رواية سمر كاملة بقلم شيما رجب

مش بتحب حد يفرض رأيه عليك بدليل عصبيتك ع باباك انت عمرك ماعملتها....لا مش كده بس انا مش بحبهااا...هنشوف...يعني ايه ...روح نام
عدى يومين وانا بتعامل معاه عادي فرق اني بقيت انزل الكليه لوحدي ومش بقعد معاه بالليل زي الاول لما بشوفه بس ممكن اكلمه غير كده لا
الام رايحه فين
سمر هخرج اتمشي شويه مدايقه
الام طب ماتستني مصطفي انتي مش بتخرجي من غيره
سمر انا مش صغيره وعايزه ابقا لوحدي
الام طيب خلى بالك على نفسك
خرجت م البيت وانا مدايقه فعلا مصطفى سايب فراغ كبير هو كان اهم حد عندي او ماكنش فيه غيره اصلا عشان كده انا مفتقدااه جداا وحشني وهو بيكلمني عن يومه بيحكيلي مشاكله واساعده وحشني خناقنا مع بعض وهو بيصالحني بعديها ويقولي ده انت اخويا...حتى سمير وحشتني منه ...بس للاسف انا مش فارقه عنده زي ماهو فارق ...كلامه مش ناسياه وجعلي قلبي يمكن لو حد تاني كنت استحملت انما هو لا ...يمكن عشان حبيته ايوه انا بحبه بس مش بحاول اعمل زي باقيه البنات الفت نظره أو اغير شكلي وكده عشان اعجبه ...لا هو لازم يحبني زي ماأنا كده بشكلي ولبسى وطريقتي يحب جوهري مش ظاهري بس للاسف هو لاحب ظاهري ولا جوهري حتي ...طلعت مش موجوده في حياتي عشان كده بحاول ابعد وانسااه واكمل عادي
قاعده لوحدك ليه
سمر انت...بتعمل ايه هنا
احمد مش بعمل حاجه كنت هنا وشوفتك قولت اسلم
سمر وسلمت يلا اتفضل
احمد انتي بتعملي كده ايه
سمر بعمل ايه
احمد بتحاولي تثبتي للكل انك تقدري تعيشي لوحدك ..انتي پتخافي من الناس وقربهم
سمر واخاڤ ليه ...وانت بتتكلم معايا كده ليه اصلا
احمد مش قصدي حاجه بس انا اخصائي نفسي واعرف افهم اللي قدامي كويس...من طريقتك انك بتحاولي ترسمي حياه مغلقه لنفسك مش عايزه يبقا فيها حد غيرك و دليل انك پتخافي ترتبطي
سمر تفكيرك مش صح ...انا مش عايزه ارتبط عشان مش مستعده لكده مش اكتر...وبعدين انت عرفت منين
احمد مصطفى كان دايما بيتكلم عنك وتقريبا عرفت عنك كتير
سمر مايفرقش معايا اللي عرفته بس مش من حقك تدخل في حاجه
احمد انا اسف بس حبيت اساعدك لو اقدر
سمر اني اتغير صح
أحمد وتتغيري ليه انتي جميله وجواكي حد رقيق وبنت جميله كمان بس انتي اللي مش عايزه تظهريها ولو حبيتي تظهريها هتعملي كده في اي وقت الموضوع كله في ايدك
سمر ولو انا مش عايزه اعمل كده
احمد انتي مش هتعملي كده غير وانتي من جواكي عايزه كده مش هتتغيري عشان حد ودي حاجه ترجعلك ومحدش ليه الحق انه يطلب انك تتغيري...اللي هيحبك هيحبك زي مانتي مش بشكلك ولا بلبسك اصلا
سمر ........
احمد مش لازم تتكلمي يكفي انك سمحتيلي اتكلم
سمر عادي مفيش حاجه
احمد انا ببقا هنا كل يوم تقريبا في نفس الوقت لو حبيتي تتكلمي هتلاقيني
سمر وايه اللي يخليني اثق فيك واكلمك
احمد للاسف ماعنديش ضمان او سبب ممكن تعتبريني صديق او طبيب نفسي حابب يساعدك عن اذنك لازم امشي
سمر اتفضل
هو عرف كل ده ازااي.. أخصائي نفسي اه بس مش لدرجه انه يقولي كل حاجه تقريبا انا لسه قايلاها...هو فعلا فاهم انا عايزه ايه...انا مش عايزه اتغير عشان حد قالي كده..انا من جوايه لما احس اني فعلا محتاجه اتغير هتغير من غير ماحد يقول