رواية المصراويه والصعيدى بقلم اسراء ابراهيم

هتعمل ايه ووقتها رابحة بصت لبدور بتحذير
رابحة بثقة اسمعي يا بدور ملكيش صالح بمرت سالم فاهمة خلاص يا بتي ده نصيب وسالم اتجوز فشيليه من راسك
بدور پغضب سالم كان هيفكر فيا ويتجوزني يا عمة لولا عمي اللي جبره يتجوز المصراوية
رابحة بقلة حيلة يا بتي متوجعيش جلبك عالفاضي سالم لو كان رايدك كان طلبك من زمان ما انتي كنتي جدامه بس هو مكنش بيفكر فيكي ودلوك هو اتجوز وسعيد بحياته متخربيش عليه وعلي روحك
بدور بغيظ حاضر يا عمة حاضر وهو انا حيلتي ايه غير اني اسكت
رابحة بقصد ايوة اسكتي احسن وبلاش الخړاب يا بتي عشان ميطولكيش انتي كمان
عدي اليوم وجه سالم واول ما دخل شاف بدور اللي كانت قاعدة مع امه ومايان
سالم بابتسامة اهلا يا بدور كيفك يا بت عمي
بدور بلهفة زينة يا سالم جولي كيفك انت
سالم وعنيه علي مايان زين يا بدور كيفك يا مايان اخبار وكل ايه انهاردة
مايان بابتسامة عملتلك اكلة انهاردة حلوة اوي هتعجبكم وعلي فكرة انا عملتها لوحدي ماما مساعدتنيش مش كدة يا ماما
رابحة بابتسامة صح يا قلب امك انا كنت جاعدة طول النهار مع بدور ومرتك الله يحرسها هي اللي طبخت
سالم بتلقائية تسلم يدك يا جلبي
ابتسمت مايان بخجل وكأنها كانت مستنية بس تشوف رد فعل سالم علي اكلها ووقتها قامت بخجل وكانت بدور قاعدة متغاظة اوي
بدور بغيظ وهو وكل مصر هيبجي حلو برضك زي وكلنا يا واد عمي كيف ده بجي
مايان بصت لبدور بضيق ومردتش بس اللي رد سالم لما لقته بيقرب منها وبيمسك ايديها بحب وهو بيرد علي بدور
سالم بتلقائية الوكل كله واحد يا بت عمي بس النفس اللي بيفرج وانا كفايا عليا ان مرتي اللي عاملاه دي اهم حاجة عندي
ابتسمت مايان بخجل وهي باصة لسالم بفخر وبدور كانت قاعدة هطق وخصوصا اما سالم اخد مايان وطلع قدامها

في الاوضة كانت رايحة جاية مايان بتوتر لحد ما خرج سالم من الحمام فكانت بصاله هي بغموض وهو بيسرح شعره لحد ما لقت نفسها بتقرب منه
مايان بتلقائية هو انت كان في حاجة بينك وبين بدور
سالم بتكشيرة ايه اللي بتجوليه ده يا مايان الحديت ده عندينا عيب وميصحش كيف يعني كان في حاجة بيناتنا
مايان باندفاع ماهو انت مشوفتش كلامها معايا عامل ازاي وكمان نظراتها ليا كأني خاطفاك منها
سالم بتنهيدة اسمعي يا مايان مش رايدك تشغلي بالك ببدور دي لساتها صغيرة وعيلة
مايان بضيق بس بتفهم وبعدين منا كمان عيلة بس عارفة كويس افهم نظرات وكلام اللي قدامي وبعدين انت بتهرب ليه من الاجابة انتو كنتو بتحبو بعض صح ولما اتجوزتني اضطريت تسيبها مش كدة
سالم پصدمة كل ده الفتيه براسك انتي تنفعي مؤلفة تصدجي بجي وبعدين انتي ليه مش رايدة تفهمي اني كبير اهنه وصدجيني لو رايد اتجوزها من انهاردة مش من بكرة هعمل اكده
مايان بخنقة اومال معملتش كدة ليه
سالم بتنهيدة وهو بيقرب من مايان عشان اني مش رايد يا مايان عشان اني متجوز ومكتفي بيكي حتي لو ده ڠصب عنك بس اني مبسوط اكده وانتي معايا وايوة بدور عاشجاني وانا خابر ده من زمان بس عمري ما بليت ريجها بكلمة عشان متتعشمش لاني بعتبرها خيتي فهمتي بجي
مايان ابتسمت بتلقائية ومحستش بنفسها غير وهي بتدخل بين ايدين سالم فاټصدم وقلبه دق اوي فابتسم بتلقائية وحاوطها بايديه
سالم بهمس لو اعرف ان بدور هي