ليلى ورشيد بقلم شيما رجب

انا اه سني كبير بس ده مايمنعش اني محافظ على صحتي
ليلى كبير بس مش لدرجه يقولوا راجل كبير اه كبير مكانة بس سني دي بعيده شويه
رشيد متشكر لذوقك
ليلى هاا سنك كام
رشيد انت تديني كام
ليلى 35 سنه مش اكتر
رشيد لا بعيده دي انا اكبر من كده
ليلى   كام يعني 4045 صغير برضو انت لسه في شبابك مش عجوز يعني وبعدين شكلك اصغر من كده بكتير
رشيد لا يا ستي انا عندي 41 سنه
ليلى العمر كله ليك بس ده مايمنعش ان دي كمان كانت اشاعه
رشيد قولت كذا مره مايفرقليش ابرر أو ارد
ليلى طب ليه قبلت تعمل معايا الانترفيو
رشيد عشانك
ليلى عشاني
رشيد قصدي عشان شغلك ومستر صلطع ده مايدايقكيش
ليلى   يهمك مايدايقنيش
رشيد اكيد انتي زي بنتي
ليلى اي بنتي دي شايفني عيله
رشيد مش قصدي اقصد اني مش عايزلك حاجه وحشه
ليلى   على كده بقا اقولك يا عمو ولا يا بابا
رشيد انتي بتتريقي
ليلى انت اللي بتقول كلام غريب
رشيد انا بس بتكلم ع فرق السن
ليلى ولا فرق ولا حاجه انت اللي مكبر نفسك
رشيد انتي سنك كام
ليلي في راجل جنتل كده يسأل ست على سنها
رشيد فين المشكله
ليلى انا مش بشوف فيها مشكله بس مش هقولك
رشيد يا بنتي انا لو كنت اتجوزت كنت خلفت قدك
ليلى ليه كنت هتتجوز وانت عندك 8سنين
رشيد اكيد لا.....اي 8 سنين
ليلى اها 8 انت محسساني أنك اكبر مني ب 20 سنه
رشيد انا كنت مفكر كده والله
ليلى للدرجادي شايفني عيله
رشيد مش قصدي والله بس شكلك اصغر
ليلى لا لو انت هتكبر نفسك ماليش دعوة إنما انا لسه صغيره وفي عز شبابي مش مشكلتي انك راجل عجوز بجد بقا
رشيد بضحك يا ستي صغيره وست البنات كمان
ليلى شالله يخليك
رشيد بضحك ماتجوزتيش ليه يا ليلة لحد دلوقتي
ليلى لسه مالاقيتش حد زي حسن
رشيد مين حسن
ليلى بابا
رشيد وانتي عايزه تتجوزي حد زي بابا ليه
ليلى عشان احلى واجمل حد في الدنيا
رشيد اي حد بيشوف أهله احسن ناس في الدنيا
ليلى مش صح طبعا انا شايفه أنه احسن حد في الدنيا عشان هو احسن حد فعلا اطيب قلب وانقي روح ممكن تقابلها بجد انا نفسي اتجوز حد يحترمني زي ماهوطول عمره بيحترم ماما بيعبر عن مشاعره ليها في كل دقيقه من غير كسوف ولا بيشوفها أنه بيقلل من نفسه قدامهم ...طول الوقت بيقولوا بحبك ويمسك ايديها ويبوسها بسبب ومن غير سبب الحاجات دي بتفرق معانا بمرور الوقت احنا مش ينبقا عايزين حلاوة البدايات قد ما احنا محتاجين الثبات ع المبدأ مش لازم تظهرلي قد اي انت بتحبني وتقولي هعمل وهعمل عشانك وترسملي حياة وردي انت مش هقدر تعيشني فيها ف مش لازم تصرف في مشاعرك كتير في الاول عشان تقريبا هتخلص منك بسرعه
رشيد مفيش حاجه اسمها مشاعر بتخلص في حد حب بجد و لا
ليلى مين قالك أن التاني ماحبش لا هو حب بس هو بېخاف يظهر حبه بيشوفه تقليل منه كراجل ف بيحاول يظهر أنه مسيطر ب أنه يعاملها بطريقه جافه وسط الناس عشان مايتقالش عليه مراته بتضحك عليه
رشيد طب هي ذنبها اي
ليلى ذنبها أنها حبت في اللي بيقدر يكمل وفي اللي بييجي بعد وقت من الفرص في أنه يتغير مش بتقدر وده ييؤدي للطلاق
رشيد وانتي بقا عايزه اي
ليلى انا مش عايزه غير اني اعيش في سلام من غير مشاكل بيت صغير مليان حنان وحب ودفئ مع راجل بيحترمني ويقدرني مايفكرش يوم يهني أو يقلل مني لأن كسرة النفس وحشه ولو من اقرب حد ليك حد يحبني بجد يكون عايزني زي ما أنا اهم حاجه عندي يكون شخص سوي ومتفاهم
رشيد اللي انتي بتقوليه ده ابسط حقوق للطرفين
ليلى بس ده مابيحصلش كتير
رشيد معاكي حق
ليلى يانهاااار ابيض انا اتأخرت اوي لازم امشي
رشيد مش ممكن احنا بقالنا كل ده هنا ماحسيتش بالوقت
ليلى ولا انا انا لازم امشي دلوقتي
رشيد هشوفك تاني
ليلى   سيبها الايام يمكن نتقابل
رشيد ولو مااتقابلناش
ليلى يبقا نصيبنا كده
رشيد ولو انا مش حابب نصيبي يكون كده اعمل اي
ليلى محدش يقدر يغير قدره ونصيبك مكتوب
رشيد يبقا هنتقابل تاني
ليلى يمكن انا لازم امشي عن اذنك استني فونك اهو
رشيد تصدقي نسيت
ليلى بس انا لا هات فوني
رشيد ثواني ....اي ده...راح فين ...انا اسف بجد شكلي نسيته في البيت
ليلى انت بتتكلم جد
رشيد انا اسف مش عارف ازاي نسيته
ليلى حصل خير مكتوبلي اشوفك تاني
رشيد   وانا رضيت ب مكتوبي
____________________________________
مريم وانت عملت كده ليه
رشيد مش عارف انا فجأة لاقيت نفسي بقولها نسيته
مريم انت حبيتها يا رشيد
رشيد مش عارف كل اللي اعرفه انها اول ما بتقول بس اسمي بنسي الدنيا كلها خطفتني يا مريم
مريم ده انت واقع بقاا مش حب بس
رشيد انا تقريبا كنت بعجز نفسي ويقول مستحيل حد يخطفني والكلام ده لحد ما شوفتها لاذ لحد ماندهت عليا في الكافيه والنهارده لما قالتلي إننا ممكن مانتقابلش تاني كنت عايز اعمل اي حاجه عشان يبقا في فرصه اني اشوفه ف قولتلها كده
مريم هتقابلها تاني امتا
رشيد بكرة
مش متخيل اني انا اللي بتكلم كده انا اللي قاعد دلوقتي مستني بكره ييجي عشان اشوفها تاني احيانا بحس اني شاب مراهق مستني يشوف حبيبته في الدرس انا مش عارف حصل امتا وازاي بس مبسوط عمري مااتخيلت أن الحب حلو اوي كده بيخلينا دائما مبسوطين وبنضحك من غير سبب بيخلينا نشوف الدنيا حلوة حتى لو مليانه مشاكل انا حبيت ليلى عشان كده انا مبسوط

طب هو ليه قالي أنه نسيي الفون مع اني عارفه ومتاكده أنه معاه يمكن يكون عايز يقابلني تاني مش مهم المهم اني مبسوطه ومرتاحه اوي ماكنتش متخيله أنه لذيذ كده وحلو اوي كده كلامه جميل اوي ردوده كانت لطيفه لابعد حد احيانا كنت بحس أنه موجهلي كلام معين وسط كلامه انا مدايقتش بالعكس عجبتني طريقته حتى وجهة نظرة للحياة عجبتني مايختلفش عني كتير نفس التفكير حتى احلامنا بسيطه زي بعض أقصي طموحنا إننا نبني بيت دافئ
ليلى الو
رشيد ازعجتك
ليلى لا خالص انا صاحيه
رشيد مانمتيش ليه
ليلى عادي كنت قلقانه شويه وانت صاحي ليه
رشيد انا كمان قلقان
ليلى خير في حاجة
رشيد كنت بفكر في كلامك معايا النهارده
ليلى وانا كمان
رشيد يعني كنتي بتفكري فيا زي ماكنت بفكر فيكي
ليلى أن...انت بتقول اي بس مش قصدي كده
رشيد   اومال قصدك اي
ليلى كلامك بس كان شاغلني
رشيد كلامي بس اللي شغلك
ليلى رشيييد
رشيد يخربيت رشيد عمري ماكنت اتخيل أن سمي حلو كده
ليلى انت عايز اي
رشيد انتي
ليلى انا اي ..
رشيد ليلى تقبلي تكوني شريكتي في بيتي الدافئ اللي نفسي فيه
ليلي .........
رشيد انا عارف انك هتستغربي بس انا مش عارف حصل امتا كل ده انا مش صغير عشان اقعد كل شويه اخترع حجه اشوفك بيها انا اتعلقت بيكي من اول مره شوفتك فيها خطفتيني يا ليلي وعشان كده بقولك تقبلي تتجوزيني ..
ليلى ......
رشيد مش بتردي ليه عليا ......انتي ادايقتي مني.....ليلى طب قولي اي حاجه ....ليلى .....اقفل ...
ليلى رشيييييد استني
رشيد وقع رشيد من اول مره
ليلى
انا موافقه
والست في الخليفه بتقول
وقابلتك انت لاقيتك بتغير كل حياتي معرفش ازاي انا حبيتك معرفش ازاي يا حياتي