رواية سمر كاملة بقلم شيما رجب

ولا يا سميييييييير انت فين
سمر تعال ياعم انا هنا اهو وقولت 100مره اسمي سمر مش سمير
مصطفى لا سمير وبشنب كمان
سمر شنب في عينك
مصطفى ايه ده اول مره اشوف شنب في العين
سمر ظريف جداا بس جاي ليه يا شبح
مصطفى بعيدا عن شبح احنا ساكنين في نفس البيت
سمر عارفه قصدي عايز ايه
مصطفى هعوز ايه انا ورايا غيرك هتنيل اوصلك في طريقي زي كل يوم ايه الجديد
سمر يا مسكين يا مصطفي ماكنش يومك
مصطفى ايه في ايه
سمر النهارده اجازه يا حبيبي انت نسيت
مصطفى اوباا نسيت اتعودت تبقى معايا كل يوم بقا
سمر هترتاح النهارده ابسط
مصطفى ده فرح وسبع ليالي
سمر طول عمرك واطي
مصطفي سلام يا سمير
سمر غتت والله ومش هتتغير
انا سمر....او سمير زي مابيقول مصطفي مش مصطفى بس تقريبا الكل بيقولي كده شايفيني راجل...مش مهم... ده مصطفي ابن عمي اخويا الكبير وصاحبي وابويا تقريبا هو اللي مربيني من اول مااتولدت مالاقيتش غيره حواليا هو اللي بيوديني المدرسه ويذاكرلي ويخرجني دايما معايا ماسبنيش ولالحظه لحد النهارده حتى بعد مادخلت الجامعه هو اللي بيوصلني ويذاكرلي كمان....هو اهم حد في حياتي ...بابا دايما في شغله مشغول دايما وماما كذلك عشان كده مصطفى قام بدور الاب والام
الام مالك في ايه
سمر مفيش سرحت شويه
الأم اللي واخد عقلك
سمر محدش واخده ولا حد يقدر يعملها
الام هتفضلي كده
سمر هو انا ورايا حاجه
الام يابنتي انا عايزه اعرف مشكلتك من الجواز ايه
سمر هو الجواز بالعافيه انا مش هتجوز
الأم يعني ايه هتعيشي كده
سمر بالظبط كده انا مبسوطه
الأم وليه مايبقاش عندك بيت وعيله وتعيشي مبسوطه
سمر انا مش محتاجه حد في حياتي عشان ابقا مبسوطه الراجل ايه غير شخصيه متسلطه بتتحكم فينا وفاكرينا عبيد عندهم يجروا ورا اي واحد لابسه ضيق وحاطه مكياج شبه العرايس اللعبه ورا البنات المايعه والسهوكه ويقولولك رقه بنات.. دي مش رقه ولا ده جمال دي قله ادب من البنات وقله عقل م الرجاله
الام هتفضلي متعقده كده
سمر ايوه عن اذنك
انا مش معقده م الرجاله ومش بكرهم بس فعلا هما مش عندهم عقل وده طبعا بسبب افعال بعض البنات الا من رحم ربي السهوكه مش رقه اه والله.....انا مش عايزه اتجوز واخلف واعيش ولادي الحياه اللي انا عايشاها اب مشغول وام مش بتفهم بنتها انا مش هبقا كده اكيد بس معرفش الظروف ممكن تحتم عليا اعمل ايه عشان كده مستبعده الموضوع واي عريس بييجي بيطفش لوحده ودي حاحه سهله اووي
.............
الاب ها يامصطفى عملت ايه
مصطفى كله تمام يابابا كل حاجه خلصت
الاب ماشي في اي ورق تاني ولا ايه
مصطفى لا كده خلاص روح انت وانا هكمل شويه حاجات واروح
الاب ماشي ربنا معاك
مصطفي حبيبي يا حج
مصطفي.... انا اكبر من سمر بسنين رغم انهم مش كتير بس بحسها بنتي انا اللي باخد بالي منها وبكل حاجه تخصها هي مش اختي لا هي اخويا الصغير لا بجد اخويا بالمعنى الحرفي للكلمه شكلا وموضوعا طريقه لبسها كلامها وتصرفاتها وعشان كده بقولها سمير مش سمر هي سري وبتفهمني وبتساعدني كمان پنتخانق كتير بس بنهدى بسرعه مفيش مره خڼاقه عدت ال دقايق تقريبا
خلصت شغل ورجعت البيت لا قيتها قاعده في البراندا وكالعادة يعني مفيش جديد بتسمع اغنيه من التلوث السمعي اللي انتشر
مصطفى يا بنتي التلوث