ليلى ورشيد بقلم شيما رجب

بس انا كلمتك زي كل يوم بس حد غريب رد عليا
ليلى ايوه ماهو كلمني عشان تصلى الفجر
هند اوباااااا مين ده بقا
ليلى ولا اوبا ولا حاجه كل الحكايه أن تليفوناتنا اتلغبطت وهو كان بيوصل رسالتك
هند ماهو كان ممكن يطنش ليه رن
ليلى عادي يعني يا هند انا لو كنت مكانه كنت عملت كده
هند اشك بس ....
ليلى ولا بس ولا مابسش قومي هاتيلي قهوه عشان نشوف مستر صلطع ده عايز مننا اي
هند طب يلا عشان هو اصلا مستنينا
دخلنا وكالعاده يعني مدير متسلط كأي مدير في أي مكان بيرمي علينا المهام وهو برنس واللي يدايقك أنه يحسسك انك هتفشل ولما تنجح وتثبت العكس يحسسك انه العادي وانك مش بتعمل إنجاز.....بني ادم براس بخاخه
ليلى   بس حضرتك دي مش شغلتي
الرئيس وانتي هتعلميني شغلي ولا اي
هند احنا مانقصدش يا ريس بس انت عارف من امتا وليلى هي اللي بتنزل وتعمل التقارير
الرئيس   انا اللي اقول مين يعمل اي ومين لا مش هي
ليلى تمام حضرتك
هند بس يا ليلي ....
ليلى خلاص تمام في أي حاجه تاني
الرئيس لا على شغلكوا
الله يخربيت اليوم اللي فكرت اشتغل مع واحد زيك بني ادم مش طبيعي
هند ليلى انتي بتهزري انتي كان ممكن تقوليله انا مش هقدر اعمل كده
ليلى   وهو عايز كده عايزني أقوله مش هقدر بس ليه مش هقدر انا هعمل كده
هند ازاي طيب انتي عمرك ماعملتي انترفيو مع حد ولا الجو ده كل شغلك ومقالاتك م المكتب
ليلى اجرب انتي عارفه اني ماجتليش فرصه زي كده ولما كانت بتجيلي كنت ببعدها عني بس ليه ده شغلي
هند بس انتي مش بتحبي المقابلات دي
ليلى مش لازم احبها انا هاخدها تحدي عشان اثبتله اني استحق وأنه غلطان
هند طب يلا عشان نروح نتغدا سوا
ليلى   الساعه كام دلوقتي
هند الساعه 2 30
ليلى يا نهار ابيض انا اتأخرت لازم امشي
هند اتأخرتي على اي
ليلى هقولك بعدين سلااام
خرجت جري عشان الحقه ياربي ع قلة ذوقي دي قعدت ارغي مع هند هانم وانشغلت ونسيت معادي معاه ....وصلت الكافيه بس مالاقيتهوش قولت يمكن لسه ماجاش قعدت حوالي نص ساعه كمان زهقت مشيت روحت البيت
فاتن آخرتي ليه كده
ليلى مفيش يا ماما كان عندي شغل وانتي عارفه المدير غتت
فاتن ربنا ييسرلك امورك اجهزلك الغدا
ليلى لا انا مش نايمه كويس وعايزه انام
فاتن ماشي يا حبيبتي
دخلت توضتي غيرت هدومي وحاولت أنام بس تفكيري مشتت انا زعلانه عشان اخرت عليه كنت عايزه اشوفه مش عارفه ليه بس كنت حاسه اني هتبسط لو شوفته تاني اشوفه بس ده حتى مااتصلش عليا ولا قالي ماجتيش ليه اتصل انا ارن عليه لا انا مش هكلمه يقول عليا اي مش هعرف انام ...قعدت افكر كتير اوي ماحسيتش بنفسي غير وانا ببعت مسدج رقمي من عنده
انا اسفه ڠصب عني اتأخرت ونمت
بعت المسدج ونمت
ليلى الوو
رشيد انا كل ما اكلمك تكوني نايمه
ليلى ماانا مانمتش امبارح كويس
رشيد ليه
ليلى بنوم بالي مشغول
رشيد في أي
ليلى باستيعاب في....كان عندي شغل وماعرفتش انام انا بعتذر لحضرتك اني اتأخرت
رشيد انا استنيتك نص ساعه مع اني مش بحب التأخير اول مره اعملها واستني حد
ليلى خلاص يا جدع خلى قلبك ابيض بقا
رشيد ماشي يا ستي المهم
في حد اسمه مستر صلطع رن عليكي
ليلى يا نهار الوان كان عايز اي ده كمان
رشيد مارديتش عليه بس هو بعتلك مسدج بيقولك قدامك بكره يالكتير والشغل اللي طلبه منك يكون جاهز
ليلى   حسبي الله فيه
رشيد مين ده
ليلى مديري في الشغل
رشيد   مديرك رخم كده لدرجه مسمياه مستر صلطع
ليلى ده حبيبي ده لو هشحت مابحبش غيره
رشيد لا واضح اهو
ليلى لو انا هو مش فارقلي هو اللي حاططني في دماغه وعايز يدايقني باي طريقه
رشيد ليه
ليلى أعداء النجاح يا ابني
رشيد ابنك ....ابن مين ده انتي قد ولادي
ليلى انت متجوز !!
رشيد لا بس لو كنت اتجوزت كنت خلفت قدك
ليلى لا لا دي شكليات ده انت اصغر مني
رشيد انتي بتعاكسي بقا
ليلى ل...لا..لا انا اسفه مش قصدي
رشيد اهدي انا بهزر معاكي
ليلى رشيد الزيني بيهزر معايا كده عادي
رشيد اي هو مش بني ادم يعني بيعرف يهزر
ليلى مش قصدي بس ك كلام بنسمعه عنك وفي مجال شغلى يعني بيقول عكس كل ده
رشيد بيقول بقا الكلام ده
ليلى من غير زعل
رشيد من غير زعل
ليلى بيقول انك شخصيه صعبه اوي ومغروره عشان كده انت مااتجوزتش لحد دلوقتي عصبي واللي بيشتغلوا معاك بيخافوا منك وان عندك النظام اهم حاجه في حياتك بعد استغلالك للوقت مش بتحب تضيع دقيقه في حياتك من غير ما تستفيد منها بحاجه
رشيد نص كلامك صح ونصه لا والصح اني فعلا بحب النظام وبحب استغل وقتي كل دقيقه بتعدي بحب استغلها في حاجة مفيده وده مش شئ وحش يعني
ليلى لا بالعكس ده شئ كويس جدا
رشيد إنما بالنسبه بمغرور وعصبي ومااتجوزتش ف ده كلامهم هما مش حقيقه
ليلى   اومال اي الحقيقة
رشيد انتي هتمارسي مهنتك عليا ولا اي
ليلى لا مش قصدي .....طب وليه لا انا هعمل معاك انترفيو وبكده تنفي الاشاعات اللي بتشوه في سمعتك والحقيقه توضح
رشيد مايفرقليش إن حاجه تتغير
ليلى بس انا هيفرقلي
رشيد مش فاهم
ليلى مستر صلطع كان طالب مني اني اعمل انترفيو مع شخصيه مشهوره وعشان كده كان باعتلي المسدجات دي
رشيد هتستغليني
ليلى اكيد لا حضرتك مش مضطر تقبل عادي يعني
رشيد ولو قبلت
ليلى هاااا
رشيد انا كده هعملك خدمه وانتي هتعمليلي خدمه
ليلى خدمه اي
رشيد هقولك وقتها
ليلى وانا موافقه هنتقابل امتا
رشيد بكره الساعه 7 في نفس المكان
ليلى اشطا جدا
رشيد ماتتأخريش
ليلى   حاضر
رشيد سلام
ليلى رشيييييد
رشيد ها
ليلى لو اتأخرت شويه استناني متمشيش
رشيد مش همشي ماتخافيش سلام
بالله ايه اللي بيحصلي ده انا مش عارف انا مشدود ليها ليه كده انا اتخطفت حقيقي خطفتي انا اول مره احس ان اسمي حلو اوي كده من وقت ماهي ندهتني اول مره انا عيشت عمري كله قلبي مابتهزش رغم اني بشوف كتير بس دي جات وقلبت حالي زعلت اوي أنها ماجاتش في المعاد بس فرحت أنها بعتت مسدج حسيت أن المعاد فرقلها زي ما فارقلي...انا عمري ما قعدت ع الفون مع حد اكتر من دقيقه بس انا دلوقتي ماحسيتش بالوقت وانا بتكلم معاها اي شغل المراهقين ده انا كبرت على الكلام ده ماينفعش
__________________________
ليلى صباح الفل يا ست الكل
فاتن اي النشاط ده من امتا
ليلى يوم إجازة بقا وكده
فاتن اجازه يبقا ساعديني يلا
ليلى لا انت بقول اجازه يعني ارتاح من مستر صلطع والناس الوحشه دي كلها مش انضف يعني
فاتن مش عارفه هتفتحي بيت ازاي انتي
ليلى بالمفتاح طبعا
فاتن   خفه يا بت
ليلى   بالله يا ماما سبيني ده انا بجهز لانترفيو مهم اوي من امبارح ادعيلي يعدي على خير
فاتن ربنا يوفقك يا بنتي وافرح بيكي بقا
ليلى اي يا ماما ده انتي زهقتي مني
فاتن ولا عمري بس يا حبيبتي انتي هتفضلي لحد امتا كده بترفضي كل اللي يتقدملك
ليلى لحد ما احس اني مرتاحه يا ماما لحد ما احس بأمان لما احس ان الشخص