رواية سمر كاملة بقلم شيما رجب

...كل واحد بيعتقد انه على حق وهو اصلا غلط محدش بيفهم وجهه نظر اللي قدامه عشان مايحصلش سوء تفاهم .... نزلت قعدت في الجنينه تحت اتخنقت حرفيا حياتي كلها بقت اتغيري اتغيري ..لازم هما يتغيروا الاول
مصطفى مالك ياض قاعد ليه كده
سمر اسكت ياعم مش ناقصاك
مصطفى حصل ايه طيب
سمر العريس طفش
مصطفى بضحك وايه الجديد يعني
سمر مفيش بس المرادي بابا مدايق اووي انا عايزه ارضيهم ومش عايزه اتجوز
مصطفى و هما رضاهم انك تتجوزي
سمر ما دي المشكله
مصطفى هنلاقي حل ماتقلقيش.....هقوم اشوف بابا عايز ايه
سمر ماشي
مشي مصطفي وقعدت سمر وحدها تفكر يمكن تلاقي حل
سمر اهو الغبي ده نسي تليفونه ومش هيرجع لازم اروح له
مصطفى بابا انت بتقول ايه مستحيل
الاب ايه اللي مستحيل ...ليه
مصطفى يعني انت مش عارف ليه أقولك شايفها ازااي....انا اصلا مش شايفها ...بسبب شكلها ولبسها وطريقتها انا ماينفعش اتجوز سمير ده اخويا مش حتى اختي انا ماشوفتهاش مره بفستان ولا حاجه من حاجات البنات دي...ماتنفعش تبقا زوجه ليا انا مش هتقبلها كده
الأب انتوا قريبين من بعض وهتفهموا بعض
مصطفى قريب كصحاب مش اكتر انما احبها بقا وكمان اتجوزها لا يابابا مااقدرش
الاب يابني افهم الاول
مصطفى مش ذنبي انا محدش قادر عليها ف اتجوزها انا
الأب انا اول مره اشوفك بتتكلم كده وبتتعصب ليه
مصطفى بابا لوسمحت ماتتكلمش معايا في للموضوع ده تاني عن اذنك
خرج مصطفى من المكتب وطلع اوضته
.طبعا كل ده حصل تحت عيون سمر الباكيه لما كانت رايحه تودي الفون بتاعه ...رجعت سمر مكانها وقعدت تبكي بقهره...حتى انت يا مصطفي شايفني وحشه اوي كده ..انت المفروض تكون اكتر حد فاهم انا لى كده...طلعت زيهم..بس للاسف كلامك كان اقسى منهم ...استحمله من اي حد لكن انت لا...وجعت قلبي من غير سبب من غير مااعمل حاجه كل ذنبي شكلي وطريقتي ...للدرجادي انت مش عارفني ولا شايفني
طلعت اوضتها وغيرت ونامت .....صحيت تاني يوم الصبح ولقت الكل ع الفطار
سمر صباح الخير
الكل صباح النور
الأم مال عنيكي كده انتي معيطه!
سمر لا دي ۏجعاني بس
قعدت بتتحاشاه كلامه ونظراته وبتتملك اعصابها ودموعها بصعوبه
مصطفى مش يلا هتتأخري
سمر لا مش هنزل النهارده روح انت
مصطفى انتي كويسه
سمر ايوه تليفونك نسيته امبارح
مصطفى انا كنت بدور عليه
سمر اهو عن اذنك
سابته ورجعت اوضتها وهي مش مستوعبه ان بيتغير كده قدامها حاجه ووراها حاجه مش فاهمه تصرفاته دي فعلا
عدى اسبوع على بعد سمر عن مصطفي قررت تحط مسافه شويه وهتتعامل عادي وده مخليه مستغرب تغيرها المفاجئ هو مش عارف السبب ايه
مصطفى بقالك اسبوع مش بتنزلي الكليه
سمر عادي مفيش حاجه مهمه
مصطفى انتي كويسه متغيره كده ليه
سمر لا عادي هتغير ليه يعني
مصطفى ماهو ده اللي مجنني مفيش حاجه حصلت وانتي بطلتي تكلميني
سمر متهيألك بس مفيش حاجه م الكلام ده
مصطفى طب قومي معاياهنخرج انا هروح لاصحابي تعالي معايا
سمر لا مش هخرج وانا معرفهمش ف مش هروح
مصطفى لا هتنزلي انتي بقالك اسبوع مانزلتيش
جات الام هنا ايوه قومي انزلي معاه انا مش عارفه مالك كده
سمر طيب خلاص هقوم البس
لبست سمر وخرجت لقته مستنيه اخدها ومشي ...وصل الكافيه اللي فيه اصحابه شله تتكون من 4شباب 3بنات قاعدين مستنينه
ندا بتريقه مين ده يا مصطفى
مصطفى دا قصدي دي سمر بنت عمي
ندا بنت!!! بنت