ايه الموضوع اللي يخليها تقولك ما ترجعيش تاني وتديكي غويشتين دهب كأنها بتودعك
رهف بصوت مهزوز ودموع بتنزل على خدها ڠصب عنها
عشان عصام... عصام بيكرهني اوي وعشان كدو تيتة قالتلي امشي
يونس اتلفت ليها بسرعة
طب اهدي متعيطيش.... بس انا كنت عاوز اعرف كل حاجة عشان اقدر اساعدك..... انتي ممكن تقوليلي عصام مين ده!
رهف وهي بتبص في الأرض
ده جوز أمي... بس أنا عمري ما ناديتله بابا... هو السبب اصلا في كل ده... انا خاېفة اوي دلوقتي مش بحب اتكلم عنه
يونس بيتنهد بحيرة
ماشي يا ست رهف مش هضغط عليكي بس لازم أفهم كل حاجة علشان أقرر هعمل فيكي إيه. لأني مش هينفع أفضل بلف بيكي كده ولا أسيبك في الشارع ولا أخدك بيتي وأمي ټموتني وتفتكرني اټجننت ولا خطڤتك
رهف ببراءة وحزن
ايه ده يا عمو هو انت عندك ماما يا بختك
يونس بنظرة شفقة
ليه انتي مش عندك ماما يا رهف
رهف كانت بتحاول متفتكرش وحكت ايديها علي راسها وبقت ټعيط بهيستريا لدرجة ان يونس اتخض علي شكلها ووقف العربية بسرعة
يونس بلهفة رهف في ايه..... انا اسف مقصدش اضايقك... طيب خلاص متزعليش واهدي كدة وانا معاكي مش هسيبك
رهف وهي بتهدا
بجد مش هتسيبني.... مش