ليلى ورشيد بقلم شيما رجب

عادي كله يهون لأجل أنه يبقا مبسوط الحب حلو اوي يا مريم وقليل لما تلاقي اللي بيحب بجد
مريم يعني انت ماحبتش خالص
رشيد لسه مالاقيتنيش وسط الناس
مريم قصدك مالاقيتهاش
رشيد لا مالاقيتنيش يوم ما الاقيني وقتها بس اقدر اقول حبيت
مريم اوبااااا يا جامد اي الرومانسيه دي
رشيد ولا رومانسيه ولا حاجه بس .....
سيبك اللي خلع كان فقري ومش وش دلع اتشقلب بالأرض اتلع راح من بعدينا فين مش هيعرف خيرنا غير لما يلبس في غيرنا بكرا يتمني يقابلنا سيبوا يعيشلوا يومين...
مريم اي الرنات دي يا رش رش بس من امتا
رشيد پصدمه رنة مين ده مش موبايلي
مريم ازاي فونك بيرن ده في جيبك يا معلم
رشيد يانهااار ابيض ده اكيد فون المجنونه اللي شوفتها النهارده
مريم مين دي مجنونه اي اللي بتتكلم عليها
رشيد بنت غريبه كده جات كلمتني ومشيت
مريم طب رد
رشيد فتح الفون وسكت
هند بت يا ليلووو ماتنسيش الميتينج بتاع الصبح رئيس التحرير مش هيحلنا لو اتأخرتي زي كل مره ....الوووو الووو روحتي ف.....
مريم قفلت السكه ليه دي قله ذوق
رشيد هقول اي يعني دول مجانين
مريم هترجع فونك ازاي دلوقتي
رشيد انا هتصرف
..
ليلى يعني يا بابا لحد دلوقتي لسه بتحب ماما رغم العمر ده كله حبك ماقلش يوم
حسن بالعكس حبي ليها كل يوم بيزيد
ليلى يعني ولا مره كده اتهزيت
فاتن جرا اي يا بت انتي انتي بتوقعي بينا
حسن بضحك لا ثانيه واحده انا لما اتجوزت امك كنت بحبها وكنت متخيل حياتي معاها بشكل معين بس من اول يوم دخلت فيه بيتي وكل حاجه اتغيرت حبها ليا واحترامها ليا وسط الناس كان كبير اوي بالنسبالي عمرها ماحسستني اني قليل طول الوقت كانت محسساني اني معيشها في جنه رغم أن ظروفنا كانت قليله حبه كانت دائما سند بجد عشان كده قلبي وعقلي اتفقوا على حبها واني مقدرش اشوف غيرها كتير كنا بنتجمع تجمعات عائليه وناس كتير كانت تبقا معانا بس انا ماكنتش بشوف غيرها لو كنت بتكلم مع حد وهي وجهتلي كلمه كنت بنسي اي حد واتكلم معاها ماكنتش احب احسسها ابدا ان اهتمامي ممكن يكون ل غيرها ولو لمجرد ثانيه مااتكسفش اقول بحبك ولا اني ماليش غيرها انا بجد كنت هندم بقيت عمري لو كنت قصرت معاها في حاجة من دول
فاتن عمرك ما قصرت طول عمرك انا اول واخر اهتماماتك عمرك ما فضلت حد عليا ودائما بتهتم بيا كرامتي دائما رافعها وسط الناس عمرك ما قولتلي كلمه زعلتني بقصد او من غير انت تاج راسي يا حسن
ليلى انا بحبكوا اوووي اوووي ربنا يديمكوا ليا
حسن ويديمك لينا ويرزقك بابن الحلال اللي يستاهلك
فاتن امين يارب امين عشان بنتك خلاص ماعندهاش حجج تاني دراسه وخلصنا شغل واشتغلنا كارير وعملنا في أي تاني
ليلى ولا حاجه يا ست الكل انا بس مش هتجوز اي واحد وخلاص انا هتجوز واحد زي بابا غير كده لا
فاتن يبقا هتعنسي عشان مفيش زي حسن
ليلى اوباااااا اغير انا كده
حسن لا انا ماليش غيركوا انتوا الاتنين ..
فاتن بت يا ليلي من امتا وانتي بتحطي رنات هايه كده زي الناس
ليلى رنات اي مش انا اكيد
فاتن قومي شوفي فونك بيرن
قال رنات هاديه مش انا لا ...لا انا....اي ده مش فوني مين بيرن
ليلى يالهوووي يالهوووي تليفون مين ده وجاه هنا ازاي يعني اي الهبل ده لا وكمان بيرن ...طب ارد....لا لا ماليش دعوه طب اعمل اي يوووه ما انا لازم اعرف فون مين
الووو......الووووو مين حضرتك ....لو سمحت رد ...يوووه بقا ابو شكلك ...اومال بيرن ليه لما مش هيرد

ليلى اللاه بقا انت تاني يوووه
الووو.......
رشيد الو حضرتك الانسه ليلى
ليلى ايوه انا حضرتك عرفت ازاي وده مش تليفوني انت حرامي وسړقت تليفوني صح
رشيد   اكيد لا حضرتك حرامي ازاي وانا اللي برن عليكي
ليلى ايوه صح اومال انت مين وعرفت ازاي اني ليلى وده مش فوني
رشيد حضرتك النهارده وانت بتتكلمي معايا شكلك اتلغبطي واخدتي فوني مكان فونك وعرفت منين انك ليلى ده لان صاحبتك رنت عليكي وكانت بتقولك أن في ميتينج بكره الصبح و....
ليلى   يا نهااار ابيض الميتينج انا نسيت معلش هي قالتلك اي تاني
رشيد رئيس التحرير مش هيحلك لو اتأخرتي
ليلى اي مش هيحلك دي ماتتكلم عدل
رشيد   والله انا بقولك اللي صاحبتك قالته
ليلى انا اسفه بس مش عارفه حصل كده ازاي
رشيد حصل خير ممكن اقابل حضرتك بكره في نفس المكان واديكي فونك
ليلى تمام بكره الساعه 2
رشيد تمام.
الساعه 5 الفجر
سيبك اللي خلع كان فقري ومش وش دلع اتشقيت بالأرض اتلع....
رشيد لا إله إلا الله اصطبحنا اي القرف ده حد يرن على حد الساعه 5الفجر مين دي كمان ست هند هانم ياتري هترغي في أي دلوقتي انتوا كده يا بنات محدش يفهمكوا احسن الرنه خلص.....
سيبك اللي خلع كان فقري ومش وش دلع اتشقيت بالأرض اتلع....
رشيد يوووووه بقا .....الو
هند بت يا ليلى مال صوتك اخشن كده ليه ده انتي كنتي ارق واحده في الدفعه
رشيد   يا ستي مفيش حد هنا اسمه ليلى النمره غلط
هند غلط ازاي ده رقم ليلى صاحبتي انت مين يالا
رشيد يالا ...يا ست تليفوناتنا اتبدلت بالغلط
هند اهااا معلش انا اسفه معرفش
رشيد تمام بس معلش هو اي المهم اللي مخليك ترني على صاحبتك في وقت زي دلوقتي
هند بضحك اصل ليلى غيبوبه ومش بتصحي بسهوله عشان كده كنت برن عشان تصلى الفجر
رشيد ماشي تمام
تصلي الفجر بالرنه اللي حطاها دي حد يصحي م النوم ع عصام صاصا عجيبه البت دي طب هي كده هتروح عليها نومه ....طب انا مالي ....والفجر مش عايز تأخذ ثواب حتى.....اه لو ثواب ماشي ....انا هرن عليها اوصلها رساله صاحبتها عادي زي اول مره ..مش هيحصل حاجه يعني
رشيد الو
ليلى الو
رشيدمعاها حق تقول ارق واحده في الدفعه اي الصوت ده بس
رشيد انسه ليلى
ليلى هاااا
رشيد انسه ليلى ممكن تفوقي شويه
ليلى يا هند عايزه أنام
رشيد الفجر قرب قومي صلي وارجعي نامي
ليلى باستيعاب الفجر حاضر حاضر والله هقوم ....الو ...مين معايا
رشيد بضحك   انا رشيد
ليلى   حضرتك بترن عليا عشان الفجر... هو في أي
رشيد مش انا دي صاحبتك اللي رنت وانا بوصلك رسالتها
ليلى انا اسفه مره كمان احنا ازعجنا حضرتك اوي
رشيد ولا اي حاجه انا كده كده كنت هقوم عشان الفجر برضو اهو صاحبتك اخدت ثواب
ليلى   حضرتك مش زعلان
رشيد مفيش حاجه مزعلاني قد رنة فونك بجد مزعجه اوي
ليلى بحرج انا اسفه استحملني لحد بكره وهخلصك مني خالص
رشيد مش مشكله استحمل تصبحي خير
هو ماله احلو كده ليه والله ماكذبت مقوله لا تضيعي وقتك مع المراهقين فقط احبيه أربعيني .....يالهوووووي اي اللي انا بقوله ده انا شكلي اټجننت ده انت لسه شايفااه
هند أخييرا وصلتي دقيقتين كمان وكنا هنودع كلنا من هنا
ليلى ليه ياعم ماانا جايه بدري اهو اطلبيلي قهوه بالله عشان مش قادره افتح والصداع هيموتني
هند مالك انتي مش نايمه ولا اي اه استني انتي ضيعتي فونك ازاي